Community News & Updates

Stay informed with the latest happenings, achievements, and announcements from our community.

All News

calendar_today January 12, 2026

Surat News : સુરતમાં છાટકા બન્યા અસામાજિક તત્વો, ગોડાદરામાં પથ્થર અને દંડા વડે કારમાં કરી તોડફોડ

સુરતમાં છાટકા બન્યા છે અસામાજિક તત્વો અને બન્ને શખ્સો કારમાં તોડફોડ કરીને ફરાર થયા છે, સમગ્ર ઘટનાના CCTV ફૂટેજ સામે આવ્યા છે, સીસીટીવીમાં એક શખ્સના હાથમાં દંડો અને બીજાના હાથમાં પથ્થર દેખાય છે અને તેઓ કારને નુકસાન પહોંચાડી રહ્યાં છે, રાત્રિના સમયે આ ઘટના બની હોવાની વાત સામે આવી છે.સીસીટીવીમાં એક ઇસમના હાથમાં લાકડાનો ફટકો જોવા મળ્યો સુરતના ગડોદરામાં અસામાજિક તત્વોનો આતંક સામે આવ્યો છે અને અસામાજિક તત્વોએ દંડા અને પથ્થર વડે કાર પર હુમલો કર્યો છે, સમગ્ર ઘટનાના સીસીટીવી વાયરલ થતા પોલીસે પણ તપાસ શરૂ કરી છે પરંતુ આ મામલે હજી કોઈ પોલીસ ફરિયાદ નોંધાઈ નથી, કારના માલિક સાથે કોઈ બદલો લેવા માટે આ કરવામાં આવ્યું છે કે શું તેને લઈ પોલીસે તપાસ શરૂ કરી છે, કારના માલિક દ્વારા હજી કોઈ ફરિયાદ નોંધાવવામાં આવી નથી. સુરતમાં આવા અસામાજિક તત્વોનો ત્રાસ વધુ છે. આ પણ વાંચો : Vadodara News : વડોદરામાં અફઘાનિસ્તાનના વિદ્યાર્થીનો રૂમમાંથી મૃતદેહ મળ્યો, હાર્ટ એટેક આવ્યો હોવાની પોલીસને આશંકા 

Read Full Story arrow_forward

calendar_today January 12, 2026

Bhavnagar માં વરતેજ રંગોલી ચોકડી પર પોલીસ સાથે ઝપાઝપી કરનારા બે શખ્સ સામે ફરીયાદ, પટ્ટા ઉતારવાની ધમકી આપી હતી

ભાવનગરના વરતેજ વિસ્તારમાં રંગોલી ચોકડી પાસે થોડા દિવસ પહેલા પોલીસ સાથે ઝપાઝપીનો મામલો સામે આવ્યો છે. ટ્રાફિક જામ દૂર કરાવતી વખતે ASI સાથે કારચાલક અને તેના ભાઈએ બોલાચાલી અને ઝપાઝપી કરી હતી.વરતેજ પોલીસ મથકે બંને ભાઈઓ સામે ફરિયાદ ઘટનાની જાણ થતાં વરતેજ પોલીસ મથકે બંને ભાઈઓ સામે ફરિયાદ નોંધવામાં આવી છે. સોશિયલ મીડિયા પર આ ઝપાઝપીનો વીડિયો વાયરલ થયા બાદ પોલીસે તાત્કાલિક કાર્યવાહી હાથ ધરી. "તારા પટ્ટા ઉતરાવી દઈશ" જેવા ધમકીભર્યા શબ્દો બોલ્યા ઝપાઝપી દરમિયાન કારચાલક અને તેના ભાઈએ "તારા પટ્ટા ઉતરાવી દઈશ" જેવા ધમકીભર્યા શબ્દો બોલ્યા હતા, જેના પગલે પોલીસ દ્વારા કાયદેસરની કાર્યવાહી શરૂ કરવામાં આવી છે. આગળની તપાસ ચાલુ વરતેજ પોલીસ આ મામલે આગળની તપાસ ચાલુ રાખી રહી છે અને જાહેર જનતા અને ટ્રાફિક વ્યવસ્થાને ધ્યાનમાં રાખીને સુરક્ષા સુનિશ્ચિત કરવા માટે કડક નજર રાખી રહી છે.આ પણ વાંચો----   Surat : અલથાણમાં ખાણીપીણીની 74 દુકાનોમાં આરોગ્ય વિભાગનું સરપ્રાઈઝ ચેકિંગ, ગંદકી અને આરોગ્યના નિયમોનું ઉલ્લંઘન થતાં કડક કાર્યવાહી

Read Full Story arrow_forward

calendar_today January 12, 2026

Ahmedabad News: જર્મન ચાન્સેલર ગાંધી આશ્રમ પહોંચ્યા, વડાપ્રધાન મોદી અને ફ્રેડરિક મર્ઝે મહાત્મા ગાંધીને પુષ્પાંજલી અર્પણ કરી

વડાપ્રધાન મોદીએ આજે સવારે અમદાવાદમાં ગાંધી આશ્રમમાં અધિકારીઓ સાથે બેઠક કરીને આશ્રમના રી ડેવલપમેન્ટ પ્રોજેક્ટ અંગે ચર્ચાઓ કરી હતી. તેમણે સમગ્ર પ્રોજેક્ટની સમીક્ષા પણ કરી હતી. આ બેઠકમાં મુખ્યમંત્રી ભૂપેન્દ્ર પટેલ પણ હાજર રહ્યા હતાં. હવે ભારતની મુલાકાતે આવેલા જર્મન ચાન્સેલર ફ્રેડરિક મર્ઝ પણ ગાંધી આશ્રમમાં પહોંચી ગયાં છે. બંને નેતાઓએ મહાત્મા ગાંધીની પ્રતિમાને અંજલી અર્પણ કરી હતી. જર્મન ચાન્સેલરે ગાંધી આશ્રમને લઈને એક સંદેશો પણ લખ્યોગાંધી આશ્રમમાં જર્મન ચાન્સેલર અને વડાપ્રધાન મોદીએ ગાંધીજીની તસ્વીર પર સુતરની આંટી પહેરાવી હતી. ત્યાર બાદ રેંટિયો પણ કાંત્યો હતો. જર્મન ચાન્સેલરે ગાંધી આશ્રમને લઈને એક સંદેશો પણ લખ્યો હતો. આ દરમિયાન વડાપ્રધાન મોદી તેમની સાથે ઉભા રહ્યા હતાં. બંને નેતાઓએ આશ્રમમાં ગાંધીજી વિશે માહિતી મેળવી હતી. જર્મન ચાન્સેલરે ગાંધી આશ્રમની ડાયરીમાં નોંધ કરી હતી. તેમણે આશ્રમની મુલાકાતનો અનુભવ વર્ણવ્યો હતો. વડાપ્રધાન મોદીએ અધિકારીઓ સાથે બેઠક કરીવડાપ્રધાન મોદી આજે સવારે અમદાવાદમાં ગાંધી આશ્રમ પહોંચ્યા હતાં. જ્યાં તેમણે અધિકારીઓ સાથે બેઠક કરી હતી. આ બેઠકમાં મુખ્યમંત્રી ભૂપેન્દ્ર પટેલ પણ હાજર રહ્યાં હતાં. વડાપ્રધાન મોદીએ અધિકારીઓ સાથે ગાંધી આશ્રમના ડેવલપમેન્ટ પ્રોજેક્ટ અંગે ચર્ચાઓ કરી સમગ્ર પ્રોજેક્ટની જાણકારી મેળવી છે.આ પણ વાંચોઃ જર્મનીના ચાન્સેલર બે દિવસ ભારતના પ્રવાસે, 52 હજાર કરોડના પનડુબી સોદા પર લાગી શકે છે મહોર

Read Full Story arrow_forward