Community News & Updates

Stay informed with the latest happenings, achievements, and announcements from our community.

All News

calendar_today January 8, 2026

Petrol Diesel Price Today: પેટ્રોલ ડીઝલના ભાવમાં ગુરુવારે કેટલો થયો ઘટાડો? જાણો આજનો લેટેસ્ટ રેટ

આજે 8 જાન્યુઆરી 2026 ના રોજ ભારતના મુખ્ય શહેરો માટે પેટ્રોલ અને ડીઝલના નવા ભાવ જાહેર કરવામાં આવ્યા છે. નવા વર્ષના પહેલા દિવસે, તેલ કંપનીઓએ કેટલાક શહેરોમાં ભાવમાં નાના ફેરફાર કર્યા છે, જ્યારે મહાનગરોમાં ભાવ મોટાભાગે સ્થિર રહ્યા છે. દેશના મોટા શહેરોમાં શું છે પેટ્રોલ ડીઝલની કિંમત ? દિલ્હીમાં પેટ્રોલનો ભાવ 94.72 રૂપિયા અને ડીઝલનો ભાવ 87.62 રૂપિયા પ્રતિ લિટર છે. મુંબઈમાં પેટ્રોલનો ભાવ 104.21 રૂપિયા અને ડીઝલનો ભાવ 92.15 રૂપિયા પ્રતિ લિટર છે. કોલકાતામાં પેટ્રોલનો ભાવ 103.94 રૂપિયા અને ડીઝલનો ભાવ 90.76 રૂપિયા પ્રતિ લિટર છે. ચેન્નાઈમાં પેટ્રોલનો ભાવ 100.75 રૂપિયા અને ડીઝલનો ભાવ 92.34 રૂપિયા પ્રતિ લિટર છે. ગુજરાતના મોટા શહેરોમાં શું છે ભાવ? (ગુડ રિટર્ન અનુસાર) શહેર પેટ્રોલ (રૂ.) ડીઝલ (રૂ.)અમદાવાદ 94.49 90.11ભાવનગર 95.74 91.42ગાંધીનગર 94.77 90.47રાજકોટ 94.27 89.94વડોદરા 94.15 90.28સુરત 94.42  90.31એસએમએસ દ્વારા જાણો પેટ્રોલ અને ડીઝલના ભાવઈન્ડિયન ઓઈલ: RSP અને તમારા શહેરનો પિનકોડ 9224992249 નંબર પર SMS કરો. ભારત પેટ્રોલિયમ: RSP અને તમારા શહેરનો પિનકોડ 9223112222 પર SMS કરો. હિન્દુસ્તાન પેટ્રોલિયમ: 9222201122 નંબર પર તમારા શહેરનો HPP કિંમત અને પિનકોડ SMS કરો. આ પણ વાંચો- Venus And Sun Yuti: 14 જાન્યુઆરીથી 3 રાશિનું ચમકશે નસીબ, શુક્રાદિત્ય રાજયોગ અપાવશે અણધારી સફળતા

Read Full Story arrow_forward

calendar_today January 8, 2026

Maharashtra Politics: પહેલા ગઠબંધન તૂટ્યુ અને હવે ખેલ થઇ ગયો, કોંગ્રેસના 12 કાઉન્સિલરો ભાજપમાં જોડાયા

મહારાષ્ટ્રના થાણે જિલ્લામાં અંબરનાથ મ્યુનિસિપલ કાઉન્સિલના ચૂંટણી પરિણામો પછી રાજકીય ઉથલપાથલ વચ્ચે તમામ 12 સસ્પેન્ડ કરાયેલા કોંગ્રેસ કાઉન્સિલરો ભાજપમાં જોડાયા છે. બુધવારે મોડી રાત્રે ભાજપના પ્રદેશ પ્રમુખ રવિન્દ્ર ચવ્હાણે ઔપચારિક રીતે પાર્ટીમાં જોડાવાની જાહેરાત કરી. 20 ડિસેમ્બરની ચૂંટણી પછી કરી હતી રચના 20 ડિસેમ્બરની ચૂંટણી પછી આ કાઉન્સિલરોએ ભાજપ સાથે "અંબરનાથ વિકાસ આઘાડી" (AVA) ની રચના કરી હતી જેના કારણે કોંગ્રેસ દ્વારા તેમને સસ્પેન્ડ કરવામાં આવ્યા હતા. આ ગઠબંધનમાં ભાજપ અને કોંગ્રેસ તેમજ અજિત પવારની આગેવાની હેઠળની રાષ્ટ્રવાદી કોંગ્રેસ પાર્ટી (NCP)નો સમાવેશ થતો હતો. શું છે અંબરનાથના સત્તા સમીકરણો ? અંબરનાથ મ્યુનિસિપલ કાઉન્સિલના ચૂંટણી પરિણામોમાં શિવસેના (શિંદે) સૌથી મોટી પાર્ટી તરીકે ઉભરી આવી હતી. તેણે 27 બેઠકો જીતી, પરંતુ બહુમતીથી ચાર પગલાં દૂર રહી. બીજી તરફ ભાજપે 14 બેઠકો, કોંગ્રેસે 12 અને એનસીપીએ 4 બેઠકો જીતી હતી. ભાજપે શિવસેનાને બાયપાસ કરીને તેના કટ્ટર હરીફો, કોંગ્રેસ અને એનસીપી સાથે "અંબરનાથ વિકાસ આઘાડી" ની રચના કરી. હવે એક અપક્ષના ટેકાથી આ ત્રણ પક્ષીય ગઠબંધનની સંખ્યા 32 કાઉન્સિલરો સુધી પહોંચી ગઈ છે, જે બહુમતીનો આંકડો (30) વટાવી ગઈ છે. https://x.com/RaviDadaChavan/status/2008903019371622473ભાજપના પ્રદેશ પ્રમુખ રવિન્દ્ર ચવ્હાણે જણાવ્યું હતું કે આ કાઉન્સિલરોએ જનતાને વિકાસનું વચન આપ્યું હતું અને વર્તમાન સરકારની ગતિશીલ કાર્યશૈલી જોઈને ભાજપમાં જોડાવાનો નિર્ણય લીધો છે. આ કાઉન્સિલરોના કોંગ્રેસથી અલગ થવાથી અને ભાજપમાં જોડાવાથી સ્થાનિક સ્તરે પાર્ટીનો પાયો નોંધપાત્ર રીતે મજબૂત થયો છે. ભાજપની આગેવાની હેઠળનું આ ગઠબંધન હવે અંબરનાથ મ્યુનિસિપલ કાઉન્સિલનું નેતૃત્વ સંભાળશે. શિવસેના માટે આ એક મોટો ફટકો છે, કારણ કે બહુમતીની નજીક હોવા છતાં, તે ગઠબંધનની ગણતરીમાં નિષ્ફળ ગયું. અંબરનાથ ક્યાં છે? અંબરનાથ મહારાષ્ટ્ર રાજ્યનું એક શહેર છે. તે મુંબઈથી લગભગ 60 કિલોમીટર પૂર્વમાં થાણે જિલ્લામાં આવેલું છે. તે મુંબઈ ઉપનગરોનો એક ભાગ છે. અંબરનાથમાં 11મી સદીનું પ્રખ્યાત અમરનાથ શિવ મંદિર આવેલું છે, જેની મુલાકાત ઘણા લોકો લે છે. સરળ શબ્દોમાં કહીએ તો, આ શહેર મુંબઈની નજીક એક ધાર્મિક અને રહેણાંક વિસ્તાર છે.

Read Full Story arrow_forward

calendar_today January 8, 2026

Makar Sankranti 2026 : મકરસંક્રાંતિ માટે રેલ્વેની મોટી તૈયારી, 150 ખાસ ટ્રેનોની જાહેરાત

નવા વર્ષની શરૂઆત સાથે જ મકરસંક્રાંતિનો પાવન તહેવાર આવી રહ્યો છે. આ તહેવાર દરમિયાન લોકો મોટા પ્રમાણમાં પોતાના પરિવારને મળવા, ગામડે જવા અને તીર્થયાત્રા માટે પ્રવાસ કરે છે. આ વધતી મુસાફરીને ધ્યાનમાં રાખીને દક્ષિણ મધ્ય રેલ્વેએ વિશાળ સ્તરે તૈયારી કરી છે. તહેવાર નિમિત્તે કુલ 150 ખાસ ટ્રેનો દક્ષિણ મધ્ય રેલ્વેના મુખ્ય કાર્યકારી અધિકારી એ. શ્રીધરે માહિતી આપતાં જણાવ્યું હતું કે મકરસંક્રાંતિના તહેવાર નિમિત્તે કુલ 150 ખાસ ટ્રેનો દોડાવવામાં આવશે. આ ટ્રેનો મુખ્યત્વે તેલુગુ રાજ્યોને ધ્યાનમાં રાખીને આયોજન કરવામાં આવી છે, કારણ કે મકરસંક્રાંતિ ત્યાં વિશેષ ઉત્સાહ સાથે ઉજવવામાં આવે છે. તિરુપતિ અને શિરડી જેવા તિર્થસ્થળ માટે ખાસ ટ્રેન તેમણે વધુમાં જણાવ્યું કે આ સિવાય તિરુપતિ અને શિરડી જેવા લોકપ્રિય તીર્થસ્થાનો માટે પણ ખાસ ટ્રેનોની વ્યવસ્થા કરવામાં આવી છે. ભગવાન વેંકટેશ્વર અને સાઈ બાબાના દર્શન માટે જતા યાત્રિકોને સરળ અને આરામદાયક મુસાફરી મળી રહે તે માટે આ નિર્ણય લેવામાં આવ્યો છે. આ સ્થાન માટે પણ ખાસ ટ્રેન માત્ર દક્ષિણ ભારત જ નહીં, પરંતુ ઉત્તર, પૂર્વ અને દક્ષિણ ભારતના વિવિધ વિસ્તારોને જોડતી ટ્રેનોની પણ વ્યવસ્થા કરવામાં આવી છે. તહેવારોની સમગ્ર મોસમ દરમિયાન ભારતીય રેલ્વે કુલ 600થી વધુ ટ્રેનો ચલાવી રહી છે, જે મુસાફરો માટે મોટી રાહત સમાન છે. રેલ્વે અધિકારીઓએ ચેતવણી આપતાં જણાવ્યું છે કે મકરસંક્રાંતિ દરમિયાન સિકંદરાબાદ રેલ્વે સ્ટેશન પર ભારે ભીડ થવાની સંભાવના છે. હાલમાં સ્ટેશન પર નવીનીકરણ અને વિકાસ કાર્ય ચાલી રહ્યું હોવાથી મુસાફરોને થોડી અસુવિધા થઈ શકે છે. અન્ય સ્ટેશનો પર ચલાવવામાં આ સમસ્યાને ધ્યાનમાં રાખીને રેલ્વેએ મહત્વપૂર્ણ નિર્ણય લીધો છે. સિકંદરાબાદથી ચાલતી કેટલીક મહત્વપૂર્ણ ટ્રેનોને કાયમી રીતે ચારલાપલ્લી, કાચેગુડા અને લિંગમપલ્લી જેવા સ્ટેશનો પર ખસેડવામાં આવી છે. ઉપરાંત, કેટલીક ટ્રેનોને કામચલાઉ ધોરણે અન્ય સ્ટેશનો પરથી ચલાવવામાં આવશે, જેથી ભીડ નિયંત્રિત કરી શકાય. દક્ષિણ મધ્ય રેલ્વેનું આ આયોજન મકરસંક્રાંતિ દરમિયાન મુસાફરોને સુરક્ષિત, સુવિધાજનક અને સરળ પ્રવાસનો અનુભવ આપશે. આ પણ વાંચો : Makar Sankranti 2026 : 100 વર્ષ પછી મકરસંક્રાતિએ શનિ અને શુક્રનો ખુબ જ શુભ યોગ, અચાનક લાભ કરાવે

Read Full Story arrow_forward