android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Tharad : થરાદમાં આડેધડ પાર્કિંગથી હોસ્પિટલના સર્વિસ રોડ પર અવરજવર મુશ્કેલ બની
calendar_today October 21, 2026

Tharad : થરાદમાં આડેધડ પાર્કિંગથી હોસ્પિટલના સર્વિસ રોડ પર અવરજવર મુશ્કેલ બની

વાવ-થરાદ જિલ્લાના મુખ્ય મથક થરાદમાં ટ્રાફ્કિની સમસ્યા દિવસેને દિવસે વાહનચાલકો અને સ્થાનિક લોકો માટે માથાનો દુખાવો બની રહી છે. શહેરમાં વાહનોની સંખ્યામાં વધારો થવાની સાથે વાહનચાલકો દ્વારા આડેધડ પાર્કિંગ કરવામાં આવતું હોવાથી ટ્રાફ્કિની સમસ્યા વધુ ગંભીર બની રહી છે. ખાસ કરીને થરાદ રેફરલ હોસ્પિટલ ત્રણ રસ્તાથી ગૌ સર્કલ તરફ્ હાઇવેના સર્વિસ રોડ ઉપર વારંવાર ટ્રાફ્કિની સમસ્યા સર્જાતી હોવાની ફરિયાદો સામે આવી રહી છે. હાઇવેના સર્વિસ રોડની આસપાસ હોસ્પિટલો આવેલી હોવાથી આ માર્ગનું મહત્વ વધુ છે. પરંતુ સર્વિસ રોડ ઉપર વાહનો આડેધડ પાર્ક કરવામાં આવતા રસ્તા પરથી પસાર થતાં અન્ય વાહનચાલકોને મુશ્કેલીનો સામનો કરવો પડે છે. હોસ્પિટલમાં ઈમરજન્સી સારવાર માટે આવતા દર્દીઓ અને તેમના સ્વજનોને પણ હાલાકી ભોગવવી પડે તેવી સ્થિતિ સર્જાય છે. આવી પરિસ્થિતિમાં જો એમ્બ્યુલન્સ કે અન્ય ઈમરજન્સી વાહનને તાત્કાલિક પસાર થવાનું થાય તો મુશ્કેલી ઊભી થઈ શકે છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Palanpur : સ્કૂટી સવારો પર હુમલો કરનારા 5શખ્સો અને તલવાર-છરી સાથે ડાન્સ કરનારા 3 આરોપીની ધરપકડ
calendar_today October 21, 2026

Palanpur : સ્કૂટી સવારો પર હુમલો કરનારા 5શખ્સો અને તલવાર-છરી સાથે ડાન્સ કરનારા 3 આરોપીની ધરપકડ

સોશિયલ મીડિયા પર વાયરલ થયેલા બે અલગ-અલગ વિડીયોના આધારે સિરોહી જિલ્લા પોલીસે ઝડપી કાર્યવાહી હાથ ધરીને કુલ 8 અસામાજિક તત્વોને ઝડપી પાડયા છે. આ કાર્યવાહીમાં સ્કૂટી સવારો પર હુમલો કરનારા 5 આરોપીઓની 3 મોટરસાયકલ સાથે અટકાયત કરવામાં આવી છે. જ્યારે રાત્રિના સમયે તલવાર અને છરી લહેરાવી ડાન્સ કરનારા 3 આરોપીઓની આર્મ્સ એક્ટ હેઠળ ધરપકડ કરવામાં આવી છે.સિરોહી જિલ્લા પોલીસ અધિક્ષક અજેયસિંહ રાઠોડ દ્વારા અસામાજિક તત્ત્વો સામે શરૂ કરાયેલી વિશેષ ઝુંબેશ અંતર્ગત અતિરિક્ત પોલીસ અધિક્ષક નરેન્દ્રકુમાર અને આબુપર્વતના ડીવાયએસપી જિતેન્દ્રસિંહ રાઠોડના માર્ગદર્શન હેઠળ આબુરોડ રીકો પોલીસ મથકના પી.આઈ.લક્ષ્મણસિંહ ચંપાવતની ટીમે આ સફળ કામગીરી કરી છે. જેમાં બે દિવસ પહેલાં ઈન્સ્ટાગ્રામ પર એક વિડીયો વાયરલ થયો હતો. જેમાં ત્રણ મોટરસાયકલ પર સવાર પાંચ શખ્સો ચાલે સ્કૂટીએ જઈ રહેલા બે લોકો સાથે મારામારી કરી રહ્યા હતા. તપાસ દરમ્યાન આ ઘટના ગુજરાતના બનાસકાંઠા જિલ્લાના અંબાજી પોલીસ મથક વિસ્તારની હોવાનું સામે આવ્યું હતું. પોલીસે તાત્કાલિક ટેકનિકલ ડેટા અને સીસીટીવી ફૂટેજ ચકાસીને ઘટનામાં સંડોવાયેલા પાંચેય આરોપી (1) રાજુરામ પ્રભુરામ ગરાસિયા (2) રાજારામ અંબારામ ગરાસિયા (3) મુકેશ મનારામ ગરાસિયા (4) ભૂરારામ દેવારામ ગરાસિયા અને (5) હોનારામ લખારામ ગરાસિયા તમામ રહે.ખારા, થાણા, આબુરોડવાળાઓને ઝડપી લીધા હતા અને તેમની ત્રણ બાઈક જપ્ત કરી હતી. બીજી એક ઘટનામાં સોશિયલ મીડિયા પર અન્ય એક વીડિયો વાયરલ થયો હતો જેમાં યુવકો હાથમાં ખુલ્લી તલવાર અને છરીઓ લઈને ડાન્સ કરતા જોવા મળ્યા હતા. પોલીસે બાતમીદારો અને સાયબર ટીમની મદદથી આ મામલે 3 શખ્સો (1) લાલારામ ભૈરારામ ગરાસિયા (ર) રતનલાલ ભૈરારામ ગરાસિયા અને (3) રિકેશ રામારામ ગરાસિયા તમામ રહે. આંબા, થાણા આબુરોડવાળાઓને આર્મ્સ એકટ હેઠળ ધરપકડ કરી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Gandhinagar : બોસ્કી ધ એમ્પાયર પર કોર્પોરેશન બાદ રેરાની લાલ આંખ
calendar_today October 21, 2026

Gandhinagar : બોસ્કી ધ એમ્પાયર પર કોર્પોરેશન બાદ રેરાની લાલ આંખ

ગાંધીનગરના કુડાસણ વિસ્તારમાં દોઢ મહિના પહેલાં બોસ્કી ધ એમ્પાયર નામના નિર્માણાધીન કોમર્શીયલ કોમ્પ્લેક્સમાં ત્રીજા માળનો સ્લેબ સ્લેબ તૂટી પડવાની ગંભીર ઘટના બાદ મહાનગરપાલિકાએ બાંધકામની પરવાનગી રદ હતી. હવે પ્રોજેક્ટ સામે રેરાએ લાલ આંખ કરી છે. ઘટનાના દોઢ મહિના બાદ ગુજરાત રિયલ એસ્ટેટ રેગ્યુલેટરી ઓથોરિટીએ પ્રોજેક્ટનું રેરા રજીસ્ટ્રેશન સ્થગિત કરીને તેના માર્કેટિંગ, બુકિંગ અને વેચાણ પર પ્રતિબંધ મૂક્યો છે. રેરાના આ હુકમની અવગણના કરી પ્રતિબંધિત પ્રવૃત્તિઓ ચાલુ રાખવામાં આવશે તો કાયદા હેઠળ દંડાત્મક કાર્યવાહી થઈ શકે છે. ઉલ્લેખનીય છે કે, કુડાસણ ટીપી સ્કીમ 28માં રેવન્યુ સર્વે નંબર 101 અને 102ની એકત્રિત જમીન, અંતિમ ખંડ નં. 268 અને 269 પર કોમર્સિયલ કોમ્પ્લેક્સ બોસ્કિ ધ એમ્પાયરનું બાંધકામ ચાલી રહ્યું હતું. જ્યાં ગત 9 સપ્ટેમ્બર 2026ની રાત્રે આશરે 9 વાગ્યે આ કોમર્સિયલ કોમ્પ્લેક્સના બાંધકામ દરમિયાન ત્રીજા માળનો સ્લેબ ધડાકાભેર તૂટી પડયો હતો. જેને લઈને ભારે અફરાતફરી મચી ગઈ ગતી. આ ઘટનાને પગલે ગાંધીનગર મહાપાલિકા દ્વારા આ પ્રોજેક્ટની વિકાસ પરવાનગી તાત્કાલિક અસરથી રદ કરી દીધી હતી હવે રેરાએ પણ સંભવિત એલોટીઝ અને આ પ્રોજેકટમાં રસ ધરાવતા લોકોના હિતમાં રજીસ્ટ્રેશન સ્થગિત કરવાનો હુકમ કર્યો છે. પ્રોજેક્ટનું રજીસ્ટ્રેશન સ્થગિત કરી દેતાં માર્કેટમાં સોપો પડી ગયો છે. રેરાએ પણ પ્રોજેક્ટ સામે કડક કાર્યવાહી કરી છે. આ કોમર્સિયલ કોમ્પ્લેક્સના પ્રોજેક્ટનું રજીસ્ટ્રેશન સ્થગિત કરીને તેના માર્કેટિંગ, યુનિટ બુકિંગ, વેચાણ પર પ્રતિબંધ મૂકી દીધો છે. આ નિર્ણયથી આ પ્રોજેક્ટમાં યુનિટ ખરીદવા ઈચ્છતા સંભવિત ગ્રાહકોના હિતનું રક્ષણ થશે. જ્યારે આ કોમર્સિયલ કોમ્પ્લેક્સનો સ્લેબ તૂટી પડયો હતો ત્યારે શરૂમાં 10 થી 15 શ્રમિકો કાટમાળ નીચે ફસાયા હોવાની આશંકા જણાતાં ફાયર બ્રિગેડ અને એસડીઆરએફ દ્વારા મોટાપાયે બચાવ કામગીરી હાથ ધરવામાં આવી હતી. આશરે 60 એસડીઆરએફના જવાનો અને ફાયરની 4 થી 5 ટીમોએ રેસ્ક્યુ ઓપરેશન હાથ ધર્યું હતું અને તમામ ફસાયેલા શ્રમિકોને બહાર કાઢી સિવિલ હોસ્પિટલ ખસેડાયા હતા. જેમાં 12 શ્રમિકોને ફ્રેક્ચર અને કરોડરજ્જુને લગતી ગંભીર ઈજાઓ થઈ હતી. ઘટનાની જાણ થતાં ખૂદ ઉપમુખ્યમંત્રી હર્ષ સંઘવી તથા ઉચ્ચ અધિકારીઓ પણ સ્થળ પર દોડી આવ્યા હતા. સ્થળ પર સ્થિતિ જોઈને તેઓ પણ ચોંકી ઉઠયા હતા. મામલો ખૂબ જ ગંભીર રહ્યો હતો. આરોગ્ય મંત્રી પણ ઘાયલ શ્રમિકોને ઝડપથી સારવાર મળી રહે તે માટે સિવીલ દોડી ગયા હતા. આ દુર્ઘટનાને સરકારે ખૂબ જ ગંભીરતાથી લીધી છે. પ્રાથમિક અહેવાલોમાં ક્રેન બાંધકામના એક ભાગ સાથે અથડાઈ હોવાની શક્યતા દર્શાવાઈ છે. જોકે સુરક્ષા નિયમોનું પાલન થયું હતું કે કેમ અને સેન્ટરિંગ કે સ્લેબની ગુણવત્તામાં ખામી હતી કે કેમ તે સમગ્ર બાબતે હજુ વિગતવાર તપાસ ચાલુ છે. મુખ્યમંત્રીએ પણ જે તે સમયે માર્ગ-મકાન વિભાગ પાસેથી પ્રોજેક્ટના કંસ્ટ્રક્શનની તપાસનો અહેવાલ મંગાવ્યો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward