Community News & Updates

Stay informed with the latest happenings, achievements, and announcements from our community.

All News

calendar_today January 13, 2026

Patdi: ફુલકી હાઇવે પર છકડો રીક્ષા અને બાઇક વચ્ચે ગમખ્વાર અકસ્માત, 22 વર્ષીય યુવકનું મોત

પાટડી તાલુકાના ફુલકી હાઇવે પર ધાસપુરના પાટીયા પાસે એક ગોઝારો અકસ્માત સર્જાયો છે. રોંગ સાઇડમાં આવતા એક છકડા રીક્ષા ચાલકે બાઇક સવાર દંપતીને જોરદાર ટક્કર મારતા 22 વર્ષીય યુવકનું ઘટનાસ્થળે જ કમકમાટીભર્યું મોત નીપજ્યું છે, જ્યારે તેની પત્નીને ગંભીર હાલતમાં સારવાર અર્થે ખસેડવામાં આવી છે.રોંગ સાઇડમાં આવતા છકડાએ લીધી હડફેટેમળતી માહિતી મુજબ, અખીયાણા ગામનો યુવક તેની પત્ની સાથે બાઇક પર હાઇવે પરથી પસાર થઈ રહ્યો હતો. આ દરમિયાન ધાસપુર પાટીયા પાસે સામેથી રોંગ સાઇડમાં પૂરપાટ ઝડપે આવી રહેલી એક છકડો રીક્ષાએ બાઇકને અડફેટે લીધી હતી. ટક્કર એટલી પ્રચંડ હતી કે બાઇક ચાલક યુવક હવામાં ફંગોળાયો હતો અને ગંભીર ઈજાઓ થવાના કારણે તેનું સ્થળ પર જ મોત નીપજ્યું હતું.નવપરિણીત દંપતી પર આભ ફાટ્યુંઅકસ્માતમાં મૃત્યુ પામનાર યુવકની ઓળખ અખીયાણા ગામના જતીનભાઇ રસીકભાઇ ઠાકોર (ઉં.વ. 22) તરીકે થઈ છે. આ અકસ્માતમાં તેની પત્ની કોમલબેન ઠાકોર (ઉં.વ. 19) ને શરીરે ગંભીર ઈજાઓ પહોંચી છે. પ્રાથમિક સારવાર બાદ તેમની હાલત વધુ નાજુક જણાતા તેમને તાત્કાલિક અમદાવાદની હોસ્પિટલમાં વધુ સારવાર માટે રિફર કરવામાં આવ્યા છે.આ પણ વાંચો: એમ્યુઝમેન્ટ પાર્ક પાસે મોબાઈલ ટાવરમાં ભીષણ આગ, વાયરિંગ બળીને ખાખ

Read Full Story arrow_forward

calendar_today January 13, 2026

Gandhinagar: ડ્રગ્સની હેરાફેરી કે વેચાણ અંગે બાતમી આપવા માટે વોટ્સએપ નંબર જાહેર, પોલીસનો આ નંબર પર સંપર્ક થઈ શકશે

મુખ્યમંત્રી ભૂપેન્દ્ર પટેલના નેતૃત્વમાં અને નાયબ મુખ્યમંત્રી હર્ષ સંઘવીના માર્ગદર્શનમાં ગુજરાત પોલીસ દ્વારા રાજ્યને ડ્રગ્સ મુક્ત બનાવવા માટે રીતસરની જંગ છેડવામાં આવી છે ત્યારે ડ્રગ્સ માફીયાઓ સામે કડક હાથે કામગીરી કરવા ગુજરાત પોલીસમાં ડેડિકેટેડ નાર્કોટિક્સ કેસને લગતી કાર્યવાહી કરવા માટે એન્ટી નાર્કોટિક્સ ટાસ્ક ફોર્સ (ANTF) બનાવવામાં આવી છે. આ લડાઈને વધુ વેગ આપવા અને સામાન્ય જનતા સરળતાથી ડ્રગ્સ માફિયાઓ વિરુદ્ધ માહિતી આપી શકે તે માટે એન્ટી નાર્કોટિક્સ ટાસ્ક ફોર્સ (ANTF) દ્વારા સત્તાવાર વોટ્સએપ નંબર જાહેર કરવામાં આવ્યો છે. નાગરિકનું નામ અને વિગતો સંપૂર્ણપણે ગુપ્ત રખાશે હવે કોઈ પણ નાગરિક ડ્રગ્સ સંબંધિત માહિતી આપવા માટે ANTF ગુજરાત વોટ્સએપ નંબર: 99040 01908 ઉપર સંપર્ક કરી શકશે. તે ઉપરાંત નાર્કોટિક્સ હેલ્પલાઇન નંબર 1908 ઉપર પણ નાગરિકો કોલ કરી શકે છે. ગુજરાત પોલીસ દ્વારા ખાતરી આપવામાં આવે છે કે, આ નંબર પર ડ્રગ્સની હેરાફેરી, વેચાણ કે અન્ય શંકાસ્પદ પ્રવૃત્તિ અંગે માહિતી આપનાર નાગરિકનું નામ અને વિગતો સંપૂર્ણપણે ગુપ્ત રાખવામાં આવશે. યુવાધનને બચાવવા માટે મોટું યોગદાન તમારી એક નાનકડી માહિતી ગુજરાતના યુવાધનને બચાવવા માટે મોટું યોગદાન આપી શકે છે. ANTF ગુજરાત પોલીસ ડ્રગ્સ ટ્રાફિકિંગ રોકવા, શૈક્ષણિક સંસ્થાઓમાં જાગૃતિ લાવવા અને નશાની લત છોડાવવા માટે સતત કાર્યરત છે. આ ઝુંબેશમાં જોડાવા માટે સોશિયલ મીડિયાના ફેસબુક પ્લેટફોર્મ પર antfgujarat, X(ટ્વિટર) પ્લેટફોર્મ પર @antfgujarat અને ઈન્સ્ટાગ્રામ પ્લેટફોર્મ પર @antf_gujaratને ફોલો કરવા પણ વિનંતી કરવામાં આવી છે.આ પણ વાંચોઃ Gandhinagar : એક દાયકામાં દેશની બાયો ઈકોનોમી 10 બિલિયન ડોલરથી વધી 1600 બિલિયન ડોલરને પાર પહોંચી

Read Full Story arrow_forward

calendar_today January 13, 2026

Himachal Pradeshમાં ગેરેજમાંથી રસ્તા પર આવશે વિન્ટેજ કાર, સરકારનો મોટો નિર્ણય

હિમાચલ પ્રદેશ સરકાર દ્વારા એક મહત્વપૂર્ણ નિર્ણય લેવામાં આવ્યો છે, જેના કારણે વિન્ટેજ અને ક્લાસિક કારના શોખીન લોકોમાં ખુશી જોવા મળી રહી છે. 50 વર્ષથી વધુ જૂની કાર અને મોટરસાયકલો, જેમની R.C. (રજીસ્ટ્રેશન સર્ટિફિકેટ) સમાપ્ત થઈ ગઈ હતી, હવે ફરીથી નોંધણી કરાવીને રસ્તા પર ચલાવી શકાશે. નાયબ મુખ્યમંત્રી મુકેશ અગ્નિહોત્રીએ આ વાતની સત્તાવાર પુષ્ટિ કરી છે. અનેક લોકો પાસે જૂની કાર ઘણા લોકો પાસે એવી કાર છે જે વર્ષો પહેલાં તેમના પૂર્વજો દ્વારા ઉપયોગમાં લેવામાં આવતી હતી. સમય જતાં આ વાહનો ગેરેજમાં ધૂળ ખાતા રહ્યા, કારણ કે કાયદાકીય મંજૂરી ન હોવાથી તેને રસ્તા પર ચલાવી શકાતી ન હતી. હવે પરિવહન વિભાગ નવા નિયમો બનાવી રહ્યો છે, જેથી આવા વાહનોને ફરીથી જીવન મળી શકે. નવા નિયમ અનુસાર નવી વ્યવસ્થા મુજબ, વિન્ટેજ અને ક્લાસિક વાહનોની ફરીથી નોંધણી કરવામાં આવશે. તેમની ટેકનિકલ ફિટનેસ ચકાસવામાં આવશે, જેથી સુરક્ષાની કોઈ ખામી ન રહે. ફિટનેસ પૂર્ણ થયા બાદ વાહનને નવો નોંધણી નંબર આપવામાં આવશે. ખાસ વાત એ છે કે વિન્ટેજ કાર માટે અલગ નંબર શ્રેણી રાખવામાં આવશે, જે દેશના કેટલાક અન્ય રાજ્યોમાં પહેલેથી અમલમાં છે. ઓનલાઇન અરજી પ્રક્રિયાની તૈયારી સરકાર આ પ્રક્રિયાને સરળ બનાવવા માટે ઓનલાઈન અરજી વ્યવસ્થા લાવવાની તૈયારીમાં છે. ફી, દસ્તાવેજો અને અન્ય શરતોને અંતિમ સ્વરૂપ આપવામાં આવી રહ્યું છે. આ પગલાંથી માત્ર કારના શોખીન લોકોને જ નહીં, પરંતુ પ્રવાસન અને ઇવેન્ટ ઇન્ડસ્ટ્રીને પણ ફાયદો થશે. લગ્નમાં વિન્ટેજ કારનો ઉપયોગ આજના સમયમાં લગ્નમાં વિન્ટેજ કારનો ઉપયોગ કરવો એક મોટો ટ્રેન્ડ બની ગયો છે. ખાસ કરીને શિમલા જેવા શહેરોમાં લોકો લગ્ન માટે અન્ય રાજ્યોમાંથી મોંઘી વિન્ટેજ કાર ભાડે મંગાવે છે. નવા નિયમો લાગુ થયા બાદ, હિમાચલમાં જ ઉપલબ્ધ વિન્ટેજ કારનો ઉપયોગ વધશે અને સ્થાનિક લોકોને આવકનો નવો સ્ત્રોત મળશે. તાજેતરમાં દિલ્હીમાં યોજાયેલી વિન્ટેજ કાર રેલીમાં 1932ની દુર્લભ કાર સહિત 100થી વધુ વિન્ટેજ વાહનો જોવા મળ્યા હતા. આ પણ વાંચો : Crime News : ઝડપથી અમીર બનવાનો રસ્તો…કે પછી બરબાદીની શરૂઆત? 100 કરોડની લૂંટનો ખેલ

Read Full Story arrow_forward