Community News & Updates

Stay informed with the latest happenings, achievements, and announcements from our community.

All News

calendar_today January 8, 2026

Vadodara માં સ્ટેટ મોનિટરીંગ સેલ દારુના કટિંગ વખતે જ ત્રાટક્યું, બુટેલગરોમાં નાસભાગ, 17 લાખના દારુ સાથે 41 લાખનો મુદ્દામાલ જપ્ત

સ્ટેટ મોનિટરીંગ સેલે વડોદરા જિલ્લાના વાઘોડીયામાં બસ સ્ટેશનની પાછળ આનંદ નગરીમાં ચાલી રહેલા દારુના કટિંગ વેળાએ જ દરોડો પાડતાં દારુનું કટિંગ કરી રહેલા બુટલેગરોમાં નાસભાગ મચી ગઇ હતી. પોલીસે સ્થળ પરથી મુખ્ય બુટલેગર કરણ પૂજાભાઇ બારીયા સહિત 9 બુટલેગરોને ઝડપી પાડ્યા હતા અને 17.72 લાખનો દારુનો વિશાળ જથ્થો કબજે કરવાની સાથે હેરાફેરી કરવા માટે લવાયેલી ટાટા હેરીયર કાર સહિત 10 વાહનો જપ્ત કરી 41.92 લાખનો મુદ્દામાલ જપ્ત કર્યો હતો.નામચીન બુટલેગર કરણ પૂંજાભાઇ બારીયાએ તેના ઘરમાં રાજસ્થાનથી દારુનો વિશાળ જથ્થો ઉતાર્યો સ્ટેટ મોનિટરિંગ સેલને બાતમી મલી હતી કે વાઘોડીયા બસ સ્ટેશન પાછળ આનંદ નગરીમાં રહેતો નામચીન બુટલેગર કરણ પૂંજાભાઇ બારીયાએ તેના ઘરમાં રાજસ્થાનથી દારુનો વિશાળ જથ્થો ઉતાર્યો છે અને તે બુટલેગરોને બોલાવીને દારુનું કટિંગ કરી રહ્યો છે. બુટલેગરો દારુનું કટિંગ કરી રહ્યા હતા અને પોલીસ ત્રાટકી એસએમસીએ બાતમીના આધારે કરણ બારીયાના ઘેર દરોડો પાડ્યો હતો. સમયે બુટલેગરો દારુનું કટિંગ કરી રહ્યા હતા. પોલીસને જોઇને બુટલેગરોએ નાસભાગ કરી મુકી હતી. જો કે પોલીસે સ્થળ પરથી મુખ્ય બુટલેગર કરણ બારીયા તથા તેના અન્ય 8 સાગરીતોને ઝડપી પાડ્યા હતા. રાજસ્થાનથી લવાયેલો 1772784 રુપિયાનો દારુનો જથ્થો જપ્ત પોલીસે સ્થળ પરથી રાજસ્થાનથી લવાયેલો 1772784 રુપિયાનો દારુનો જથ્થો જપ્ત કર્યો હતો. પોલીસે કટિંગ સમયે તથા કરણના ઘરમાંથી તપાસ કરતાં દારુની 6129 બોટલો મલી આવી હતી. પોલીસે કટિંગ માટે લવાયેલી ટાટા હેરીયર કાર સહિત વાહનો અને કેશ મળીને 4192064 રુપિયાનો મુદ્દામાલ કબજે કર્યો હતો. અલીરાજપુરના વિનય પારસિંગ તોમર અને જેન્તી તોમરે આ દારુનો જથ્થો મોકલ્યો પોલીસ તપાસમાં બહાર આવ્યું કે અલીરાજપુરના વિનય પારસિંગ તોમર અને જેન્તી તોમરે આ દારુનો જથ્થો મોકલ્યો હતો. પોલીસે બંને સહિત દારુ લેવા આવેલા બુટલગેરોના વાહનના નંબરના આધારે 11 બુટલેગરોને વોન્ટેડ જાહેર કરી તપાસ શરુ કરી હતી. આ પણ વાંચો------    Ahmedabad News: 2025માં 17.08 લાખ ચો.મી. જમીન ખુલ્લી કરાવાઈ

Read Full Story arrow_forward

calendar_today January 8, 2026

Kutch News: કચ્છમાં શિક્ષણની કથળતી સ્થિતિ, 2300થી વધુ જગ્યાઓ ખાલી

ગુજરાતનો સૌથી મોટો ભૌગોલિક વિસ્તાર ધરાવતો કચ્છ જિલ્લો અત્યારે ગંભીર વહીવટી સંકટમાંથી પસાર થઈ રહ્યો છે. મહેસૂલ, શિક્ષણ અને આરોગ્ય જેવા પાયાના વિભાગોમાં કર્મચારીઓની ભારે અછતને કારણે સામાન્ય જનતાના કામો અટવાયા છે. પરિસ્થિતિ એવી સર્જાઈ છે કે કચ્છ હવે માત્ર નવા કર્મચારીઓની 'તાલીમશાળા' કે અન્ય જિલ્લામાં જવા માટેનું 'વેઈટિંગ લિસ્ટ' બનીને રહી ગયું હોય તેમ જણાય છે.મહેસૂલ વિભાગમાં સ્ટાફનો દુષ્કાળ કચ્છની જટિલ ભૌગોલિક સ્થિતિને કારણે અહીં મહેસૂલી પ્રશ્નો વધુ હોય છે. એકતરફ નાયબ કલેક્ટર અને મામલતદાર જેવી મહત્વની જગ્યાઓ ઇન્ચાર્જથી ચાલી રહી છે, ત્યાં બીજી તરફ સરકારે નવા જાહેર કરેલા વાવ-થરાદ જિલ્લા માટે કચ્છમાંથી વધુ 44 મહેસૂલી કર્મચારીઓની બદલી કરી દીધી છે. આ નિર્ણયથી ખાલી જગ્યાઓનો આંકડો વધતા વહીવટી માળખું ખોરવાઈ ગયું છે. શિક્ષણની કથળતી સ્થિતિ 2300થી વધુ જગ્યાઓ ખાલી શિક્ષણ ક્ષેત્રે તો સ્થિતિ અત્યંત દયનીય છે. આંકડાકીય વિગતો મુજબ જો વાત કરીએ તો કચ્છમાં કુલ 1667 પ્રાથમિક શાળાઓ છે. મંજૂર થયેલા 9295ના મહેકમ સામે માત્ર 7404 શિક્ષકો જ કાર્યરત છે. તાજેતરમાં જિલ્લા ફેરબદલીમાં 660 શિક્ષકો કચ્છ છોડીને ગયા, જેની સામે માત્ર 1 શિક્ષક કચ્છમાં આવ્યો છે.હાલમાં કુલ 2391 શિક્ષકોની ઘટ પડી રહી છે. મુખ્યમંત્રીને પત્ર લખીને કાયમી ભરતી માટે કરી રજૂઆત આ ગંભીર સ્થિતિને જોતા જિલ્લા પંચાયત પ્રમુખે મુખ્યમંત્રીને પત્ર લખીને કાયમી ભરતી ન થાય ત્યાં સુધી તાત્કાલિક પ્રવાસી શિક્ષકોની નિમણૂક કરવા મંજૂરી માંગી છે, જેથી બાળકોના ભવિષ્ય પર માઠી અસર ન પડે. માત્ર શિક્ષણ કે મહેસૂલ જ નહીં, આરોગ્ય અને જિલ્લા પંચાયતના તમામ વિભાગોમાં સ્ટાફની તીવ્ર અછત છે. સરકાર દ્વારા 4100 શિક્ષકોની ખાસ ભરતીની જાહેરાત છતાં કચ્છને પૂરતો સ્ટાફ મળ્યો નથી. જો સરકાર સત્વરે અસરકારક નિર્ણય નહીં લે, તો સરહદી જિલ્લાનો વિકાસ રૂંધાઈ જવાની ભીતિ સેવાઈ રહી છે. આ પણ વાંચોઃ Surat News: મંકી માસ્ક પહેરીને 30થી વધુ ઘરફોડ ચોરી કરનાર શાતિર ચોર ઝડપાયો

Read Full Story arrow_forward

calendar_today January 8, 2026

Banaskantha News: ફાયર સેફ્ટી વગરનું કોમ્પ્લેક્સ સીલ કરાયું

રાજ્યમાં ફાયર સેફ્ટીના નિયમોના કડક અમલીકરણ વચ્ચે બનાસકાંઠાના ધાનેરામાં નગરપાલિકા દ્વારા મોટી કાર્યવાહી કરવામાં આવી છે. લાંબા સમયની સૂચનાઓ બાદ પણ ફાયર સેફ્ટીના સાધનો કે સર્ટિફિકેટ ન લેનારા એક આખા કોમ્પ્લેક્સને પાલિકાની ટીમે સીલ કરી દીધું છે. આ કાર્યવાહીને પગલે શહેરના અન્ય વેપારીઓમાં પણ ફફડાટ ફેલાયો છે.જૂના બસ સ્ટેન્ડ વિસ્તારમાં તંત્ર ત્રાટક્યું ધાનેરા શહેરના સૌથી વ્યસ્ત ગણાતા જૂના બસ સ્ટેન્ડ વિસ્તારમાં આવેલા એક વ્યાપારિક કોમ્પ્લેક્સમાં ફાયર સેફ્ટીના નિયમોનું સરેઆમ ઉલ્લંઘન થઈ રહ્યું હોવાનું પાલિકાના ધ્યાને આવ્યું હતું. આ કોમ્પ્લેક્સમાં અગ્નિશામક સુવિધાઓનો અભાવ હતો અને જરૂરી ફાયર સેફ્ટી સર્ટિફિકેટ પણ મેળવવામાં આવ્યું ન હતું. આમ છતાં, અહીં અનેક દુકાનો ધમધમી રહી હતી, જે લોકોના જીવ માટે જોખમી સાબિત થઈ શકે તેમ હતી. પોલીસના કાફલા સાથે દુકાનો સીલ કરી ધાનેરા નગરપાલિકાની ટીમ આજે પોલીસના મોટા કાફલા સાથે ઘટનાસ્થળે પહોંચી હતી. કોઈપણ અનિચ્છનીય બનાવ ન બને તે માટે પોલીસને સાથે રાખીને પાલિકાએ આ કોમ્પ્લેક્સની તમામ દુકાનોને સીલ મારવાની પ્રક્રિયા હાથ ધરી હતી. તંત્રની આ કડક કાર્યવાહી જોઈને અન્ય કોમ્પ્લેક્સના સંચાલકોમાં પણ દોડધામ મચી ગઈ હતી. 'નિયમોનું પાલન અનિવાર્ય' - નગરપાલિકા ધાનેરા નગરપાલિકા દ્વારા સ્પષ્ટ જણાવવામાં આવ્યું છે કે, જાહેર જનતાની સુરક્ષા સાથે કોઈપણ પ્રકારનું સમાધાન કરવામાં આવશે નહીં. જે કોમ્પ્લેક્સ કે હોસ્પિટલ પાસે માન્ય ફાયર સેફ્ટી સર્ટિફિકેટ નથી, તેમણે તાત્કાલિક ધોરણે પ્રક્રિયા પૂર્ણ કરવી પડશે. આગામી દિવસોમાં અન્ય વિસ્તારોમાં પણ આ પ્રકારની ડ્રાઈવ ચાલુ રાખવામાં આવશે તેવી ચીમકી તંત્ર દ્વારા ઉચ્ચારવામાં આવી છે. આ પણ વાંચો - Banaskantha News : વડનગર સિવિલમાં હોબાળો, મોતીપુરામાં યુવકના શંકાસ્પદ મોત મામલે પરિજનોનો આક્રંદ

Read Full Story arrow_forward