Aravalli : વખતપુરા ગામની સીમમાંથી નવજાત શિશુ મળ્યું, યુવકોની સતર્કતાથી બચ્યો બાળકનો જીવ
અરવલ્લી જિલ્લાના ધનસુરા તાલુકાના વખતપુરા ગામની સીમમાંથી નવજાત શિશુ મળવાની ઘટના સામે આવી છે. વખતપુરા ગામ પાસે આવેલા ખેતરમાંથી અંદાજે 2.5 કિલો વજનનું સ્વસ્થ નવજાત શિશુ મળી આવ્યું હતું.રડતા બાળકનો અવાજ સંભળાયો મળતી માહિતી મુજબ, રાહુલસિંહ મકવાણા સહિત 8 જેટલા યુવાનો ખેતર વિસ્તારમાં હતા, ત્યારે તેમને રડતા બાળકનો અવાજ સંભળાયો હતો. અવાજની દિશામાં તપાસ કરતાં ખેતરમાં પડેલું નવજાત શિશુ મળ્યું હતું. બાળકને બચાવી ધનસુરા સામૂહિક આરોગ્ય કેન્દ્ર ખાતે ખસેડ્યું યુવકોએ તત્કાળ માનવતા દાખવી તાત્કાલિક બાળકને બચાવી ધનસુરા સામૂહિક આરોગ્ય કેન્દ્ર ખાતે ખસેડ્યું હતું જ્યાં હાજર ડોક્ટરો દ્વારા બાળકને તાત્કાલિક પ્રાથમિક સારવાર આપવામાં આવી હતી. હાલ બાળકની તબિયત સ્થિર હોવાનું જાણવા મળ્યું છે. ધનસુરા પોલીસને જાણ કરાઇ ઘટનાની જાણ થતાં રામપુરા પંચાયતના જીતેન્દ્રસિંહ પણ ઘટનાસ્થળે દોડી આવ્યા હતા. સાથે જ ધનસુરા પોલીસને જાણ કરાતા પોલીસ કાફલો ઘટનાસ્થળે પહોંચ્યો હતો. બાળકને કોણ અને શા માટે ત્યાં મૂકી ગયું તે દિશામાં પોલીસની તપાસ હાલ બાળકને કોણ અને શા માટે ત્યાં મૂકી ગયું તે દિશામાં પોલીસે વધુ તપાસ હાથ ધરી છે. સમગ્ર ઘટનાએ વિસ્તારમાં ચકચાર જગાવી છે.
Read Full Story arrow_forward
