android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Palanpur : દિવ્યાંગો, વિધવા બહેનો હરિદ્વાર યાત્રાએ
calendar_today October 22, 2026

Palanpur : દિવ્યાંગો, વિધવા બહેનો હરિદ્વાર યાત્રાએ

બનાસકાંઠા જિલ્લાના પાલનપુર રેલવે સ્ટેશન પરથી દિવ્યાંગજનો અને વિધવા બહેનો માટેની વિશેષ હરિદ્ધાર તીર્થયાત્રાને લીલી ઝંડી દર્શાવી રવાના કરવામાં આવી હતી. આ પ્રસંગે રાજ્યના મંત્રી પ્રવીણ માળીએ હાજરી આપીને તમામ યાત્રાળુઓને શુભકામનાઓ પાઠવી હતી. મંત્રીએ જણાવ્યું હતું કે મા ગંગાના પવિત્ર સ્ન્ના સાથે દિવ્યાંગો સમાજમાંથી વ્યસન નાબુદી માટેના સંકલ્પ સાથે વ્યસન મુક્ત ગુજરાતના બ્રાન્ડ એમ્બેસેડર બનશે. ભગિની સમાજના મેનેજિંગ ડિરેક્ટર ડો.દિનેશ પટેલ અને તેમની સંસ્થાના પવિત્ર પ્રયાસોથી ઉત્તર ગુજરાતના સાબરકાંઠા, મહેસાણા, પાટણ અને બનાસકાંઠા જિલ્લાના દિવ્યાંગ ભાઈ-બહેનો તેમજ વિધવા બહેનો માટે આવી યાત્રાનું આયોજન વર્ષ 2015 થી શરૂ કરવામાં આવેલ છે. આ વર્ષે લગભગ 150 જેટલા યાત્રાળુઓનો કાફલો હરિદ્ધાર, ઋષિકેશ અને ગંગા દર્શન અને કથા શ્રવણ માટે રવાના થયો છે. આ અંગે રાજ્યમંત્રી પ્રવિણભાઈ માળીએ જણાવ્યું હતું કે અનેક દિવ્યાંગજનો પ્રથમ વખત હરિદ્ધાર જઈ રહ્યા છે. જે એક અત્યંત સંવેદનશીલ અને આનંદનો અવસર છે. દિવ્યાંગો ગંગા મૈયામાં ડૂબકી લગાવીને વ્યસન મુક્તિનો સંકલ્પ લેશે અને પરત ફરીને સમાજમાં વ્યસન કરતા લોકોને ઘરે જઈ વ્યસન છોડાવવાનું કાર્ય કરશે. પ્રધાનમંત્રીના વ્યસન મુક્ત ભારત અભિયાનમાં આ દિવ્યાંગો મહત્ત્વનું યોગદાન આપશે. સંસ્થાના આયોજક ડો.દિનેશ પટેલે જણાવ્યું હતું કે, 2015 થી શરૂ થયેલી આ સેવાયાત્રા અંતર્ગત અત્યાર સુધીમાં વિવિધ જિલ્લાના સેંકડો દિવ્યાંગોને તીર્થયાત્રા કરાવવામાં આવી છે. તમામ યાત્રાળુઓ 27 મી તારીખે ધામધુમથી પરત ફરશે. મંત્રી તેમજ ઉપસ્થિત મહાનુભાવોએ તમામ દિવ્યાંગોના સુખ-સમૃદ્ધિ અને ઉત્તમ સ્વાસ્થ્ય માટે પ્રાર્થના કરી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
deesa : ખેલ મહાકુંભ જિલ્લા કક્ષાની ટેબલ ટેનિસ ટુર્નામેન્ટમાં ડીસાના છાત્રો ઝળક્યા
calendar_today October 22, 2026

deesa : ખેલ મહાકુંભ જિલ્લા કક્ષાની ટેબલ ટેનિસ ટુર્નામેન્ટમાં ડીસાના છાત્રો ઝળક્યા

ટેબલ ટેનિસ ટુર્નામેન્ટ ખેલ મહાકુંભ 2026 અંતર્ગત પાલનપુર જિલ્લા સ્પોર્ટ્સ કોમ્પ્લેક્ષ ખાતે ટેબલ ટેનિસ જિલ્લા કક્ષાની ટુર્નામેન્ટમાં એન્જલ્સ શાળાની વિદ્યાર્થીની અને સાંઈબાબા સ્પોર્ટ્સ કલબના ખેલાડી અંડર11 ટુર્નામેન્ટમાં વિરા ઠક્કર ચેમ્પિયન રહી હતી અને અયાના મેવાડાએ બ્રોન્ઝ મેડલ-3 મેળવ્યો, અંડર 17 માં જીનીશા ઠક્કરે બ્રોન્ઝ મેડલ-3 મેળવ્યો અને રેની પરમારે 4 નંબર મેળવ્યો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
deesa : સોયલા ફાટક પર બ્રિજ બનાવવાની માંગ સાથે 24 ઓક્ટોબરે પદયાત્રાનું આયોજન
calendar_today October 22, 2026

deesa : સોયલા ફાટક પર બ્રિજ બનાવવાની માંગ સાથે 24 ઓક્ટોબરે પદયાત્રાનું આયોજન

ભીલડી વિસ્તારના આજુબાજુના ગામોના લોકો માટે લાંબા સમયથી મુખ્ય પ્રશ્ન બની ગયેલા સોંયલા ફાટક પર બ્રિજ બનાવવાની માંગ સાથે એક વિશાળ પદયાત્રાનું આયોજન કરવામાં આવ્યું છે. જનતાના હક, અધિકાર અને સુરક્ષિત અવરજવરના પ્રશ્નને લઈને આ પદયાત્રા યોજાઈ રહી છે. સોંયલા ફાટક પર ઓવરબ્રિજ ન હોવાના કારણે વિદ્યાર્થીઓ, ખેડૂતો, કર્મચારીઓ, મહિલાઓ, વડીલો અને રોજિંદા અવરજવર કરતા નાગરિકોને ભારે મુશ્કેલીઓનો સામનો કરવો પડી રહ્યો છે. આ મુશ્કેલીઓના કાયમી નિરાકરણ માટે હવે સૌએ એકજૂથ થવાનો સમય આવી ગયો છે. આ પદયાત્રા તારીખ 24 ઓક્ટોબર, 2026, શનિવારના રોજ સવારે 9:00 વાગ્યે રસણીયા હનુમાન મંદિર, નેસડા ખાતેથી શરૂ થશે. બનાસકાંઠા જિલ્લા પંચાયતના સદસ્ય નરસિંહ દેસાઈ દ્વારા સોંયલા ફાટક પર બ્રિજ બને અને જનતાની મુશ્કેલીઓ દૂર થાય તેમાટે આ હાકલ કરવામાં આવી છે. તેમણે તમામ સમાજના આગેવાનો, વડીલો અને યુવાનોને મોટી સંખ્યામાં પધારી પોતાના હક માટે અવાજ ઉઠાવવા નમ્ર વિનંતી કરી છે. નાગરિકોની સલામત અવરજવર માટે જનતાનો સહયોગ અને સહભાગિતા જ આ ચળવળની મુખ્ય શક્તિ બનશે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward