Community News & Updates

Stay informed with the latest happenings, achievements, and announcements from our community.

All News

calendar_today February 7, 2026

US-India Trade Deal : મોટા વેપાર કરારથી ભારતના આ સેક્ટરને થશે ફાયદો

ભારત અને અમેરિકા વચ્ચે વચગાળાના વેપાર કરાર (ITA) માટેના માળખાને અંતિમ સ્વરૂપ આપવામાં આવ્યું છે. આ કરાર હેઠળ ભારતને અમેરિકી બજારમાં અનેક ક્ષેત્રોમાં વધુ સારી પહોંચ પ્રદાન કરશે. આ કરાર બંને દેશો વચ્ચે મોટા દ્વિપક્ષીય વેપાર કરાર પર વધુ વાતચીતનો રસ્તો સાફ કરે છે, જેની શરૂઆત આ વર્ષે રાષ્ટ્રપતિ ડોનાલ્ડ ટ્રમ્પ અને વડાપ્રધાન નરેન્દ્ર મોદી દ્વારા શરૂ કરવામાં આવી હતી. આ માળખું પારસ્પરિક અને સંતુલિત વેપાર પર ધ્યાન કેન્દ્રિત કરે છે, જેથી બંને દેશોને ફાયદો મળે અને સપ્લાય ચેઈન મજબૂત બની શકે.ભારતીય નિકાસ માટે ટેરિફમાં રાહતની યોજના આ માળખા હેઠળ અમેરિકા ભારતીય માલ પર 18% રેસિપ્રોકલ ટેરિફ લગાવશે પણ વચગાળાનો કરાર પૂર્ણ થયા પછી અમેરિકાએ જેનેરિક દવાઓ, હીરા અને ઘરેણાં અને વિમાનના ભાગો સહિત અનેક ભારતીય ઉત્પાદનો પરના આ ટેરિફ દૂર કરવાનું વચન આપ્યું છે. આનાથી એવા ક્ષેત્રોમાં ભારતીય નિકાસકારોને નોંધપાત્ર ફાયદો થશે, જેમાં ભારત પહેલેથી જ મજબૂત છે. વિમાન અને ઓટો પાર્ટ્સ માટે વધુ સારી તક અમેરિકા ભારતમાંથી આયાત થતા ચોક્કસ વિમાનો અને વિમાનના ભાગો પરના ટેરિફ દૂર કરશે, જે અગાઉ રાષ્ટ્રીય સુરક્ષાના નામે એલ્યુમિનિયમ, સ્ટીલ અને તાંબા પર લાદવામાં આવતા હતા. વધુમાં ભારતને ઓટો પાર્ટ્સ પર ખાસ ટેરિફ ક્વોટા પ્રાપ્ત થશે. આનાથી ભારતીય ઓટો પાર્ટ્સ કંપનીઓને યુએસ બજારમાં અન્ય દેશો કરતાં ફાયદો થશે. ભારત અને અમેરિકાને મળશે લાભ આ કરારમાં ભારતીય જેનેરિક દવાઓ અને ફાર્માસ્યુટિકલ ઘટકોનો પણ સમાવેશ થાય છે. જોકે, આ યુએસ તપાસના પરિણામો (કલમ 232) પર નિર્ભર રહેશે. આનાથી ભારતીય ફાર્માસ્યુટિકલ કંપનીઓને યુએસ બજારમાં સતત પ્રવેશ મળશે તેની ખાતરી થશે. બંને દેશો એકબીજાને પસંદગીના ક્ષેત્રોમાં સતત ખાસ બજાર ઍક્સેસ પ્રદાન કરવા સંમત થયા છે. વધુમાં મૂળ નિયમો સ્થાપિત કરવામાં આવશે, જેથી લાભ ફક્ત ભારત અને યુનાઈટેડ સ્ટેટ્સને મળે.  મોટા વેપાર કરારને અંતિમ સ્વરૂપ આપવા માટે કામ કરાશે વેપારને સરળ બનાવવા માટે બંને દેશો કેટલાક ક્ષેત્રોમાં ધોરણો અને નિરીક્ષણ પ્રક્રિયાઓ પર ચર્ચા કરશે, જેથી ભારતીય નિકાસકારોની સમસ્યાઓ ઓછી થાય. આગામી મોટા વેપાર કરારમાં અમેરિકા ભારતની માગ પર ટેરિફમાં વધુ ઘટાડો કરવાનું પણ વિચારશે. આ કરારમાં ટેકનોલોજી, ડેટા સેન્ટર અને GPU જેવા ઉત્પાદનો અને સપ્લાય ચેઈનને મજબૂત બનાવવા પર ખાસ ભાર મૂકવામાં આવ્યો છે. બંને દેશો હવે આ માળખાને ઝડપથી અમલમાં મૂકવા અને મોટા વેપાર કરારને અંતિમ સ્વરૂપ આપવા માટે કામ કરશે.આ પણ વાંચો : Kuno National Park : કૂનોમાં નવા મહેમાનોનું આગમન, માદા ચિત્તા આશાએ 5 બચ્ચાને આપ્યો જન્મ

Read Full Story arrow_forward

calendar_today February 7, 2026

India US Trade Deal: કઇ કઇ ચીજવસ્તુઓ પર લાગશે ઝીરો ટેક્સ ? જણાવ્યું પીયૂષ ગોયલે

ભારત અને અમેરિકા વચ્ચે શનિવારે થયેલા વચગાળાના વેપાર કરાર બાદ કેન્દ્રીય વાણિજ્ય અને ઉદ્યોગ મંત્રી પીયૂષ ગોયલે તેને બંને દેશોના હિતમાં એક મોટો સોદો ગણાવ્યો. કેન્દ્રીય મંત્રીએ એક પ્રેસ કોન્ફરન્સમાં જણાવ્યું હતું કે અમેરિકાએ પડોશી દેશ ચીન પર 35% અને બાંગ્લાદેશ પર 20% ટેરિફ લાદ્યો છે, જ્યારે ભારત ફક્ત 18% ટેરિફને પાત્ર રહેશે. શેની પર લાગશે ઝીરો ટેરિફ ? પીયૂષ ગોયલે જણાવ્યું હતું કે ઘણી વસ્તુઓ છે જેના પર અમેરિકા કોઈ ટેરિફ લાદશે નહીં. આ કરાર હેઠળ અમેરિકા કેટલીક ભારતીય નિકાસો, જેમ કે જેનેરિક દવાઓ, રત્નો, હીરા અને વિમાનના ભાગો પરના આ ટેરિફને દૂર કરશે. તેમણે જણાવ્યું હતું કે મોસ્ટ પ્રિફર્ડ ડ્યુટી સાથે અમારા નિકાસકારો માટે $30 ટ્રિલિયન અર્થતંત્ર ખુલે છે. ભારત અને અમેરિકા વચ્ચે મોડી રાત્રે અંતિમ સ્વરૂપ આપવામાં આવેલ સંયુક્ત નિવેદન વિશ્વ સમક્ષ રજૂ કરવામાં આવ્યું હતું અને તેનું વ્યાપકપણે સ્વાગત કરવામાં આવ્યું છે. ગોયલે જણાવ્યું હતું કે આ દિવસ ભારતના ઇતિહાસમાં સુવર્ણ અક્ષરોમાં લખાશે.વિકસિત ભારત 2047 વિશે તેમણે શું કહ્યું? કેન્દ્રીય ઉદ્યોગ મંત્રીએ કહ્યું કે વિકસિત ભારત 2047 ના માર્ગ પર આજનો દિવસ એક મહત્વપૂર્ણ દિવસ છે. ભારત અને યુનાઇટેડ સ્ટેટ્સ વચ્ચે વેપાર વાટાઘાટો ફેબ્રુઆરી 2025 માં શરૂ થઈ હતી જેમાં વાર્ષિક $500 બિલિયનના નિકાસ ટર્નઓવરને હાંસલ કરવાનો લક્ષ્યાંક હતો. તેમણે દ્વિપક્ષીય સંબંધોને મજબૂત બનાવતી વખતે ભવ્ય દૂરંદેશી દ્રષ્ટિ રજૂ કરવા બદલ પીએમ મોદી અને યુએસ પ્રમુખ ટ્રમ્પના નેતૃત્વની પ્રશંસા કરી. આ પ્રોડક્ટ પર નહીં લાગે ટેરિફ તેમણે કહ્યું કે આ કરાર ભારતીય નિકાસકારો,ખાસ કરીને નાના અને મધ્યમ ઉદ્યોગો, ખેડૂતો અને માછીમારો માટે તકો વધારવાની અપેક્ષા રાખે છે. ભારત-યુએસ વેપાર કરાર હેઠળ યુએસમાં ઘણી મુખ્ય ચીજવસ્તુઓની નિકાસ પર કોઈ ડ્યુટી રહેશે નહીં. રત્નો અને ઘરેણાં, તેમજ ફાર્માસ્યુટિકલ ઉત્પાદનોને હવે ટેરિફ-મુક્ત ઍક્સેસ મળશે. જે ભારતની નિકાસ સ્પર્ધાત્મકતામાં વધારો કરશે અને મેક ઇન ઇન્ડિયાને ટેકો આપશે. પિયુષ ગોયલે કહ્યું કે હીરા, ફાર્માસ્યુટિકલ્સ, કોફી, કેરી અને અન્ય ઘણી વસ્તુઓ યુએસમાં ટેરિફ-મુક્ત નિકાસ કરવામાં આવશે. ઘણા ભારતીય કૃષિ ઉત્પાદનો હવે ટેરિફ વિના યુએસમાં નિકાસ કરી શકાશે. આમાં ચા, મસાલા, નાળિયેર તેલ, વનસ્પતિ મીણ, સોપારી, બ્રાઝિલ બદામ અને વિવિધ પ્રકારના ફળો અને શાકભાજીનો સમાવેશ થાય છે. પીયૂષ ગોયલના મતે, વનસ્પતિ મૂળ, અનાજ, જવ, બેકરી ઉત્પાદનો, કોકો ઉત્પાદનો, તલ, ખસખસ અને સાઇટ્રસ ફળોના રસ પણ પારસ્પરિક ટેરિફ નહીં લાગે અને અમેરિકી બજારમાં ટેરિફ ફ્રી થઇ જશ ચીન અને બાંગ્લાદેશ પર કેટલો ટેરિફ? તેમણે વધુમાં સમજાવ્યું કે ઘણી વસ્તુઓ જે અગાઉ 50 ટકા ટેરિફનો સામનો કરતી હતી તે હવે શૂન્ય ટેરિફ સાથે યુએસ બજારમાં પ્રવેશ કરશે. પીયૂષ ગોયલે નવા ભારત-યુએસ વેપાર માળખા હેઠળ ભારતીય નિકાસકારો માટે એક મોટી જીત પર પ્રકાશ પાડતા કહ્યું કે ચીન પર 35 ટકા ટેરિફ લાદવામાં આવ્યો છે, જ્યારે બાંગ્લાદેશ અને વિયેતનામ પર 25 ટકા ટેરિફ લાદવામાં આવ્યો છે.

Read Full Story arrow_forward

calendar_today February 7, 2026

થર થર કાંપશે દેશના દુશ્મનો, Southern Command Awards Ceremonyમાં દેખાઇ મેક ઇન ઇન્ડિયાની ઝલક

અમદાવાદમાં 06-07 ફેબ્રુઆરી 2026 ના રોજ Southern Command એવોર્ડ સમારોહ યોજાયો હતો. સમારોહ દરમિયાન લેફ્ટનન્ટ જનરલ ધીરજ સેઠ, PVSM, UYSM, AVSM, જનરલ ઓફિસર કમાન્ડિંગ-ઇન-ચીફ, સધર્ન કમાન્ડે 34 ઉત્કૃષ્ટ લશ્કરી કર્મચારીઓને તેમની બહાદુરી, હિંમત અને રાષ્ટ્ર પ્રત્યેની વિશિષ્ટ સેવા બદલ સન્માનિત કર્યા.

Read Full Story arrow_forward