Community News & Updates

Stay informed with the latest happenings, achievements, and announcements from our community.

All News

calendar_today February 3, 2026

Ahmedabad News : એક્સપ્રેસ હાઇવે પર અકસ્માત, કાચ ભરેલી ટ્રક પલટી મારતા અમદાવાદ-વડોદરા માર્ગ પર ટ્રાફિક જામ

અમદાવાદ-વડોદરા એક્સપ્રેસ હાઇવે પર આજે વહેલી સવારે એક ગંભીર અકસ્માત સર્જાયો હતો. વડોદરાથી અમદાવાદ તરફ આવી રહેલી કાચ ભરેલી એક ટ્રક અચાનક પલટી મારી ગઈ હતી. ટ્રક પલટી મારતાની સાથે જ તેમાં ભરેલો કાચનો જથ્થો હાઇવે પર વેરવિખેર થઈ ગયો હતો. કાચના ટુકડાઓ રસ્તા પર ફેલાઈ જવાના કારણે પાછળથી આવતા વાહનોની ગતિ થંભી ગઈ હતી અને જોતજોતામાં હાઇવે પર વાહનોની લાંબી કતારો લાગી ગઈ હતી. આ અકસ્માતને પગલે એક્સપ્રેસ હાઇવે પર ટ્રાફિક જામની સ્થિતિ સર્જાઈ હતી, જેના કારણે વાહનચાલકોને ભારે હાલાકીનો સામનો કરવો પડ્યો હતો.એક્સપ્રેસ હાઇવે પર ટ્રાફિક સ્લો ઘટનાની જાણ થતા જ હાઇવે પોલીસ અને ટ્રાફિક વિભાગનો કાફલો સ્થળ પર દોડી આવ્યો હતો. રસ્તા પર વેરાયેલા કાચના જથ્થાને દૂર કરવા અને પલટી ગયેલી ટ્રકને હટાવવા માટે ક્રેન અને સફાઈ કામદારોની મદદ લેવામાં આવી રહી છે. પ્રાથમિક માહિતી મુજબ, ટ્રક ચાલકે સ્ટેયરિંગ પરથી કાબૂ ગુમાવતા આ દુર્ઘટના બની હોવાનું અનુમાન છે. પોલીસે ટ્રાફિકને ડાયવર્ટ કરીને અને એક લેન ચાલુ કરાવીને વાહન વ્યવહાર ફરીથી શરૂ કરવાના પ્રયાસો હાથ ધર્યા છે. સદનસીબે આ અકસ્માતમાં કોઈ જાનહાનિના સમાચાર હજુ સુધી પ્રાપ્ત થયા નથી. આ પણ વાંચો : Vadodara News : સ્પર્ધાની દોડમાં પિસાતું બાળપણ, વાલીઓએ બાળકોની બદલાતી વર્તણૂક પાછળના કારણોનો કર્યો ખુલાસો

Read Full Story arrow_forward

calendar_today February 3, 2026

India US Trade Deal News: આ પગલું ભારતની અર્થવ્યવસ્થાને મજબૂત બનાવશેઃ Piyush Goyal

ટ્રેડ ડીલના કારણે ભારતવાસીઓને રોજગારની તક ઉપલબ્ધ થશેઃ પીયૂષ ગોયેલ પીયૂષ ગોયલનું મોટું નિવેદન ટ્રેડ ડીલ પર વાણિજ્ય મંત્રી પીયૂષ ગોયેલે માહિતી આપી હતી. આ ટ્રેડ ડીલના કારણે ભારતને ભવિષ્યમાં સારો ફાયદો થશે. દેશ હિતને ધ્યાનમાં રાખીને ટ્રેડ ડીલ કરાઇ છે. ભારત-અમેરિકાના મેગા-ડીલથી દેશનો ચહેરો બદલાઈ જશે. પીયૂષ ગોયેલે વધુમાં કહ્યુ હતુ કે, આ ડીલ પર પ્રક્રિયા ચાલી રહી છે. કેન્દ્રીય મંત્રી પીયૂષ ગોયલે ભારત અમેરિકાના વેપાર સોદા પર નિવેદન આપતા કહ્યુ હતુ કે, આ સોદો ઐતિહાસિક છે. ભારતના મજબૂત ભવિષ્યમાં ઉમેરોઃ પીયૂષ ગોયલ કેન્દ્રીય વાણિજ્ય અને ઉદ્યોગ મંત્રી પીયૂષ ગોયલે ભારત અમેરિકાના વેપાર સોદાને મંજૂરી આપી હતી. તેમણે કહ્યું કે આ પગલું ભારતની અર્થવ્યવસ્થાને મજબૂત બનાવશે અને દેશના નાગરિકો માટે અસંખ્ય તકો લાવશે. ભારતના મજબૂત ભવિષ્યમાં ઉમેરો કરતો આ સોદો ગઈકાલે રાત્રે પૂર્ણ થયો હતો. ભારત અને અમેરિકાએ મોટા વેપાર કરાર પર હસ્તાક્ષર કર્યા હતા. આ કરાર હેઠળ, અમેરિકાએ ભારતીય સામાન પર ટેરિફ ઘટાડીને 18 ટકા કર્યો છે. ભારતનું ભવિષ્ય ઉજ્જવળ બનશેઃ પીયૂષ ગોયલ ભારત અને અમેરિકાએ મોટા વેપાર કરાર મામલે બન્ને દેશનો જલદી જ સંયુક્ત નિવેદન બહાર આવશે. પીયૂષ ગોયલે વધુમાં કહ્યુ હતુ કે, આ ડીલના કારણે MSME સેક્ટરમાં ઘણા ફાયદા થશે. તેમણે જણાવ્યું હતું કે યુનાઇટેડ સ્ટેટ્સ સાથેના વેપાર કરારથી ભારતનું ભવિષ્ય ઉજ્જવળ બનશે. તેમણે 1.4 અબજ ભારતીયોને અભિનંદન આપ્યા અને આ કરાર માટે પ્રધાનમંત્રી નરેન્દ્ર મોદીને શ્રેય આપ્યો હતો. આ પણ વાંચોઃ  'ગાઝા પીસ ઓફ બોર્ડ'ની રચના વચ્ચે પેલેસ્ટાઇનમાં રાજકીય જાહેરાત, 1 નવેમ્બરે યોજાશે ચૂંટણી 

Read Full Story arrow_forward

calendar_today February 3, 2026

Amit Shahની પાર્ટીના ધારાસભ્યો સાથે બેઠક, શું મણિપુરમાં સરકાર બનાવવાની તૈયારીઓ શરૂ?

મણિપુરના ભારતીય જનતા પાર્ટીના ધારાસભ્યોની બેઠક ટૂંક સમયમાં શરૂ થશે. આ બેઠક પાર્ટી મુખ્યાલય ખાતે યોજાશે. બેઠક પહેલા ભાજપના મહાસચિવો કેન્દ્રીય ગૃહમંત્રી અમિત શાહ સાથે મુલાકાત કરશે. અમિત શાહ આ બેઠક માટે વિસ્તાર કાર્યાલય પહોંચી ચૂક્યા છે. ભાજપના રાષ્ટ્રીય અધ્યક્ષ નીતિન નવીન, સંગઠન મહાસચિવ બીએલ સંતોષ અને રાષ્ટ્રીય મહાસચિવ સુનીલ બંસલ મીટિંગ હોલમાં હાજર છે. મણિપુરના ધારાસભ્યો થોડીવારમાં મીટિંગ સ્થળ પર પહોંચશે.મણિપુરના NDA ધારાસભ્યો રાષ્ટ્રીય રાજધાની પહોંચ્યા અગાઉ, ભારતીય જનતા પાર્ટીના સંસદીય બોર્ડે મણિપુર પાર્ટીના ધારાસભ્ય પક્ષના નેતાની પસંદગી માટે બેઠક માટે પાર્ટીના મહાસચિવ તરુણ ચુઘને કેન્દ્રીય નિરીક્ષક તરીકે નિયુક્ત કર્યા હતા. પાર્ટીનો આ નિર્ણય રાજ્યમાં સરકારની રચનાની સંભાવનાનો સંકેત આપે છે. ભાજપના કેન્દ્રીય નેતૃત્વ દ્વારા બોલાવવામાં આવ્યા બાદ મણિપુરના NDA ધારાસભ્યો રાષ્ટ્રીય રાજધાની પહોંચ્યા બાદ આ પગલું લેવામાં આવ્યું છે. ભાજપના મહાસચિવે શું કહ્યું? તેનો હેતુ રાજ્યમાં સરકારની રચના અંગે ચર્ચા કરવાનો હતો. ભાજપના રાષ્ટ્રીય મહાસચિવ અરુણ સિંહે એક નિવેદનમાં જણાવ્યું હતું કે, "ભાજપ સંસદીય બોર્ડે મણિપુરમાં પાર્ટીના ધારાસભ્ય પક્ષના નેતાની ચૂંટણી માટે રાષ્ટ્રીય મહાસચિવ તરુણ ચુઘને કેન્દ્રીય નિરીક્ષક તરીકે નિયુક્ત કર્યા છે." મણિપુરમાં રાષ્ટ્રપતિ શાસન આવતા અઠવાડિયે સમાપ્ત થાય છે. મેઈતેઈ અને કુકી સમુદાયો વચ્ચે મહિનાઓ સુધી ચાલી રહેલી વંશીય હિંસા બાદ આ પૂર્વોત્તર રાજ્યમાં પ્રથમ વખત 13 ફેબ્રુઆરી, 2025ના રોજ 6 મહિના માટે રાષ્ટ્રપતિ શાસન લાદવામાં આવ્યું હતું. ઓગસ્ટ 2025માં તેને 6 મહિના માટે લંબાવવામાં આવ્યું હતું. કેન્દ્ર સરકાર દ્વારા 2027 સુધી સ્થગિત કરાયેલી મણિપુરની 60 સભ્યોની વિધાનસભાનો કાર્યકાળ હવે મંગળવાર માટે નક્કી કરવામાં આવ્યો છે. સૂત્રો કહે છે કે મણિપુરના આશરે 20 ધારાસભ્યો રવિવારે રાત્રે દિલ્હી પહોંચ્યા હતા, જ્યારે બાકીના ધારાસભ્યો સોમવારે ભાજપ નેતૃત્વના નિર્દેશ પર રાષ્ટ્રીય રાજધાની પહોંચ્યા હતા. મણિપુરની રાજકીય પરિસ્થિતિનું કરાશે મુલ્યાંકન દિલ્હી આવેલા મણિપુરના નેતાઓમાં ભૂતપૂર્વ મુખ્યમંત્રી એન. બિરેન સિંહ, સત્યબ્રત સિંહ અને ભૂતપૂર્વ મંત્રી વાય. ખેમચંદ સિંહનો સમાવેશ થાય છે. ભાજપના પ્રદેશ પ્રમુખ એ. શારદા દેવી પણ દિલ્હીમાં છે. સૂત્રો કહે છે કે કેન્દ્રીય નેતૃત્વએ છેલ્લા કેટલાક મહિનાઓમાં તેના મેઈતેઈ અને કુકી ધારાસભ્યો, સાથી પક્ષો એનપીએફ અને એનપીપી અને કેટલાક સ્વતંત્ર ધારાસભ્યો સાથે ઘણી અલગ-અલગ બેઠકો યોજી છે, જેથી રાજકીય પરિસ્થિતિ સરકાર રચવા માટે અનુકૂળ છે કે નહીં તેનું મૂલ્યાંકન કરી શકાય.આ પણ વાંચો : Jammu Kashmir : ઉધમપુરમાં 2 આતંકી છુપાયેલા હોવાની આશંકા, સુરક્ષાદળો અને જૈશના આતંકીઓ વચ્ચે થઈ અથડામણ

Read Full Story arrow_forward