Community News & Updates

Stay informed with the latest happenings, achievements, and announcements from our community.

All News

calendar_today October 18, 2026

ગોજીના તળાવમાં ખાબકેલા શ્રામિકનો ત્રીજા દિવસે પણ કોઈ પત્તો લાગ્યો નહીં

બારડોલી તાલુકાના ગોજી ગામે આવેલું ગ્રામપંચાયત હસ્તકનું સરકારી તળાવ જે તે વખતે માટી ચોરોએ 100 ફૂટથી વધારે ઊંડાઈએ ખોદી કાઢયું હતું. બે દિવસ પહેલા એટલે કે 16મીએ બપોરે ગામના માતા ફળિયામાં રહેતો એક 38 વર્ષીય મજૂર વિનોદભાઈ જગુભાઈ રાઠોડ અન્ય ત્રણ લોકો સાથે મજૂરીએ કામેથી આવીને તળાવ કિનારે હાથ-પગ અને મોઢું ધોવા માટે ઉતર્યો હતો. આ ત્યાં તેનો પગ લપસી જતા તે તળાવમાં ખાબક્યો હતો અને ડૂબી ગયો હતો. આ યુવકનો ત્રણ દિવસ શોધખોળ કરવા છતાં કઈ પત્તો નળ્યો નથી. જેથી તેની પત્ની ટીનાબેન રાઠોડ, બે દીકરીઓ આયુષી અને ઈશાના સહિત પરિવારમાં ચિંતા વ્યાપી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 18, 2026

વાપી GIDCમાં પતરાના બેરલમાં છુપાવી લઈ જવાતો રૂ. 3 લાખનો દારૂ ઝડપાયો

વલસાડ જિલ્લા લોકલ ક્રાઈમ બ્રાન્ચની ટીમે સેલવાસથી ટાટા પીકઅપ ટેમ્પોમાં પતરાના નાના બેરલમાં છુપાવીને લઈ જવાતો રૂ. 3,02,848નો દારૂ ઝડપી પાડયો હતો. આ સાથે જ ટેમ્પોના ચાલક અને ક્લીનરની ધરપકડ કરાઈ હતી. વલસાડ જિલ્લા પોલીસની ટીમ જિલ્લામાં પ્રોહિબિશન સંબંધિત ગુનાઓ અટકાવવા પેટ્રોલિંગ કરી રહી હતી. આ દરમિયાન પેટ્રોલ ફોલો સ્ક્વોડના એએસઆઈ અલ્લારખભાઈ અમીરભાઈને મળેલી બાતમીના આધારે વાપી જીઆઇડીસીના સેકન્ડ ફોઝમાં મોરારજી સર્કલ નજીક કેર કંપની સામે જાહેર રોડ પર વોચ ગોઠવવામાં આવી હતી. પોલીસે ડીએન-09-કે -9701 નંબરના સફેદ રંગના ટાટા પીકઅપ ટેમ્પોને અટકાવી તપાસ કરતાં લાલ અને વાદળી રંગના 31 નાના પતરાના બેરલમાંથી દારૂની કુલ 716 બોટલો મળી આવી હતી. જેની કિંમત રૂ. 3,02,848 હોવાનું નોંધાયું છે. પોલીસે ટેમ્પોના ચાલક અજય દેવ જિરા વરઠા (ઉં.વ. 29) અને ક્લીનર ઈન્દિયાભાઈ ઉર્ફે ઈન્દલ લક્ષીભાઈ બારકીયા દાડેકર (ઉં.વ. 38, બંને રહે. સેલવાસ, દાદરા અને નગર હવેલી)ને ઝડપી પાડયા હતા. તેમની પાસેથી બે મોબાઈલ ફોન (કિંમત રૂ. 10,000) તથા રોકડા રૂ. 11,000 પણ મળી આવ્યા હતા. પોલીસે દારૂની બોટલો ઉપરાંત રૂ. 5 લાખની કિંમતનો ટાટા પીકઅપ ટેમ્પો, બે મોબાઈલ ફોન અને રોકડ સહિત કુલ રૂ. 8,23,848નો મુદ્દામાલ કબજે કર્યો હતો. પોલીસની પ્રાથમિક તપાસમાં દારૂનો જથ્થો ભરાવનાર તરીકે સેલવાસના લહુારી ખાચપાડા ફળિયાના કિરણ વરઠાનું નામ સામે આવ્યું હતું. આ ઉપરાંત દારૂનો જથ્થો ભરી આપનાર અથવા પાયલોટિંગ કરનાર કિરણ વરઠાના એક સાથીની પણ ઓળખ બાકી છે. બંનેને વોન્ટેડ જાહેર કરાયા હતા.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 18, 2026

ચણોદમાં મિત્ર સાથેના ઝઘડામાં યુવકને પેટમાં ચપ્પુના ઘા ઝીંકાયા

વાપીના ભડકમોરા વિસ્તારમાં શાંતિનગર ખાતે રહેતા શ્રીકાંત અંબિકા તિવારી વાપી જીઆઈડીસીની એક કંપનીમાં છેલ્લા 22 વર્ર્ષથી ઓપરેટર તરીકે નોકરી કરે છે. તા. 17 ઓક્ટોબર, 2026ના રોજ તેઓ કંપનીમાં નોકરી પર હતા, ત્યારે બપોરે આશરે બે વાગ્યે તેમની પત્ની સરિતાદેવીએ આવીને જાણ કરી હતી કે, તેમના પુત્ર વિષ્ણુને તેના મિત્ર ગોવિંદા સુરજ પાસવાને ચપ્પુ જેવા ધારદાર હથિયારથી પેટના ભાગે મારતાં ગંભીર ઇજા થઈ હતી. આ સમાચાર મળતાં શ્રીકાંત તિવારી પત્ની સાથે ઘરે પહોંચ્યા હતા. દરમિયાનમાં પુત્રના મિત્ર અમુલ કાટેકરે ફોન પર જાણ કરી હતી કે, વિષ્ણુને વધુ સારવાર માટે સેલવાસની નમો હોસ્પિટલમાં રિફર કરવામાં આવ્યો હતો. ત્યારબાદ અમુલ વિષ્ણુને રિક્ષામાં લઈને ઘરે પહોંચ્યો હતો. તે સમયે વિષ્ણુ બેભાન હાલતમાં હતો અને તેના પેટના ડાબા ભાગે પાટા બાંધેલા હતા. ફરિયાદ મુજબ, અમુલ કાટેકરે જણાવ્યું હતું કે વિષ્ણુ અને ગોવિંદા વચ્ચે સવારે 10થી બપોરે 12 વાગ્યાની આસપાસ કોઈ કારણસર બોલાચાલી અને ઝઘડો થયો હતો. ઘટનાસ્થળે પહોંચતાં વિષ્ણુ જમીન પર પડેલો હતો અને તેના પેટમાંથી લોહી નીકળતું હતું. ગોવિંદાએ ઝઘડાને કારણે ધારદાર હથિયારથી વિષ્ણુના પેટમાં માર્યાની વાત પણ અમુલને કહી હોવાનું ફરિયાદમાં જણાવાયું છે. ઇજાગ્રસ્ત વિષ્ણુને પ્રથમ વાપીની જીવનદીપ હોસ્પિટલમાં લઈ જવાયો હતો. તેની ગંભીર હાલતને પગલે વધુ સારવાર માટે સેલવાસની નમો હોસ્પિટલમાં ખસેડાયો હતો, જ્યાં તેને આઈસીયુમાં દાખલ કરી સારવાર આપવામાં આવી રહી છે. આ મામલે વિષ્ણુના પિતા શ્રીકાંત તિવારીએ ગોવિંદા સુરજ પાસવાન (રહે. ચણોદ ભાનુસાગર એપાર્ટમેન્ટ, વાપી) વિરુદ્ધ ફરિયાદ નોંધાવી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward