Amabji : માં રાવણ દહન કાર્યક્રમ બાદ પથ્થરમારામાં ચાર ઘાયલ
પવિત્ર યાત્રાધામ અંબાજીમાં અસામાજિક તત્ત્વોની દાદાગીરીને લઈને સ્થાનિક લોકોમાં રોષ સાથે ચિંતા ફેલાઈ છે. અંબાજીમાં ગત રાત્રે રાવણ દહન કાર્યક્રમ પૂર્ણ થયા બાદ બે જૂથો સામસામે આવી જતાં જૂથ અથડામણ અને પથ્થરમારાની ઘટના બની હોવાની ચર્ચા છે. આ ઘટનામાં પોલીસકર્મી સહિત ચાર લોકોને ઈજા પહોંચી હોવાનું જાણવા મળ્યું છે. ઈજાગ્રસ્તોને સારવાર માટે અંબાજીની જનરલ હોસ્પિટલમાં ખસેડવામાં આવ્યા હતા. પ્રાપ્ત વિગતો મુજબ, રાવણ દહન કાર્યક્રમ પૂર્ણ થયા બાદ કોઈ બાબતે બે જૂથો વચ્ચે ઉશ્કેરાટ થતાં મામલો ઉગ્ર બન્યો હતો. ત્યારબાદ બંને તરફ્થી પથ્થરમારો અને છૂટા હાથની મારામારી થઈ હોવાની ચર્ચા છે. અચાનક બનેલી આ ઘટનાને પગલે સ્થળ પર હાજર લોકોમાં નાસભાગ મચી ગઈ હતી. ઘટનામાં ચાર લોકોને ઈજા પહોંચી હોવાનું જાણવા મળ્યું છે, જેમાં એક પોલીસકર્મીનો પણ સમાવેશ થાય છે. બીજી તરફ્, વાયરલ વીડિયોના આધારે ઘટનામાં સામેલ લોકોને ઓળખી તેમની સામે કાયદેસરની કાર્યવાહી કરવા પોલીસ દ્વારા તપાસ હાથ ધરવામાં આવે તેવી શક્યતા છે. જોકે, અથડામણ પાછળનું ચોક્કસ કારણ અને ઘટનાક્રમ અંગે સત્તાવાર વિગતોની પુષ્ટિ થવાની બાકી છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward