Morbi News : પરષોત્તમ સોલંકીના 'ધોકાવાળી' નિવેદનથી ગુજરાતનું રાજકારણ ગરમાયું, આહીર સેનાના આકરા પ્રહાર
ગુજરાત સરકારના મંત્રી પરષોત્તમ સોલંકીએ તાજેતરમાં આપેલા એક નિવેદને રાજ્યમાં નવા વિવાદને જન્મ આપ્યો છે. મંત્રીએ જાહેર મંચ પરથી 'જરૂર પડે ધોકા ઉપાડીશું' તેવું વિધાન કરતા સામાજિક અને રાજકીય વર્તુળોમાં ભારે રોષ જોવા મળી રહ્યો છે. ખાસ કરીને મોરબી આહીર સેનાએ આ નિવેદન સામે લાલઆંખ કરી છે.શું છે સમગ્ર વિવાદ? એક કાર્યક્રમ દરમિયાન મંત્રી પરષોત્તમ સોલંકીએ આક્રમક શૈલીમાં વિવાદાસ્પદ ટિપ્પણી કરી હતી, જેના પડઘા સમગ્ર રાજ્યમાં પડ્યા છે. આ નિવેદનને ગંભીરતાથી લેતા મોરબી આહીર સેનાના આગેવાન મહેન્દ્ર કછોટ મેદાનમાં આવ્યા છે. તેમણે મંત્રીની ગરિમા અને જવાબદારી સામે સવાલો ઉઠાવ્યા છે. આહીર સેનાના વેધક સવાલો મોરબી આહીર સેનાના આગેવાન મહેન્દ્ર કછોટે કહ્યું કે, "જો સરકાર પોતાની કામગીરી વ્યવસ્થિત રીતે કરતી હોય, તો મંત્રીએ ધોકા ઉપાડવાની વાત કરવાની જરૂર જ શું છે?" સત્તાધારી પક્ષ ભાજપના એક જવાબદાર મંત્રી જ્યારે આ પ્રકારની ભાષા વાપરે ત્યારે તે સમાજમાં ખોટો સંદેશ આપે છે. આવા નિવેદનોથી બે જ્ઞાતિઓ કે સમાજ વચ્ચે વૈમનસ્ય ઊભું થવાની અને ઘર્ષણ થવાની પૂરેપૂરી શક્યતા રહેલી છે. "સમાજ કોઈપણ ભોગે સામસામે ન આવવો જોઈએ. મંત્રીએ તાત્કાલિક સ્પષ્ટતા કરવી જોઈએ કે તેઓ આ 'ધોકા' કોના માટે અને કયા કારણસર ઉપાડવાની વાત કરી રહ્યા છે." - શાંતિ જોખમાવાની ભીતિ આહીર સેનાએ સ્પષ્ટ કર્યું છે કે, ગુજરાત જેવા શાંતિપ્રિય રાજ્યમાં જવાબદાર હોદ્દા પર બેઠેલા વ્યક્તિએ વાણી વિલાસ ટાળવો જોઈએ. મંત્રીનું આ નિવેદન કાયદો અને વ્યવસ્થાની સ્થિતિ સામે પણ સવાલ ઉભા કરે છે. જો મંત્રી જ ધોકા ઉપાડવાની વાત કરતા હોય, તો પોલીસ અને ન્યાયતંત્રની શું ભૂમિકા રહેશે? આ પણ વાંચો :
Read Full Story arrow_forward
