Prantij:ભાંખરિયાના વિસ્તારની લારીમાં ગેસનો સિલિન્ડર ફાટતાં અફરાતફરી મચી
પ્રાંતિજ શહેરના ભાંખરિયા વિસ્તારમાં ઉત્તરાયણ પર્વને લઈ ફુગ્ગામાં ગેસ ભરતા એક ફેરિયાની બોટલમાં ધડાકો થયો હતો. આ ઘટનાને કારણે સમગ્ર વિસ્તારમાં અફરાતફરી મચી ગઈ હતી.ભરચક વિસ્તારમાં થયેલા આ ધડાકાના કારણે આસપાસના દુકાનદારો અને ગ્રાહકોમાં નાસભાગ મચી હતી. લોકો ભયભીત થઈ સુરક્ષિત સ્થળો તરફ દોડયા હતા. ગેસ બોટલ બ્લાસ્ટ થતાં આગ લાગી હતી. ઘટનાની જાણ થતાં જ પ્રાંતિજ ફાયર બ્રિગેડની ટીમ તાત્કાલીક ધટના સ્થળ પર દોડી આવી હતી અને આગ પર કાબૂ મેળવ્યો હતો. ફાયર ટીમ દ્વારા વીજતારથી ફૂગ્ગો છૂટો પાડવામાં આવ્યો હતો અને ઘટના સ્થળે કુલ ત્રણ મોટી ગેસ બોટલો હતી જેમાંથી એકમાં આગ લાગી હતી. ફાયર બ્રિગેડે આગ બુઝાવ્યા બાદ, પાલિકાની ટીમે અન્ય બે ભરેલી ગેસ બોટલોને કબજે કરી હતી અને ત્યારબાદ પ્રાંતિજ પાલિકા દ્વારા બજાર વિસ્તારમાંથી ફરી આવી ઘટના ના બને તે માટે ફુગ્ગાઓનું વેચાણ કરતા લારીવાળા તથા પાથરણા વાળાઓને બજારમાંથી દૂર કરવામાં આવ્યા હતા. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
