Community News & Updates

Stay informed with the latest happenings, achievements, and announcements from our community.

All News

calendar_today January 7, 2026

Ahmedabad News: 50 લાખના ડ્રગ્સ સાથે તોસિફ અહેમદ ઝડપાયો

અમદાવાદ શહેરમાં નશાના કાળા કારોબાર સામે પોલીસે અભિયાન તેજ કર્યું છે. અમદાવાદ શહેરના જુહાપુરા વિસ્તારમાં ઝોન-7 LCB (Local Crime Branch) ની ટીમ દ્વારા એક મોટી કાર્યવાહી કરવામાં આવી છે. જેમાં ડ્રગ્સના પેડલરને કરોડોની કિંમતના નશાકારક પદાર્થ સાથે ઝડપી લેવામાં આવ્યો છે. પોલીસની આ ત્વરિત કાર્યવાહીથી ડ્રગ્સ માફિયાઓમાં ફફડાટ ફેલાઈ ગયો છે.ડિલિવરી કરવા નીકળે તે પહેલા જ પોલીસની જાળમાં ફસાયો ઘટનાની મળતી માહિતી અનુસાર, અમદાવાદ શહેર ઝોન-7 LCB ની ટીમને ચોક્કસ બાતમી મળી હતી કે, એક શખ્સ જુહાપુરા વિસ્તારમાં ડ્રગ્સનો મોટો જથ્થો લઈને ડિલિવરી આપવા માટે નીકળવાનો છે. આ બાતમીના આધારે પોલીસે વોચ ગોઠવી હતી અને શંકાસ્પદ હાલતમાં પસાર થતા તોસિફ અહેમદ નામના શખ્સને અટકાવ્યો હતો. 50 લાખ રૂપિયાનું ડ્રગ્સ જપ્ત પોલીસે જ્યારે તોસિફ અહેમદની તલાશી લીધી ત્યારે તેના પાસેથી અંદાજે 50 લાખ રૂપિયાની કિંમતનું ડ્રગ્સ મળી આવ્યું હતું. આટલી મોટી માત્રામાં ડ્રગ્સ મળી આવતા પોલીસ પણ ચોંકી ઉઠી હતી. LCB દ્વારા ડ્રગ્સનો જથ્થો કબ્જે કરી પેડલરની ધરપકડ કરી લેવામાં આવી છે. મુખ્ય સપ્લાયર કોણ? તપાસ તેજ તોસિફ અહેમદ ડ્રગ્સની ડિલિવરી કોને આપવાનો હતો અને આ જથ્થો તેને ક્યાંથી મેળવ્યો હતો, તે દિશામાં પોલીસે તપાસના ચક્રો ગતિમાન કર્યા છે. પ્રાથમિક તપાસમાં આ એક મોટા ડ્રગ નેટવર્કનો હિસ્સો હોવાની શંકા સેવાઈ રહી છે. પોલીસ હવે તોસિફના મોબાઈલ રેકોર્ડ અને જૂના ગુનાહિત ઇતિહાસને પણ તપાસી રહી છે. અમદાવાદના પશ્ચિમ વિસ્તારમાં ડ્રગ્સના દૂષણને રોકવા માટે ઝોન-7 LCB ની આ કામગીરીને મોટી સફળતા માનવામાં આવી રહી છે. આગામી દિવસોમાં આ કેસમાં વધુ મોટા ખુલાસાઓ થવાની શક્યતા છે. આ પણ વાંચો - Ahmedabad ના 5 લાખ વિદ્યાર્થીઓના સામૂહિક શપથ, મારો આનંદ કોઈનો જીવ ન લે, એ જ મારી ઉત્તરાયણ

Read Full Story arrow_forward

calendar_today January 7, 2026

Ahmedabad: કોમનવેલ્થ ગેમ્સની યજમાનીને લઈ તૈયારી પૂરજોશમાં, IOAની મેગા બેઠકનું કરાયું આયોજન

કોમનવેલ્થ ગેમ્સની યજમાનીને લઇને અમદાવાદ જોરોશોરોથી તૈયારીમાં જોડાઇ ગયુ છે. જેને લઇને આવતીકાલે એટલે કે 7 જાન્યુઆરીએ IOAની બેઠક મળવા જઇ રહી છે. આ બેઠકમાં કેન્દ્રીય રમતગમત મંત્રી મનસુખ માંડવીયા પણ હાજર રહેશે. કોમનવેલ્થ ગેમ્સની યજમાની કરવા માટે મક્કમ રમતગમત ક્ષેત્રે વૈશ્વિક ફલક પર ભારતનું નામ રોશન કરવા માટે હવે ગુજરાતનું અમદાવાદ શહેર તૈયાર છે. ભારત આગામી વર્ષોમાં મલ્ટી-સ્પોર્ટ્સ ઇવેન્ટ્સ, ખાસ કરીને કોમનવેલ્થ ગેમ્સની યજમાની કરવા માટે મક્કમ છે. આ દિશામાં એક મહત્વ પૂર્ણ પગલું ઉઠાવતા 7 જાન્યુઆરીએ અમદાવાદમાં ઇન્ડિયન ઓલિમ્પિક એસોસિએશનની મહત્વપૂર્ણ બેઠક મળવા જઇ રહી છે. આવતીકાલે IOAની એક્ઝિક્યુટિવ કમિટીની બેઠક મળશે મળતી માહિતી મુજબ અમદાવાદમાં આવેલા રાજપથ ક્લબ ખાતે આવતીકાલે IOAની એક્ઝિક્યુટિવ કમિટીની બેઠક મળશે.આ બેઠકમાં દેશના ટોચના રમતગમત વહીવટકર્તાઓ ભેગા મળીને ભવિષ્યના રોડમેપને લઇને ચર્ચા કરશે. આ એક્ઝિક્યુટિવ કમિટીની બેઠક પૂર્ણ થયા બાદ મહત્વની ગણાતી AGM એટલે કે એન્યુઅલ જનર મીટિંગ યોજાશે. ભારતની દાવેદારી મજબૂત કરવા ચર્ચા કરાશે આગામી 9મી જાન્યુઆરીએ IOAની AGM બેઠક યોજાવાની છે. જેમાં કોમનવેલ્થ ગેમ્સની યજમાની મેળવવા માટેની તૈયારીઓ અને આંતરરાષ્ટ્રીય સ્તરે ભારતની દાવેદારી મજબૂત કરવા માટે ગહન ચર્ચા કરવામાં આવશે. બેઠકમાં કેન્દ્રીય મંત્રી મનસુખ માંડવીયા ખાસ હાજર રહેશે.આ બેઠક માત્ર વહીવટી પ્રક્રિયા નથી, પરંતુ ભારતના 'સ્પોર્ટ્સ હબ' બનવાના સપના તરફનું એક મજબૂત ડગલું છે. રમતગમત પ્રેમીઓની નજર હવે રાજપથ ક્લબમાં લેવાનારા નિર્ણયો પર ટકેલી છે. આ પણ વાંચોઃ  ગાંધીનગરમાં મેટ્રો ટ્રેન ફેઝ-1 અને 2નું કામ પૂર્ણ, PM નરેન્દ્ર મોદી મહાત્મા મંદિર રૂટની શરૂઆત કરાવશે

Read Full Story arrow_forward

calendar_today January 7, 2026

Ahmedabad News : સેવેન્થ ડે સ્કૂલમાં પ્રથમ સરકારી કાર્યક્રમ, સરકાર હસ્તક સંચાલન આવ્યા બાદ શૈક્ષણિક સેમિનાર યોજાયો

અમદાવાદની મણિનગર વિસ્તારની સેવેન્થ ડે સ્કૂલનો વહીવટ સરકાર હસ્તક લેવાયા બાદ ત્યાં પ્રથમ વખત ભવ્ય સરકારી કાર્યક્રમનું આયોજન કરવામાં આવ્યું હતું. આગામી બોર્ડની પરીક્ષાઓને ધ્યાનમાં રાખીને વિદ્યાર્થીઓ માટે ખાસ 'કેરિયર કાઉન્સિલિંગ' સેમિનાર યોજાયો હતો. આ કાર્યક્રમમાં સ્થાનિક ધારાસભ્ય અમુલ ભટ્ટ સહિતના રાજકીય અને સામાજિક આગેવાનોએ ખાસ હાજરી આપી હતી. શાળાના સંચાલનમાં આવેલા પરિવર્તન બાદ આ પ્રકારના શૈક્ષણિક આયોજનથી વિદ્યાર્થીઓ અને વાલીઓમાં એક નવો ઉત્સાહ જોવા મળ્યો હતો.શિક્ષણ વિભાગનો મોટો કાર્યક્રમ આ સેમિનારનો મુખ્ય હેતુ પરીક્ષાના તણાવ વચ્ચે વિદ્યાર્થીઓનું મનોબળ મજબૂત કરવાનો અને તેમને ભવિષ્યના ક્ષેત્રો વિશે સચોટ માહિતી આપવાનો હતો. કાર્યક્રમમાં વિવિધ ક્ષેત્રના 60 જેટલા કેરિયર એક્સપર્ટ્સ હાજર રહ્યા હતા, જેમણે વિદ્યાર્થીઓને તેમની રુચિ મુજબના અભ્યાસક્રમો અને રોજગારીની તકો વિશે ઊંડાણપૂર્વક માર્ગદર્શન આપ્યું હતું. પરીક્ષા પહેલાં વિદ્યાર્થીઓને યોગ્ય દિશા મળી રહે તે માટે સરકાર અને શિક્ષણ વિભાગ દ્વારા કરવામાં આવેલો આ પ્રયાસ ખૂબ જ પ્રશંસનીય રહ્યો હતો. આ પણ વાંચો : Ahmedabad ના 5 લાખ વિદ્યાર્થીઓના સામૂહિક શપથ, મારો આનંદ કોઈનો જીવ ન લે, એ જ મારી ઉત્તરાયણ

Read Full Story arrow_forward