Community News & Updates

Stay informed with the latest happenings, achievements, and announcements from our community.

All News

calendar_today January 29, 2026

Superjet-100 વિમાન હવે ભારતમાં બનાવવામાં આવશે! HAL અને રશિયા વચ્ચે ઐતિહાસિક કરાર

ભારતના ઉડ્ડયન ક્ષેત્ર માટે એક ઐતિહાસિક પગલું ભરાયું છે. હવે રશિયાનું પ્રખ્યાત સુપરજેટ-100 (SJ-100) વિમાન ભારતમાં બનાવવામાં આવશે. ભારતની અગ્રણી એરોસ્પેસ કંપની હિન્દુસ્તાન એરોનોટિક્સ લિમિટેડ (HAL) અને રશિયાની યુનાઇટેડ એરક્રાફ્ટ કોર્પોરેશન (UAC) વચ્ચે ‘મેક ઇન ઇન્ડિયા’ અંતર્ગત મહત્વપૂર્ણ કરાર થયો છે.  “વિંગ્સ ઇન્ડિયા” આ કરાર પર હસ્તાક્ષર હૈદરાબાદમાં આયોજિત “વિંગ્સ ઇન્ડિયા” આંતરરાષ્ટ્રીય એવિએશન પ્રદર્શન દરમિયાન કરવામાં આવ્યા હતા. અહેવાલ મુજબ, આ ભાગીદારીનો મુખ્ય હેતુ ભારતની વિદેશી વિમાન આયાત પરની નિર્ભરતા ઘટાડવી અને દેશની પ્રાદેશિક કનેક્ટિવિટી મજબૂત બનાવવી છે. SJ-100 નું લાઇસન્સ આ કરાર હેઠળ HAL ભારતમાં ટ્વીન-એન્જિન નેરો-બોડી જેટ SJ-100 નું લાઇસન્સ આધારિત ઉત્પાદન કરશે. શરૂઆતમાં આ વિમાન સેમી-નોક-ડાઉન (SKD) સ્વરૂપે બનાવવામાં આવશે, એટલે કે કેટલાક મુખ્ય ભાગો બહારથી આવશે અને એસેમ્બલી ભારતમાં થશે. ધીમે ધીમે દેશમાં લોકલ મેન્યુફેક્ચરિંગ વધારવાનો લક્ષ્ય રાખવામાં આવ્યો છે. ત્રણ વર્ષમાં ઉત્પાદન શરૂ કરવાની યોજના HAL ના ચેરમેન અને મેનેજિંગ ડિરેક્ટરએ જણાવ્યું કે કંપની આગામી ત્રણ વર્ષમાં ઉત્પાદન શરૂ કરવાની યોજના ધરાવે છે. તેમણે વધુમાં જણાવ્યું કે શરૂઆતના દોઢ વર્ષમાં લગભગ 10 વિમાન ઉપલબ્ધ થઈ શકે છે. ભારત જેવા વિશાળ દેશ માટે 200 થી વધુ SJ-100 વિમાનની જરૂરિયાત હોવાની સંભાવના તેમણે વ્યક્ત કરી. ટેક્નોલોજીથી સમૃદ્ધ વાણિજ્યિક વિમાન HAL નો ઉદ્દેશ્ય ફક્ત ઉત્પાદન માટે રાહ જોવાનો નથી, પરંતુ શક્ય તેટલી ઝડપથી વિમાનોને ઉડાન માટે તૈયાર કરવાનો છે. આ માટે HAL 10 થી 20 વિમાન સીધા રશિયાથી ભાડે લેવાની અથવા ખરીદવાની યોજના બનાવી રહી છે, જેથી સ્થાનિક એરલાઇન્સ ઝડપથી સેવાઓ શરૂ કરી શકે. સુપરજેટ-100 એક આધુનિક અને ટેક્નોલોજીથી સમૃદ્ધ વાણિજ્યિક વિમાન છે. તેમાં સામાન્ય રીતે 87 થી 108 મુસાફરો માટે બેઠકો હોય છે. આ વિમાન હાલમાં નવ રશિયન એરલાઇન્સ ઉપરાંત અનેક સરકારી અને આંતરરાષ્ટ્રીય ઓપરેટરો દ્વારા ઉપયોગમાં લેવામાં આવે છે.  કરારથી ભારતને માત્ર ટેકનોલોજી ટ્રાન્સફર આ કરારથી ભારતને માત્ર ટેકનોલોજી ટ્રાન્સફર નહીં મળે, પરંતુ રોજગાર, કુશળતા વિકાસ અને એરોસ્પેસ ઈકોસિસ્ટમ ને પણ મોટો ફાયદો થશે. સાથે જ, નાના અને મધ્યમ શહેરોને હવાઈ જોડાણ આપવાના ભારતના સપનાને આ યોજના નવી ઉડાન આપશે. આ પણ વાંચો : Economic Survey : અમેરિકા સાથે ક્યારે સોદો થશે? ટેરિફ અંગે કોઈ તણાવ નહીં !

Read Full Story arrow_forward

calendar_today January 29, 2026

Dwarka: CM ભૂપેન્દ્ર પટેલે દ્વારકાધીશના ચરણે શીશ ઝૂકાવ્યું, સર્વાંગી કલ્યાણની કરી પ્રાર્થના

ગુજરાતના મુખ્યમંત્રી ભૂપેન્દ્ર પટેલે ગુરુવારે દ્વારકાના જગત મંદિરની મુલાકાત લઈને ભગવાન દ્વારકાધીશના ભાવપૂર્વક દર્શન-અર્ચન કર્યા હતા. સત્તાના વ્યસ્ત કાર્યક્રમો વચ્ચે ભક્તિના આ પવિત્ર અવસરે તેમણે કાળિયા ઠાકોરના ચરણોમાં શીશ ઝૂકાવી ધન્યતા અનુભવી હતી.મુખ્યમંત્રીએ ભગવાન દ્વારકાધીશના ચરણ શીશ ઝૂંકાવ્યું લોકકલ્યાણની મંગલ કામના મુખ્યમંત્રીએ ભગવાન દ્વારકાધીશના શરણોમાં ગુજરાતના પ્રત્યેક નાગરિકના ઉત્કૃષ્ટ સ્વાસ્થ્ય, સુખ, શાંતિ અને સમૃદ્ધિ માટે હૃદયપૂર્વક પ્રાર્થના કરી હતી. આ મુલાકાત માત્ર શ્રદ્ધા પૂરતી મર્યાદિત નહોતી, પરંતુ રાજ્યના સર્વાંગી વિકાસ અને લોકોના કલ્યાણના સંકલ્પને ભગવાન સમક્ષ દોહરાવવાનો અવસર પણ બની રહી હતી. તેમણે શાસ્ત્રોક્ત વિધિ-વિધાન સાથે પાદુકાપૂજન પણ કર્યું હતું. મુખ્યમંત્રીએ નમ્રતાથી અભિવાદન ઝીલ્યું મંદિર પરિસરમાં ઉપસ્થિત શ્રદ્ધાળુઓ અને સ્થાનિક નાગરિકોએ જ્યારે મુખ્યમંત્રીને જોયા, ત્યારે તેમણે પણ ખૂબ જ નમ્રતાથી સૌનું અભિવાદન ઝીલ્યું હતું. જય દ્વારકાધીશના નાદ સાથે તેમણે સૌને આત્મીયતાપૂર્વક આવકાર્યા હતા. જિલ્લા વહીવટી તંત્ર દ્વારા મુખ્યમંત્રીનું વિશિષ્ટ સન્માન કરવામાં આવ્યું હતું, જેમાં તેમને સ્મૃતિચિન્હ તરીકે દ્વારકા મંદિરની પ્રતિકૃતિ, ઉપરણું, અને તુલસીમાંથી નિર્મિત અનુગ્રહમ અગરબત્તી તથા પ્રસાદ અર્પણ કરવામાં આવ્યો હતો. અનેક મહાનુભાવો ઉપસ્થિત રહ્યા હતા ગણમાન્ય મહાનુભાવોની ઉપસ્થિતિ આ પ્રસંગે તેમની સાથે પૂર્વ મંત્રી અને ધારાસભ્ય મુળુભાઈ બેરા, જિલ્લા કલેક્ટર રાજેશ તન્ના, પોલીસ અધિક્ષક જયરાજસિંહ વાળા તથા અગ્રણી મયુરભાઈ ગઢવી સહિતના સ્થાનિક પદાધિકારીઓ જોડાયા હતા. મુખ્યમંત્રીની આ મુલાકાતથી દ્વારકા નગરીમાં એક વિશેષ ઉત્સાહ જોવા મળ્યો હતો, જે શાસન અને શ્રદ્ધાના સુંદર સમન્વયને દર્શાવે છે. આ પણ વાંચોઃ Bhavnagar: ભાવનગરમાં ન્યાય સભા પૂર્વે વિવાદની ચિનગારી, અસામાજિક તત્વોએ કોળી સમાજના પોસ્ટરો ફાડ્યા

Read Full Story arrow_forward

calendar_today January 29, 2026

Surat News: 4.87 લાખ વિદ્યાર્થીઓ ‘અપાર આઈડી’ વગરના, બોર્ડ પરીક્ષા અને એડમિશન પર લટકતી તલવાર!

સમગ્ર દેશના વિદ્યાર્થીઓ માટે 'વન નેશન, વન સ્ટુડન્ટ આઈડી' અંતર્ગત શરૂ કરવામાં આવેલી અપાર આઈડી (APAAR ID) બનાવવાની પ્રક્રિયામાં સુરત શહેર અને જિલ્લો પાછળ ધકેલાયો છે. આશ્ચર્યજનક રીતે, સુરતના અંદાજે 4.87 લાખ વિદ્યાર્થીઓ હજુ પણ આ મહત્વપૂર્ણ ડિજિટલ ઓળખથી વંચિત છે, જેને કારણે શિક્ષણ વિભાગમાં દોડધામ મચી ગઈ છે.સુરતમાં નબળી કામગીરી રાજ્યમાં બીજા ક્રમે સમગ્ર રાજ્યમાં અપાર આઈડી બનાવવાની કામગીરી ચાલી રહી છે, પરંતુ સુરતની કામગીરી અત્યંત ધીમી અને નબળી જોવા મળી રહી છે. નબળી કામગીરીના લિસ્ટમાં સુરત સમગ્ર રાજ્યમાં બીજા ક્રમે છે. સૌથી ચોંકાવનારી વિગત એ છે કે, સુરતની 17 જેટલી શાળાઓમાં તો હજુ સુધી એક પણ વિદ્યાર્થીનું અપાર આઈડી બનાવવાની પ્રક્રિયા શરૂ પણ કરવામાં આવી નથી. વિદ્યાર્થીઓના ભવિષ્ય પર મોટું જોખમ જો સમયસર અપાર આઈડી બનાવવામાં નહીં આવે, તો આગામી સમયમાં વિદ્યાર્થીઓને અનેક મુશ્કેલીઓનો સામનો કરવો પડી શકે છે. બોર્ડ પરીક્ષા: પરીક્ષા ફોર્મ અને હોલ ટિકિટ પ્રક્રિયામાં અવરોધ આવી શકે છે. પ્રવેશ પ્રક્રિયા: ઉચ્ચ શિક્ષણમાં પ્રવેશ મેળવતી વખતે આ ડિજિટલ આઈડી ફરજિયાત બની શકે છે. સ્કોલરશીપ: સરકારી યોજનાઓ અને સ્કોલરશીપના સીધા લાભ અટકી શકે છે. ડિજિટલ માર્કશીટ: માર્કશીટ મેળવવા અને તેને ડિજીલોકરમાં સાચવવા માટે આ આઈડી અનિવાર્ય છે. શિક્ષણ વિભાગ દ્વારા શાળાઓને કડક સૂચના આપવામાં આવી છે, છતાં વહીવટી ઉદાસીનતાને કારણે લાખો વિદ્યાર્થીઓનું ભવિષ્ય જોખમમાં મુકાયું હોય તેમ લાગી રહ્યું છે. આ પણ વાંચો - Udhna Fire Case: 4 કામદારોના મોત મામલે પોલીસની મોટી કાર્યવાહી, બે આરોપી ઝડપાયા

Read Full Story arrow_forward