Patan News:રોડ ક્રોસ કરતી બાળકીને જીપ ડાલાએ ઉડાવી
પાટણ જિલ્લાના સિદ્ધપુર તાલુકાના ડિંડરોલ ગામે એક અત્યંત કરૂણ અકસ્માતની ઘટના સામે આવી છે. ડિંડરોલથી મામવાડા જવાના રસ્તા પર એક નાની બાળકી ઉતાવળે રોડ ક્રોસ કરવા જતી હતી, તે દરમિયાન પુરપાટ ઝડપે આવી રહેલા એક જીપ ડાલાએ તેને અડફેટે લીધી હતી. આ સમગ્ર ઘટના નજીકમાં લાગેલા CCTV કેમેરામાં કેદ થઈ છે, જે જોઈને કોઈપણનું કાળજું કંપી ઉઠે તેમ છે.બાળકીની હાલત ગંભીર CCTV ફૂટેજમાં જોઈ શકાય છે કે, બાળકી રસ્તાની એક તરફથી બીજી તરફ દોડીને જઈ રહી હતી, ત્યારે જ સામેથી આવતા ડાલા સાથે તે અથડાઈ હતી. આ અકસ્માતમાં બાળકીને શરીરે ગંભીર ઈજાઓ પહોંચી છે. અકસ્માત થતા જ આસપાસના લોકો દોડી આવ્યા હતા અને લોહીલુહાણ હાલતમાં બાળકીને તાત્કાલિક સારવાર અર્થે હોસ્પિટલ ખસેડવામાં આવી હતી. હાલમાં બાળકી મહેસાણાની એક ખાનગી હોસ્પિટલમાં જીવન-મરણ વચ્ચે ઝોલા ખાઈ રહી છે. વાલીઓ માટે લાલબત્તી સમાન કિસ્સો આ ઘટના નાના બાળકોના પરિવારજનો માટે આંખ ઉઘાડનારો કિસ્સો છે. રહેણાંક વિસ્તાર કે મુખ્ય માર્ગો પર બાળકોને એકલા ન છોડવા અથવા રસ્તો ઓળંગતી વખતે પૂરતી તકેદારી રાખવી કેટલી જરૂરી છે તે આ અકસ્માત પરથી સમજાય છે. પોલીસે આ મામલે CCTV ફૂટેજના આધારે વધુ તપાસ હાથ ધરી છે આ પણ વાંચો - Patan: રેલવે મેન્ટેનન્સનું કામ હોવાથી છેલ્લા 3 દિવસથી સૂઈગામ હાઈવે બંધ
Read Full Story arrow_forward
