Community News & Updates

Stay informed with the latest happenings, achievements, and announcements from our community.

All News

calendar_today January 28, 2026

Surendranagar: મુળીથી સુરેન્દ્રનગર રિક્ષામાં દેશી દારૂની ખેપ મારતા મહિલા સહિત 2 પકડાયા, 8 વોન્ટેડ

એ ડીવીઝન પોલીસ ટીમને વહેલી સવારે પેટ્રોલિંગ દરમિયાન મુળી તરફથી દેશી દારૂ ભરેલ રિક્ષા સુરેન્દ્રનગર તરફ આવતી હોવાની બાતમી મળી હતી. આથી પોલીસે મોરબીના પુલના છેડે વોચ રાખી હતી. જેમાં શંકાસ્પદ રિક્ષા આવતા તેને રોકવાની કોશીષ કરતા ચાલક અશ્વલાઈન તરફ રીક્ષા ભગાડી મુકી ફરાર થઈ ગયો હતો. જેમાં ચાલક પ્રવીણ વિજયભાઈ ચોવીસીયા હતો. જયારે રિક્ષામાંથી જાહીરા ઉર્ફે મુન્ની હબીબભાઈ માણેક અને રમજાન હબીબભાઈ માણેક 500 લીટર દેશી દારૂ સાથે પકડાયા હતા. આ બન્નેને દારૂ વીશે પુછતા તેઓએ આ દારૂ મુળીના વીનુ ધનજીભાઈ સલોરા પાસેથી લાવ્યા હોવાનું તથા સુરેન્દ્રનગરના હીનાબેન હાસમભાઈ ભટ્ટી, મુમતાઝ ગફારભાઈ, સલમાબેન હનીફભાઈ ખોડ, જયેશ ઉર્ફે કાનો જાદવ, જયોતીબેન વીરમભાઈ સારલા અને હુરબાઈબેનને આપવાનો હોવાનું જણાવ્યુ હતુ. આથી પોલીસે દેશી દારૂ, રિક્ષા અને મોબાઈલ સહિત 1.30 લાખની મત્તા જપ્ત કરી ફરિયાદ નોંધી છે. અન્ય આરોપીઓને ઝડપી લેવા વધુ તપાસ પોલીસ ચલાવી રહી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 28, 2026

Mandal: APMCમાં તુવેરની બમ્પર આવક જારી

રાજ્ય સરકાર અને કેટલીક ખેત સંસ્થાઓ દ્વારા દર વર્ષે રાજ્યના ખેડૂતો પાસેથી તુવેર, ચણાંની ખરીદી કરવામાં આવતી હોય છે અને સ્પેશ્યલ તુવેર-ચણાની ખરીદી માટેનું કેન્દ્ર ફાળવી દરેક તાલુકાઓમાંથી ટેકાના ભાવે જણસીની ખરીદી કરાઈ રહી હોય છે. જેનો ખેડૂતોને વિશેષ લાભ થતો હોય છે. સરકારના આવા અભિગમોથી ખેડૂતોને પોતાના પાકનો સારો, ટેકાનો ભાવ મળી રહે અને દુર ના જવું પડે તેમજ નજીકના સેન્ટરો ઉપર જઈને પોતાના માલની હરાજી કરાવી શકે છે. માંડલ એપીએમસીના સેક્રેટરી અમીત પટેલે જણાવ્યું કે, હાલ સરકારના તુવેરની જણસીમાં ટેકાનો 1600 રૂપિયા આસપાસ ભાવ છે, હજુ અમદાવાદ જિલ્લામાં માંડલ ખાતે ખેતીવાડી ઉત્પન્ન બજાર સમિતિમાં સેન્ટર પણ શરૂ કરાયું નથી અને સરકારના જે તે સંસ્થા, વિભાગ તરફથી હજુ સુધી તાલુકાને તુવેરનું સેન્ટર સત્તાવાર ફાળવાયું નથી. તેમ છતાં માંડલ ખેતીવાડી બજારમાં તુવેરની અધધ... આવક નોંધાઈ રહી છે. માંડલ ખેતીવાડી ઉત્પન્ન બજાર સમિતિમાં જગ્યાનો અભાવ હોઈ પોલીસ સ્ટેશનની બાજુમાં જુની કોટન જીનની વિશાળ જગ્યામાં હાલ મોટાપાયે તુવેરની હરાજીનું કામકાજ ચાલુ છે. માંડલમાં છેલ્લાં 15 દિવસથી તુવેરની આવક વિપુલ પ્રમાણમાં નોંધાઈ રહી છે દરરોજની પથી 7 હજાર બોરીની આવક થઈ રહી છે અને છેલ્લાં બે દિવસથી તુવેરના ટ્રેક્ટર-ટ્રોલી લઈને આવતાં ખેડૂતોનો વધુ ધસારો જોવા મળી રહ્યો છે. ખેતીવાડી બજારમાં પંદર દિવસની અંદર 1 લાખ મણ તુવેરની હરાજી થઈ છે અને મંગળવારે જ 10 હજાર બોરીની આવક નોંધાઈ હતી. માંડલ માર્કેટયાર્ડમાં (પ્રતિ 20 કિલો) 1 મણ તુવેરનો સૌથી નીચો ભાવ રૂ. 1401થી શરૂ થાય છે અને રૂ. 1600થી લઈ 1650 સુધીના ભાવો ખેડુતોને મળી રહ્યાં છે, બેસ્ટ ક્વોલિટીની તુવેરના સૌથી ઉંચા રૂ. 1701 સુધીના ભાવો નોંધાયા છે. હાલ તુવેરની હરાજીનું કામકાજ મોટાપ્રમાણમાં ચાલી રહ્યું છે અને સરકારના ટેકાના ભાવો રૂ. 1,600 આસપાસ છે પરંતુ માંડલમાં 1600થી લઈ 1700 રૂપિયા સુધીના ટેકાના ભાવો કરતાં પણ અધિક ભાવો મળવાને લઈ દરરોજ 300થી પણ વધુ ટ્રેક્ટરોની લાંબી કતારો જોવા મળી રહી છે. તા.28ને બુધવારે ખેતીવાડી બજારમાં 300થી વધુ ટ્રેક્ટર ભરીને તુવેરની હરાજી કરાઈ હતી અને 14 હજાર બોરીની આવક નોંધાઈ હતી. દરરોજ મોડી રાત્રીથી ખેડૂતો માંડલ માર્કેટ યાર્ડ તરફના માર્ગ ઉપર ટ્રેક્ટરની લાઈન કરી દે છે, વહેલી સવારે ટ્રેક્ટરને સોસાયટી જીનના કેમ્પસમાં પ્રવેશ મળે છે અને ત્યાંથી વારાફરતી હરાજી કરાવીને એપીએમસીમાં જે તે વેપારીએ માલ ખરીદ્યો હોય તેની પેઢી/દુકાને ટ્રેક્ટરમાંથી માલ ઠલવવામાં આવે છે. આમ મોડીરાત્રિથી કાંતો વહેલી સવારેથી આવેલ ખેડૂતો માટે માર્કેટયાર્ડ દ્વારા ભોજનની પણ વ્યવસ્થા ઉભી કરવામાં આવી છે. આમ માંડલ ખાતે હાલ તુવેરની વિપુલ પ્રમાણમાં આવક થઈ રહી છે અને ખેડૂતો, વેપારીઓમાં ઉત્સાહ જોવા મળી રહ્યો છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 28, 2026

Sayla: ચૂડા, પાણશીણાના શહેરી તથા ગ્રામ્યમાં વીજ ટીમના દરોડા

સુરેન્દ્રનગર જિલ્લામાં વીજ ચોરીના દૂષણને ડામવા તંત્ર દ્વારા કરાયેલ કાર્યવાહીમાં સાયલા, ચુડા તેમજ પાણશીણા સબ સ્ટેશન હેઠળના વિસ્તારોમાંથી મોટા પ્રમાણમાં કરાતી ગેરરીતી ઝડપાઇ જવા પામી હતી. વીજ વિભાગ દ્વારા આશરે ત્રીસ લાખથી વધુનો દંડ ફ્ટકારાયો છે.લીંબડી ડિવિઝન હેઠળના આવતા સાયલા શહેર તથા ગ્રામ્યના જસાપર, ચુડાના અચારડા, દરોદ, ચમારડી, વનાલી તથા પાણશીણાના રાણાગઢ, કઠેચી સહિતના વિસ્તારોમાં કોર્પોરેટ ડ્રાઈવ અંતર્ગત વીજ વિભાગ દ્વારા મેગા સર્ચ ઓપરેશન હાથ ધરાયું હતું. પોલીસ તથા SRP જવાનોના બંદોબસ્ત સાથે વીજ વિભાગની 36 ટીમ દ્વારા ઘર વપરાશ, વાણીજ્ય તેમજ ખેતીવાડીના 430 જોડાણોની તપાસ કરતા 91 વીજ જોડાણોમાં ગેરરીતિ બહાર આવી હતી. તંત્ર દ્વારા વીજ ચોરી કરતા ઝપટે ચડી ગયેલા તમામ 91 જોડાણોને આશરે ત્રીસ લાખ રૂપિયાથી વધુ રકમનો દંડ ફ્ટકારવામાં આવ્યો હતો. સાયલામાં કરાયેલ વીજ ચેકીંગની કાર્યવાહીમાં 35 જોડાણોમાં ગેરરીતી ખુલતા તમામને મળી આશરે નવ લાખ રૂપિયાનો દંડ ફ્ટકાર્યો હોવાનું સૂત્રોએ વધુમાં જણાવ્યું હતું. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward