Community News & Updates

Stay informed with the latest happenings, achievements, and announcements from our community.

All News

calendar_today January 28, 2026

Gandhinagar : આંગણવાડીના ભૂલકાંઓ માટે આધારશિલા, જૂન 2026થી રાજ્યમાં નવો અભ્યાસક્રમ થશે અમલી

ગુજરાત રાજ્યના આંગણવાડીના બાળકોના સર્વાંગી વિકાસ માટે શિક્ષણ વિભાગ દ્વારા એક મહત્વપૂર્ણ નિર્ણય લેવામાં આવ્યો છે. સ્ટેટ ECCE (Early Childhood Care and Education) કાઉન્સિલની તાજેતરમાં મળેલી બેઠકમાં પૂર્વ પ્રાથમિક અભ્યાસક્રમ આધારશિલાને સત્તાવાર મંજૂરી આપવામાં આવી છે. નવો અભ્યાસક્રમ જૂન 2026 ના શૈક્ષણિક વર્ષથી થશે લાગુ આ નવો અભ્યાસક્રમ જૂન 2026 ના શૈક્ષણિક વર્ષથી રાજ્યની તમામ આંગણવાડીઓમાં લાગુ કરવામાં આવશે. આ પ્રોજેક્ટનો મુખ્ય ઉદ્દેશ્ય બાળકોને માત્ર પુસ્તકીયું જ્ઞાન આપવાને બદલે તેમના માનસિક અને શારીરિક વિકાસ પર ભાર મૂકવાનો છે. આ અંતર્ગત બાળકોને દરરોજ 4 કલાક રમત-ગમત સાથે ગમ્મતભર્યું શિક્ષણ આપવામાં આવશે. મારી વિકાસ યાત્રા પુસ્તિકાને પણ મંજૂરી મળી બાળકોના વિકાસના માપદંડોને ટ્રેક કરવા માટે “મારી વિકાસ યાત્રા” નામની ખાસ પુસ્તિકાને પણ મંજૂરી મળી છે. આ પુસ્તિકા દ્વારા દરેક બાળકની શીખવાની ક્ષમતા અને તેમના શારીરિક-માનસિક ફેરફારોનું વિગતવાર નિરીક્ષણ કરવામાં આવશે.આ અભ્યાસક્રમને અસરકારક રીતે લાગુ કરવા માટે રાજ્યભરની આંગણવાડી કાર્યકરોને વિશેષ તાલીમ આપવામાં આવશે. આ તાલીમ દ્વારા કાર્યકરો બાળકોને આધુનિક પદ્ધતિથી કેવી રીતે ભણાવવા અને રમત-ગમતમાં કેવી રીતે વ્યસ્ત રાખવા તે અંગે સજ્જ થશે. આ પણ વાંચોઃ Surat : ચીઝના નામે ઝેર? સુરતના સરથાણામાં 540 કિલો ચીઝનો અખાદ્ય જથ્થો ઝડપાયો

Read Full Story arrow_forward

calendar_today January 28, 2026

Gandhinagar News: આદિવાસી વિસ્તારોમાં 2600 કરોડના ખર્ચે 2020 કિ.મીના પાકા બારમાસી રસ્તા તૈયાર કરાશે

મુખ્યમંત્રી ભુપેન્દ્રભાઈ પટેલની અધ્યક્ષતામાં યોજાયેલી કેબિનેટની બેઠકમાં આદિવાસી વિસ્તારોના સર્વાંગી વિકાસ માટે વધુ એક મહત્વનો નિર્ણય કરવામાં આવ્યો છે. રાજ્યના આદિવાસી વિસ્તારોમાં આવેલા પરાઓને પ્રધાનમંત્રી ગ્રામ સડક યોજના અંતર્ગત એકપણ વાર જોડાણ મળ્યું ન હોય તેવા 2011ની વસ્તી ગણતરી મુજબ 500થી વધુ વસ્તીના નોર્મલ એરિયા તથા 250થી વધુ વસ્તી ધરાવતા ટ્રાયબલ એરિયાના 1614 પરાઓને પ્રથમવાર પાકા બારમાસી રસ્તાથી જોડવામાં આવશે. રાજ્ય સરકાર દ્વારા 40 ટકા રકમ ચૂકવવામાં આવે છે પ્રવક્તા મંત્રી જીતુ વાઘાણીએ કહ્યું હતું કે,રાજ્યના આદિવાસી વિસ્તારોમાં પ્રધાનમંત્રી ગ્રામ સડક યોજના 4 અંતર્ગત કરવામાં આવેલા સર્વેમાં 4781 પરાઓ પૈકી પ્રથમ તબક્કામાં 1614 પરાઓ પસંદ કરવામાં આવ્યા છે.આ પરાઓમાં કુલ 2020 કિલોમીટરના રસ્તા બનાવવામાં આવશે.આ રસ્તા અંદાજિત કુલ રૂ.2600 કરોડના ખર્ચે તૈયાર કરવામાં આવશે. આ નવીન રોડ તૈયાર થવાથી આદિવાસી વિસ્તારના કુલ 1699 પરાઓમાં રહેતી અંદાજે 8 લાખથી વધુ વસ્તીને લાભ મળશે અને માળખાકીય સુવિધામાં વધારો થશે.આ સિવાય બાકી રહેલા સર્વેની ચકાસણી પણ કેન્દ્ર સરકાર દ્વારા ઝડપથી કરવામાં આવી રહી છે. પ્રધાનમંત્રી ગ્રામ સડક યોજના અંતર્ગત પરાઓને પાકા બારમાસી રસ્તાઓથી જોડવા માટે કેન્દ્ર દ્વારા 60 ટકા અને રાજ્ય સરકાર દ્વારા 40 ટકા રકમ ચૂકવવામાં આવે છે. આ પણ વાંચોઃ Gandhinagar News: રાજ્યની સહકારી સંસ્થાઓ અને મંડળીઓની ચૂંટણી છ માસ માટે મુલતવી રખાઈ

Read Full Story arrow_forward

calendar_today January 28, 2026

CBSE દ્વારા ગુજરાતમાં પ્રથમવાર સ્કિલ એકસ્પોનું આયોજન

કેન્દ્રીય માધ્યમિક શિક્ષણ બોર્ડ (CBSE) દ્વારા આયોજિત CBSE સ્કિલ એક્સ્પો અને ગાઈડન્સ ફેસ્ટિવલ 2025–26નું સફળ આયોજન 28 જાન્યુઆરી 2026ના રોજ એન્ટરપ્રેન્યોરશિપ ડેવલપમેન્ટ ઈન્સ્ટિટ્યૂટ ઓફ ઈન્ડિયા (EDII), ગાંધીનગર, ગુજરાત ખાતે કરવામાં આવ્યું હતું. આ સ્કિલ એક્સ્પોનું ઉદ્ઘાટન CBSEના અધ્યક્ષ રાહુલ સિંહ દ્વારા કરવામાં આવ્યું હતું. 54 ટીમોએ ભાગ લીધો આ કાર્યક્રમ નવીનતા, સર્જનાત્મકતા અને શાળાસ્તરના વિદ્યાર્થીઓમાં કૌશલ્ય આધારિત શિક્ષણના વધતા મહત્વને ઉજાગર કરતું એક જીવંત મંચ બની રહ્યું. સ્કિલ એક્સ્પોમાં CBSEની વિવિધ પ્રાદેશિક સ્કિલ સ્પર્ધાઓમાં સ્થાન પ્રાપ્ત કરનાર આસપાસ 54 ટીમોએ ભાગ લીધો હતો. આ ટીમો ભારત તેમજ ગલ્ફ ક્ષેત્રની વિવિધ શાળાઓનું પ્રતિનિધિત્વ કરતી હતી. વિદ્યાર્થીઓએ કૃષિ, ટેક્નોલોજી અને નવીનતા, આરોગ્ય અને સુખાકારી, પર્યાવરણ અને ટકાઉ વિકાસ સહિતના વિષયો પર આધારિત કાર્યરત મોડેલ્સ રજૂ કર્યા હતા. આ પ્રદર્શન દ્વારા વિદ્યાર્થીઓની સમસ્યા ઉકેલવાની ક્ષમતા, પ્રાયોગિક જ્ઞાન અને વાસ્તવિક જીવનના પડકારો અંગેની સમજ સ્પષ્ટ રીતે દેખાઈ આવી. એક્સ્પોમાં લગભગ 80 શાળાઓની ભાગીદારી રહી CBSEના અધ્યક્ષ રાહુલ સિંહે વિદ્યાર્થીઓ સાથે સંવાદ સાધ્યો અને તેમના વિચારોને પ્રાયોગિક સ્વરૂપ આપવાના પ્રયાસોની પ્રશંસા કરી. આ એક્સ્પોમાં લગભગ 80 શાળાઓની ભાગીદારી રહી હતી અને કુલ અંદાજે 2,200 વિદ્યાર્થીઓએ મુલાકાત લીધી હતી, જેના કારણે કાર્યક્રમ જ્ઞાન અને વિચારવિમર્શનું સજીવ કેન્દ્ર બન્યો હતો. સ્કિલ એક્સ્પો સાથે સાથે એક માર્ગદર્શન વર્કશોપનું પણ આયોજન કરવામાં આવ્યું હતું, જેમાં કૌશલ્યોને માન્યતા, મૂલ્ય અને પ્રોત્સાહન આપવાની આવશ્યકતા પર ભાર મૂકવામાં આવ્યો હતો, જેથી ભાવિ પેઢીને વધુ વિસ્તૃત અને અર્થપૂર્ણ કારકિર્દી અવસરો મળી શકે. પ્રતિષ્ઠિત નિષ્ણાતોએ કૌશલ્ય અને કારકિર્દી માર્ગોને લઈને ઈન્ટરએક્ટિવ સત્રો લીધા આ માર્ગદર્શન સત્રમાં મુકેશ કુમાર (પ્રિન્સિપલ સચિવ, ગુજરાત સેકન્ડરી એજ્યુકેશન બોર્ડ), સંદીપ સાગલે (ડાયરેક્ટર જનરલ, સ્પોર્ટ્સ ઓથોરિટી ઓફ ગુજરાત), સુનિલ શુક્લા (ડાયરેક્ટર જનરલ, EDII), ડૉ. બિસ્વજીત સહા (ડાયરેક્ટર, સ્કિલ એજ્યુકેશન – CBSE), મનોજ કુમાર શ્રીવાસ્તવ (ડાયરેક્ટર ટ્રેનિંગ – CBSE) અને વિવેક કુમાર સિંહ (ચીફ વિજિલન્સ ઓફિસર – CBSE) હાજર રહ્યા હતા. વિવિધ ક્ષેત્રોના પ્રતિષ્ઠિત નિષ્ણાતોએ કૌશલ્ય અને કારકિર્દી માર્ગોને લઈને ઈન્ટરએક્ટિવ સત્રો લીધા, જેમાં લગભગ 600 વિદ્યાર્થીઓ, શાળા પ્રમુખો અને શિક્ષકોને લાભ મળ્યો હતો. સમગ્ર ફેસ્ટિવલ CBSEની કૌશલ્ય આધારિત, ભવિષ્ય માટે તૈયાર શિષ્યો ઘડવાની પ્રતિબદ્ધતાને મજબૂત બનાવતું મહત્વપૂર્ણ પગલું સાબિત થયું.આ પણ વાંચો : Gandhinagar News: આદિવાસી વિસ્તારોમાં 2600 કરોડના ખર્ચે 2020 કિ.મીના પાકા બારમાસી રસ્તા તૈયાર કરાશે

Read Full Story arrow_forward