Kalol : શહેર ભાજપમાં હોદ્દા અને વિવિધ મોરચાની વહેંચણી મુદ્દે ભડકો
કલોલ શહેર ભાજપ સંગઠનમાં વિવિદ્ય મોરચાઓ અને હોદ્દાઓની તાજેતરમાં કરાયેલી વહેંચણીને લઈને સર્જાયેલો આંતરિક અસંતોષ હવે ઉકળતા ચરૂની જેમ બહાર આવ્યો છે. પક્ષનો આ આંતરિક વિખવાદ હવે ખુલ્લેઆમ સોશીયલ મીડીયા પર ચર્ચાની એરણે ચડયો છે જેમાં શહેર પ્રમુખની કાર્યશૈલી સામે ગંભીર સવાલો ઉઠાવતું સનસનાટીભર્યું પોસ્ટર વાયરલ થતાં રાજકીય ગરમાવો આવી ગયો છે. આ અંગે મળતી માહિતી અનુસાર કલોલ શહેર ભાજપ સંગઠનમાં વિવિધ મોરચાઓમાં થયેલ નિમણૂંકને લઈને વિવાદ સર્જાયો છે. અને સોશીયલ મિડીયામાં શહેર પ્રમુખના વિરોધમાં પોસ્ટરો ફરતા થયા છે. વાયરલ થયેલા પોસ્ટરમાં સનસનાટીભર્યા આક્ષેપો કરતા જણાવાયું છે કે કલોલ શહેર સંગઠન દ્વારા જાહેર કરાયેલા વિવિદ્ય મોરચાઓમાં ઠાકોર- રબારી અને દરબાર સમાજ જેવા પાયાના અને મોટા સમાજીક વર્ગને યોગ્ય પ્રતિનિધિત્વ આપવામાં આવ્યું નથી. બહુમતી ધરાવતા અને વર્ષોથી પક્ષ સાથે જોડાયેલા આ સામાજીક વર્ગોની સરેઆમ ઉપેક્ષા કરવામાં આવી હોવાનો સુર વ્યકત થયો છે. પોસ્ટરમાં વધુમાં ગંભીર વિરોદ્ય નોંધાવતા આક્ષેપ કરાયો છે. કે પક્ષ માટે રાત દિવસ મહેનત કરનારા જુના અને નિષ્ઠાવાન કાર્યકરોની સરેઆમ અવગણના કરવામાં આવી છે. તેના બદલે માત્ર માનીતાઓને હોદ્દાઓની લહાણી કરી દેવામાંઆવી છે. શહેર ભાજપ પ્રમુખની આ કાર્યશૈલીથી રોષે ભરાયેલા કાર્યકરોએ ભાજપના પ્રદેશ અને કેન્દ્રીય મોવડીમંડળ સમક્ષ શહેર પ્રમુખ વિરૂધ્ધ રજૂઆત કરી જરૂર પડે કાર્યકરો રાજીનામા આપે તેવી શક્યતાઓ જોવા મળી રહી છે. સોશીયલ મિડીયામાં વાયરલ થયેલા આ લખાણમાં સ્પષ્ટ ચીમકી આપવામાં આવી છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward