Community News & Updates

Stay informed with the latest happenings, achievements, and announcements from our community.

All News

calendar_today January 11, 2026

Kutchમાં ફરી સોપારીકાંડ: ભચાઉના આધોઈ ગામેથી વિદેશી સોપારી ભરેલું ટ્રેલર ઝડપાયું

કચ્છના અંતરિયાળ વિસ્તારોમાં વિદેશી સોપારી ઘુસાડવાનું નેટવર્ક ફરી સક્રિય થયું હોય તેમ જણાય છે. ભચાઉ તાલુકાના આધોઈ ગામેથી શંકાસ્પદ વિદેશી સોપારી ભરેલું એક આખું ટ્રેલર ઝડપાતા ચકચાર મચી ગઈ છે. R.R. સેલના અધિકારીઓએ ચોક્કસ બાતમીના આધારે આ કાર્યવાહી કરી લાખોની કિંમતનો જથ્થો જપ્ત કર્યો છે.અંતરિયાળ ગામમાં સોપારીનો જથ્થો મળતી માહિતી મુજબ, આધોઈ જેવા અંતરિયાળ ગામમાં વિદેશી સોપારી ભરેલું ટ્રેલર પહોંચતા અનેક સવાલો ઉભા થયા છે. બંદરો પરથી આવતો આવો જથ્થો ગામડાઓના રસ્તે શા માટે લઈ જવામાં આવતો હતો, તે તપાસનો મુખ્ય વિષય છે. R.R. સેલના ઉચ્ચ અધિકારીઓ હાલ આ મામલે ઝીણવટભરી તપાસ કરી રહ્યા છે. મોટું નેટવર્ક હોવાની આશંકા સ્થાનિક પોલીસના સહયોગથી હાથ ધરવામાં આવેલી આ તપાસમાં નીચેના મુદ્દાઓ પર ધ્યાન કેન્દ્રિત કરવામાં આવ્યું છે: આ વિદેશી સોપારીનો જથ્થો ક્યાંથી આવ્યો અને ક્યાં મોકલવાનો હતો? આટલા મોટા પાયે સોપારી કોણે મંગાવી હતી અને તેનો અસલી માલિક કોણ છે? શું આ કોઈ મોટા સ્મગલિંગ રેકેટનો હિસ્સો છે કે જે લાંબા સમયથી કાર્યરત છે? પોલીસે હાલ ટ્રેલર અને સોપારીનો જથ્થો કબજે કરી કાયદેસરની કાર્યવાહી હાથ ધરી છે. આ મામલે આગામી દિવસોમાં મોટા ખુલાસા થવાની શક્યતા સેવાઈ રહી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 11, 2026

ISRO 12 જાન્યુઆરીએ લોન્ચ કરશે 'દિવ્ય દ્રષ્ટિ'વાળું સેટેલાઈટ, દુશ્મનો પર રહેજે બાજ નજર

ISRO 2026ની પોતાની પ્રથમ લોન્ચિંગની સાથે એક નવો ઈતિહાસ રચવા જઈ રહ્યું છે. આવતીકાલે 12 જાન્યુઆરીએ સવારે 10.17 વાગ્યે સતીશ ધવન સ્પેસ સેન્ટર, શ્રી હરિકોટાથી PSLV-C62 રોકેટ લોન્ચ કરવામાં આવશે. આ મિશનનું મુખ્ય પેલોડ DRDO દ્વારા વિકસિત EOS-N1 સેટેલાઈટ છે. જેને 'દિવ્ય દ્રષ્ટિ' કે હાઈપરસ્પેક્ટ્રલ ઈમેજિંગ સેટેલાઈટ તરીકે ઓળખવામાં આવે છે.મિશનમાં EOS-N1 સિવાય 14 અન્ય સહયાત્રી સેટેલાઈટ્સ પણ સામેલ આ સેટેલાઈટ ના માત્ર પર્યાવરણીય દેખરેખમાં ક્રાંતિ લાવશે પણ સંરક્ષણ ક્ષેત્રમાં પણ ભારતની ક્ષમતાઓને મજબૂત કરશે. તેનાથી પાકિસ્તાનના આતંકવાદીઓને છુપાવવાના પ્રયત્નો અને ચીનની સરહદ પરની યુક્તિઓ નિષ્ફળ બનાવી શકાશે. આ મિશનમાં EOS-N1 સિવાય 14 અન્ય સહયાત્રી સેટેલાઈટ્સ પણ સામેલ છે, જેમાં ઘરેલુ અને આંતરરાષ્ટ્રીય ગ્રાહકોના સેટેલાઈટ્સ છે. જે ન્યૂ સ્પેસ ઈન્ડિયા લિમિટેડ દ્વારા લોન્ચ કરવામાં આવી રહ્યા છે. આ મિશનથી શું થશે ફાયદો?  PSLV-C62 PSLV રોકેટનું 64મું લોન્ચ છે. PSLV-DL વેરિએન્ટની 5મી ઉડાન છે. આ મિશન સન સિન્ક્રોન્સ ઓર્બિટમાં સેટેલાઈટસને તૈનાત કરશે, જ્યાં EOS-N1 અને અન્ય 14 સેટેલાઈટ્સ રાખવામાં આવશે. એક KID કેપ્સુલને રી-એન્ટ્રી ટ્રેઝેક્ટરીમાં મોકલવામાં આવશે. જણાવી દઈએ કે લોન્ચનું લાઈવ સ્ટ્રીમ ઈસરોની યૂટ્યૂબ ચેનલ પર સવારે 9.48 વાગ્યે શરૂ થશે. ઈસરોના ચેરમને લોન્ચ પહેલા તિરૂપતિ મંદિરમાં પૂજા-અર્ચના કરી, જે તેમની પરંપરાનો ભાગ છે. આ મિશન ઈસરો માટે મહત્વપૂર્ણ છે, કારણ કે ગયા વર્ષે મે મહિનામાં PSLVની નિષ્ફળતા બાદ આ કમબેક મિશન છે. શું છે રોકેટના ફિચર્સ અને સ્પેસિફિકેશન્સ? PSLV ઈસરોનું સૌથી વિશ્વસનીય રોકેટ છે, જે મલ્ટીપલ સેટેલાઈટ્સને અલગ અલગ ઓર્બિટ્સમાં લોન્ચ કરવામાં સક્ષમ છે. આ 4 સ્ટેજવાળું રોકેટ છે, જે સોલિડ અને લિક્વિડ ફ્યૂલના કોમ્બિનેશનનો ઉપયોગ કરે છે. PSLV-C62 PSLV-DL વેરિએન્ટ છે, જેમાં બે સ્ટ્રેપ-ઓન બુસ્ટર્સ છે. તેની ઉંચાઈ 44.4 મીટર છે અને SSOમાં 1,750 કિલોગ્રામ પેલોડ કેપેસિટી છે. મુખ્ય સેટેલાઈટ - EOS-N1 (અન્વેષા) EOS-N1 જેને અન્વેષાના નામથી પણ ઓળખવામાં આવે છે. DRDO દ્વારા વિકસિત હાઈપરસ્પેક્ટ્રલ અર્થ ઓબ્ઝર્વેશન સેટેલાઈટ છે. જે 2020માં પ્લાન કરવામાં આવ્યું હતું પણ કોરોના મહામારીના કારણે તેમાં સમય લાગ્યો. તેનું 600 કિલોમીટર ઉંચાઈ પર સન સિંક્રોનસ ઓર્બિટ છે. હાઈપરસ્પેક્ટ્રલ ઈમેજિંગ ઘણી સ્પેક્ટ્રલ બેન્ડસમાં ડેટા કેપ્ટર કરે છે. તેનું વજન આશરે 150-200 કિલોગ્રામ છે. તે 5-7 વર્ષ કામ કરી શકે છે. આ પણ વાંચો: Helicopter Emergency Landing In Jaipur: જયપુરમાં હેલિકોપ્ટરનું ઇમરજન્સી લેન્ડિંગ, ભોપાલ જતી વખતે સર્જાઈ ટેકનિકલ ખામી

Read Full Story arrow_forward

calendar_today January 11, 2026

LOC અને આંતરરાષ્ટ્રીય બોર્ડર પર જોવા મળ્યા શંકાસ્પદ પાકિસ્તાની ડ્રોન, સુરક્ષા દળ હાઈ એલર્ટ પર

જમ્મુ અને કાશ્મીરમાં આંતરરાષ્ટ્રીય સરહદ અને LOC નજીક ડ્રોનની ગતિવિધિઓ વધી રહી છે. પ્રજાસત્તાક દિવસ પહેલા પાકિસ્તાને ભારતની સરહદો નજીક ડ્રોન પ્રવૃત્તિ વધારી દીધી છે, જેના કારણે સુરક્ષા દળોને હાઈ એલર્ટ પર રાખવામાં આવ્યું છે. સુરક્ષા એજન્સીઓ મુજબ આંતરરાષ્ટ્રીય સરહદ અને નિયંત્રણ રેખા (LoC) પર વિવિધ વિસ્તારોમાં કુલ 5 ડ્રોન જોવા મળ્યા છે.ભારતીય સેનાએ તાત્કાલિક જવાબ આપ્યો મળતી માહિતી મુજબ પૂંછ, નૌશેરા, ધર્મશાલા, રામગઢ અને પારખ વિસ્તારોમાંથી ડ્રોન જોવા મળ્યા છે. રાજૌરી જિલ્લાના નૌશેરા સેક્ટરમાં નિયંત્રણ રેખા નજીક એક પાકિસ્તાની ડ્રોન જોવા મળ્યું હતું. ભારતીય સેનાએ તાત્કાલિક જવાબ આપ્યો અને તેના પર ગોળીબાર કર્યો. હાલમાં, ડ્રોનને તોડી પાડવામાં આવ્યા બાદ અથવા તેની ભવિષ્યની સ્થિતિ અંગે કોઈ જાણકારી નથી. સુરક્ષા એજન્સીઓ હાઈ એલર્ટ પર આ દરમિયાન ડ્રોન પ્રવૃત્તિને ધ્યાનમાં રાખીને સરહદ પરના વિસ્તારોમાં સુરક્ષા કડક કરવામાં આવી છે. સેના, બીએસએફ અને અન્ય સુરક્ષા એજન્સીઓ હાઈ એલર્ટ પર છે અને કોઈપણ ઘૂસણખોરી કે કાવતરાને નિષ્ફળ બનાવવા માટે પરિસ્થિતિ પર સતત નજર રાખી રહી છે. દરેક ખૂણે સેનાના જવાનો તૈનાત કરવામાં આવ્યા છે. LOC નજીક એક શંકાસ્પદ કબૂતર પકડાયું શનિવારે (10 જાન્યુઆરી) અખનૂર સેક્ટરમાં LOC નજીક એક શંકાસ્પદ કબૂતર પકડાયું હતું. આ કબૂતરને કરાહ ગામમાં આર્યન નામના છોકરાએ પકડ્યું હતું. તેના ડાબા પગમાં રહેમત સરકાર (03158080213) લખેલી લાલ વીંટી હતી. તેના જમણા પગમાં રિઝવાન 2025 (017282) લખેલી પીળી વીંટી હતી. કબૂતરની પાંખો પર "નૌશેરા ફ્લાઇંગ પીજન ક્લબ" લખેલું હતું, જે પાકિસ્તાનના નૌશેરા શહેરનું સ્ટેમ્પ હતું.આ પણ વાંચો: Helicopter Emergency Landing In Jaipur: જયપુરમાં હેલિકોપ્ટરનું ઇમરજન્સી લેન્ડિંગ, ભોપાલ જતી વખતે સર્જાઈ ટેકનિકલ ખામી

Read Full Story arrow_forward