Community News & Updates

Stay informed with the latest happenings, achievements, and announcements from our community.

All News

calendar_today January 30, 2026

Surendranagar: અમદાવાદથી દારૂ ભરેલી કાર સાથે મોરબી તરફ જતા બે શખ્સો પકડાયા

ધ્રાંગધ્રા તાલુકા પોલીસને સફેદ કલરની એસ્ક્રોસ કાર વિદેશી દારૂ ભરી ધ્રાંગધ્રાથી મોરબી તરફ જતી હોવાની બાતમી મળતા કુડા ચોકડી પાસે વોચ રખાઈ હતી. જેમાં બાતમીવાળી કાર આવતા તેને રોકી તપાસ કરતા તેના બોનેટ, ડેશબોર્ડ અને બ્રેક લાઈટમાં ચોરખાના બનાવી સંતાડેલી દારૂની 41 બોટલ મળી આવી હતી. આથી પોલીસે કારના ચાલક રાજસ્થાનના સેંધારામ જલારામ રબારી અને જેકારામ ધમારામ ભાટીની પુછપરછ કરતા આ દારૂ અમદાવાદના પંશીરામ યાદવે ભરી આપ્યો હોવાનું તથા મોરબી લઈ જતા હોવાનું જણાવ્યુ હતુ. પોલીસે રૂ.2,95,200નો દારૂ, કાર અને 4 મોબાઈલ ફોન મળી કુલ રૂ. 6,45,200ની મત્તા સાથે બન્નેની ધરપકડ કરી ત્રણેય સામે ગુનો નોંધી વધુ તપાસ હાથ ધરી છે. જયારે સુરેન્દ્રનગર બી ડીવીઝન પોલીસ ટીમને પેટ્રોલિંગ દરમિયાન ઉમીયા ટાઉનશીપના છેલ્લા મકાનમાં દારૂ વેચાતો હોવાની બાતમી મળતા રેડ કરાઈ હતી. જેમાં કમલેશ કેશવલાલ લાંઘણોજા વિદેશી દારૂની 40 બોટલ કિંમત રૂ. 60 હજાર સાથે પકડાયો હતો. આ દારૂ તે દસાડા તાલુકાના પીપળીના વસંત કાનજીભાઈ મકવાણા પાસેથી લાવ્યો હોવાનું ખુલતા બન્ને સામે ગુનો નોંધી વસંત મકવાણાને ઝડપી લેવા વધુ તપાસ હાથ ધરાઈ છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 30, 2026

Sayla: ચોરવીરા સીમમાં ખનીજ માફિયા હજુય બેલગામ

સાયલાના ચોરવીરા ગામની સીમમાં ફરી એકવાર એક જ સ્થળે કાર્બોસેલ ખનીજનું ગેરકાયદે ખોદકામ ચલાવી રહેલા ખનીજ માફીયાઓના કારસ્તાન પર જિલ્લા SOG પીઆઇ ભાવેશ સીંગરખીયા તથા ટીમ દ્વારા કરાયેલ દરોડામાં મોટા પ્રમાણમાં થઈ રહેલી ખનીજચોરી નો પર્દાફાશ થવા પામ્યોહતો. SOGના દરોડા સમયે મોટા વિસ્તારમાં કોલસો ઉલેચવા ગાળેલા 20થી 25 જેટલા કુવાઓ ચાલુ હાલતમાં મળી આવ્યા છે. જ્યારે 100 ફૂટથી વધુ અંદર જોખમી રીતે કામ કરી રહેલા શ્રામિકો ને રેસ્ક્યુ કામગીરી કરી બહાર કાઢી નિવેદનો નોંધવાની કાર્યવાહી હાથ ધરવામાં આવી હતી.SOG દ્વારા આગળની કાર્યવાહી સુરેન્દ્રનગર ખાણ ખનીજ વિભાગને સોંપતા ભૂસ્તર વિભાગની ટીમે ત્યાં પહોંચી કુવાઓની માપણી સહિતની કાર્યવાહી હાથ ધરી છે ત્યારે છેલ્લા 1 માસમાં ચોરવીરામા તંત્ર દ્વારા કરાયેલ પાંચ દરોડા છતાં કોલસાનું ખનન બંધ થયું નથી ત્યારે બેફામ બનેલા તત્વો દ્વારા ફરીવાર ત્યાં જ મોટાપાયે ખોદકામ શરૂ કરી દેતા જવાબદાર જિલ્લા ખાણ ખનીજ વિભાગ સાથે સ્થાનિક તંત્રની કામગીરી સામે અનેક સવાલો ઉઠવા પામ્યા છે. સાયલા તાલુકા ગ્રામ્યમાં 24 કલાકના સમયગાળામાં SOG દ્વારા ખનીજ ચોરી સામે આ બીજો મોટો દરોડો પાડવામાં આવ્યો છે. ત્યારે પોલીસ તંત્ર મેદાનમાં આવતા ખનીજ માફીયાઓ હાલ પૂરતા પોતપોતાની માયા સંકેલી ભૂગર્ભમાં ઉતરી ગયા હોવાના વાવડ મળી રહ્યા છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 30, 2026

Surendranagar: રિવરફરન્ટ રોડ પર ગટરના ગંદા પાણી ફરી વળ્યા

સુરેન્દ્રનગરની શાન સમા રીવરફરન્ટ રોડ બનાવવામાં કરોડો રૂપીયાનું આંધણ થયુ છે. પરંતુ ઢંગધડા વગરના કામને લીધે ચોમાસામાં આ રોડ પાણીમાં ગરકાવ થઈ જાય છે. ત્યારે હાલ ભર શિયાળે રીવરફરન્ટ રોડ પાણી પાણી થઈ ગયો હતો. રીવરફરન્ટ પાસેથી પસાર થતી ભુગર્ભ ગટર ઉભરાતા ગંદા પાણી રસ્તા પર ફરી વળ્યા હતા. જેને લઈને વાહનચાલકોને ગંદા અને દુર્ગંધ મારતા પાણીમાંથી પસાર થવુ પડયુ હતુ. તેમાંય રીવરફરન્ટના એક તરફના રોડનું નવીનીકરણનું કામ ચાલુ હોવાથી એકમાર્ગીય કરાયેલા રોડ પર વાહનોની આવન-જાવન રહેતી હોવાથી વાહનચાલકોને ભારે મુશ્કેલીનો સામનો કરવો પડયો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward