Viramgam News: જાહેરમાં છરી સાથે રીલ બનાવી રોફ જમાવતા યુવકનો વીડિયો વાયરલ
ગુજરાતમાં સોશિયલ મીડિયા પર લોકપ્રિય થવા માટે હથિયારો સાથે વીડિયો બનાવવાનું ઘેલું યુવા પેઢીમાં જોખમી રીતે વધી રહ્યું છે. તાજેતરમાં વિરમગામ શહેરમાંથી એક આવો જ વીડિયો સામે આવ્યો છે, જેમાં એક યુવક જાહેર રસ્તા પર છરી લહેરાવીને રીલ બનાવતો જોવા મળી રહ્યો છે. આ વીડિયો વાયરલ થતા જ સ્થાનિક રહીશોમાં ભયનો માહોલ છે અને શહેરની કાયદો અને વ્યવસ્થાની સ્થિતિ સામે ગંભીર સવાલો ઉભા થયા છે.રેલવે સ્ટેશન રોડ પર રીલ બનાવી હોવાનું અનુમાન વાયરલ થયેલા વીડિયોમાં જોઈ શકાય છે કે એક યુવક હાથમાં મોટી છરી રાખીને ફિલ્મી સ્ટાઈલમાં ચાલી રહ્યો છે અને લોકોમાં પોતાનો રોફ જમાવવાનો પ્રયાસ કરી રહ્યો છે. અનુમાન લગાવવામાં આવી રહ્યું છે કે આ વીડિયો વિરમગામના મુખ્ય રેલવે સ્ટેશન રોડ પર શૂટ કરવામાં આવ્યો છે. ધોળા દિવસે જાહેર માર્ગ પર હથિયાર સાથે ફરતા આ યુવકને પોલીસનો જરાય ડર ના હોય તેમ જણાઈ રહ્યું છે. વીડિયો સોશિયલ મીડિયા પર વાયરલ થતા લોકોમાં રોષ આ વીડિયો સોશિયલ મીડિયાના વિવિધ પ્લેટફોર્મ પર વાયરલ થતા લોકોમાં ભારે રોષ જોવા મળી રહ્યો છે. નાગરિકો પૂછી રહ્યા છે કે જો જાહેર રસ્તાઓ પર આ રીતે હથિયારો સાથે રીલ બનાવવામાં આવશે, તો સામાન્ય જનતાની સુરક્ષાનું શું? વિરમગામ પોલીસ દ્વારા આ વીડિયોની સત્યતા તપાસવામાં આવી રહી છે. સીસીટીવી ફૂટેજ અને સોશિયલ મીડિયા પ્રોફાઇલના આધારે છરી લહેરાવતા યુવકને ઝડપી પાડવા ચક્રો ગતિમાન કર્યા છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
