Community News & Updates

Stay informed with the latest happenings, achievements, and announcements from our community.

All News

calendar_today January 1, 2026

Patan: રાજપુરમાંથી ચાઈનીઝ દોરી સાથે યુવક ઝડપાયો

પાટણ તાલુકાના રાજપુર ગામેથી તાલુકા પોલીસે એક યુવકને પ્રતિબંધિત ચાઈનીઝ દોરીની 4 ફીરકીઓ સાથે ઝડપી તેના વિરુદ્ધ ગુનો નોધી કાર્યવાહી હાથ ધરી છે. પાટણ તાલુકા પોલીસે રાજપુર ગામમાંથી અનિલજી ભાવુજી ઠાકોર નામના યુવકને પ્રતિબંધિત ચાઈનીઝ દોરીની ફીરકીઓ સાથે ઝડપી લીધો હતો. અનિલજી ઠાકોર પાસેથી પોલીસે 1000 રૂપિયાની કિંમતની ચાઈનીઝ દોરીની 4 ફીરકીઓ જપ્ત કરી તેના વિરુદ્ધ જાહેરનામા ભંગનો ગુનો નોંધી વધુ કાર્યવાહી હાથધરી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 1, 2026

Kheda: જિલ્લામાં પીધેલા 43 ઝપટે ચડયાં

ખેડા જિલ્લામાં થર્ટી ફર્સ્ટને લઈને કોઈ અસામાજિક તત્વો દારુ પીને નવા વર્ષની ઉજવણીમાં સારા નાગરિકોને ખલેલ ન પહોંચાડે તે માટે આગોતરું આયોજન હાથ ધર્યું હતું. જેને લઈને બે દિવસ અગાઉથી જ પોલીસે વિવિધ પોઈન્ટ પર પોલીસને 150 જેટલા બોડીવોર્ન કેમેરા અને 150 જેટલા બ્રેથ એનલાઈઝર દ્વારા આવતા જતા શંકાસ્પદ જણાતા, ડ્રાઈવીંગ કરતા દરેક વ્યક્તિ પુરુષ હોય કે મહિલા તેમનું ચેકીંગ હાથ ધર્યું હતું. થર્ટી ફર્સ્ટની મોડી રાત્રી સુધી જિલ્લાના વડા મથક નડિયાદ સહિત જિલ્લાના મહત્વના પોઈન્ટ પર પોલીસ તૈનાત રહી હતી. અને જિલ્લાની વિવિધ ચેકપોસ્ટ પર પણ વાહન ચેકીંગ તથા ડ્રોન કેમેરા થકી પણ અંતરિયાળ વિસ્તાર અને ફાર્મહાઉસ, ટેરેસ પર સતત વોચ રાખી હતી. થર્ટી ફર્સ્ટની સવારથી જ પોલીસ દારુ પીને વાહન ચલાવતા હોય કે દેશી કે વિદેશી દારુની હેરાફેરી કરતાં કે દારુ પીને જાહેર સ્થળો પર લવરી કરી ધમાલ કરતાં ઈસમો વિરુદ્ધ કાર્યવાહી હાથ ધરી હતી. જિલ્લામાંથી ઝડપાયેલ આવા 43 વિરુદ્ધ પોલીસે જે તે પોલીસ મથકો પર ગુનો નોંધી કાર્યવાહી પણ હાથ ધરી હતી. જેમાં દારુ પીને વાહન ચલાવતા ડાકોરમાંથી 02, કપડવંજ રુરલમાં 01, કઠલાલમાંથી 03, ખેડામાંથી 01, લીંબાસીમાંથી 01, મહેમદાવાદમાંથી 03, મહુધામાંથી 01, નડિયાદ રુરલમાંથી 01, નડિયાદ ટાઉનમાંથી 08, સેવાલિયામાંથી 01 મળી 22 ઝડપાયા હતા. જ્યારે દારુ પીને લવરી કરતાં મહુધામાંથી 05 અને નડિયાદ રુરલમાંથી 01 મળી છ ઝડપાયા હતા. જ્યારે દારુની હેરાફેરી કરતાં ડાકોરમાંથી 02, કઠલાલમાંથી 01, ખેડામાંથી 04, લીંબાસીમાંથી 02, મહેમદાવાદમાંથી 01, મહુધામાંથી 02, સેવાલિયામાંથી 01 અને વડતાલ અને વસોમાંથી પણ એક એક ઈસમ મળી કુલ 15 ઈસમો ઝડપાયા હતા.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 1, 2026

Anand: પડતર પ્રશ્નોનું નિરાકરણ આવે તે માટે મનપા કચેરી બહાર હવન

કરમસદ આણંદ મહાનગરપાલિકાને એક વર્ષ પુર્ણ થતા શહેરીજનોને અનેક પ્રાથમિક સુવિદ્યાઓ મળી ન હોવાના આક્ષેપ સાથે શહેરના નાગરીક હર્ષિલ દવેએ મનપાની મુખ્ય કચેરી બહાર વર્તમાન અધિકારીઓને ભગવાન પ્રજાના કામો કરવા માટે સદ્બુદ્ધી આપે તે માટે સદ્બુદ્ધી હવન અને ગાય માતાની પૂજા કરીને અનોખી રીતે સત્તાધિશોનો વિરોધ કર્યો હતો. દવેએ મુખ્ય ગેટ પાસે બ્રાહ્મણને બોલાવીને યજ્ઞ કરતા ત્યાંથી પસાર થતા લોકોમાં બારે કુતુહલ સર્જાયુ હતું. તદ્ઉપરાંત દવે દ્વારા આક્ષેપ કરાયો છે કે મહાનગરપાલિકાના અસ્તિત્વ રચાયે એક વર્ષ પુર્ણ થયું હોવા છતા અનેક વિસ્તારોમાં લોકો પાયાની જરૂરિયાતથી વંચિત રહ્યા છે. તેઓને પીવાનું પાણી, ગટર, સ્ટ્રીટ લાઇટ, રોડની સુવિદ્યાઓ મુદ્દે તંત્ર દ્વારા ઘોર દુર્લક્ષ સેવવામાં આવ્યુ હોય અધિકારીઓને ભગવાન સદ્બુદ્ધી આપે તે માટે યજ્ઞ કરવામાં આવ્યો હોવાનું જણાવ્યુ હતું. તેમજ મનપા દ્વારા જે કામો એક વર્ષમાં થયા નથી તે તમામ કામો વહેલામાં વહેલી તકે ઝડપી હાથ ધરવામાં આવે તેવી માંગ કરી છે. સાથે સાથે ઘર વિહોણા લોકોને ઘરનું ઘર બને, ફેરી કરી ગુજરાન ચલાવતા લોકોની રોજીરોટી ન છીનવાઇ તે માટે ખાસ તકોદારી રાખવામાં આવે, ગાય માતાની પૂજા કરીને સંદેશો આપ્યો છે કે મનપા વિસ્તારમાં ગોચરની જમીનનો અભાવ છે. જેથી ગાયો જાહેર માર્ગો ઉપર જ્યાં અને ત્યાં ફરીને ઘાસચારો આરોગી રહી છે. પાંજરાપોળમાં રાખવામાં આવતી ગાયોની તકેદારી કે સારસંભાળ રાખવામાં આવતી ન હોય ગાયોની હાલત બગડી રહી છે. તે મુદ્દે પણ અધિકારીઓએ ઘટતુ કરવું જોઇએ તેવી માંગ કરી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward