Rajkot News : ગોંડલમાં યુવરાજસિંહ જાડેજા હત્યા કેસનો ચુકાદો, કોર્ટે મુખ્ય આરોપીને આજીવન કેદની સજા ફટકારી
રાજકોટ જિલ્લામાં આઠ વર્ષ જૂના હત્યા કેસમાં ગોંડલ કોર્ટે ચુકાદો આપ્યો છે. યુરાજસિંહ જાડેજા હત્યા કેસના આરોપીને આજીવન કેદની સજા ફટકારવામાં આવી છે. આરોપીએ યુવરાજસિંહની લાકડાના ધોકાથી હત્યા કરી હતી. વર્ષ 2018માં રામ દ્વાર પાસેની એક હોટેલમાં જમવા બાબતે હત્યાનો બનાવ સામે આવ્યો હતો. હોટલમાં જમવા જેવી સામાન્ય બાબતે થઇ હતી હત્યા ગોંડલ કોર્ટે યુવરાજસિંહ જાડેજા હત્યા કેસમાં આરોપી અશ્વિન ગોહેલને આજીવન કેદની સજા ફટકારી છે. કોર્ટે અન્ય આરોપીઓને પણ દોષિત ઠેરવ્યા છે. કોર્ટના આ ચુકાદાથી મૃતકના પરિવારને આઠ વર્ષ બાદ ન્યાય મળ્યો છે. એપ્રિલ 2018માં ગોંડલમાં રામ દ્વાર પાસે એક હોટેલમાં જમવા જેવી બાબતે માથાકૂટ થઈ હતી. યુવરાજસિંહ તેમના મામાના દીકરા સાથે આ હોટેલમાં જમવા માટે ગયા હતાં. આ દરમિયાન બાજુના ટેબલ પર બેઠેલા નરેન્દ્ર ડાભી, મનોજ ચાવડા, અશ્વિન ગોહિલ અને સિદ્ધરાજ ગોહેલ જોરજોરથી વાતો કરતા હતાં ત્યારે તેમને યુવરાજસિંહે સમજાવતા તેઓ ઉશ્કેરાયા હતાં. અશ્વિન ગોહેલને ગોંડલ સેશન્સ કોર્ટે ફટકારી આજીવન કેદ આ દરમિયાન મામલો વધુ ઉગ્ર બનતાં આરોપી નરેન્દ્ર ડાભીએ યુવરાજસિંહને ગાળો બોલી હતી અને માર મારવા માંડ્યો હતો. જ્યારે અશ્વિન ગોહિલે હોટેલના કમ્પાઉન્ડમાં પડેલા લાકડાના ધોકાથી યુવરાજસિંહના માથા પર હુમલો કર્યો હતો. જેનાથી ગંભીર ઈજા થતાં યુવરાજસિંહનું સારવાર દરમિયાન મોત નિપજ્યું હતું. પોલીસ ફરિયાદ નોંધાયા બાદ પોલીસે આરોપીઓની ધરપકડ કરી હતી. આ કેસ ગોંડલ કોર્ટમાં ચાલી જતાં કોર્ટે મુખ્ય આરોપી અશ્વિન ગોહેલને આજીવન કેદની સજા ફટકારી છે. જ્યારે અન્ય આરોપીઓને દોષિત જાહેર કરાયા છે. આ પણ વાંચોઃ Gujarat News : સાયબર ક્રાઈમના આરોપીઓએ છેલ્લા દોઢ વર્ષમાં 25 હજાર ગુના આચર્યા, ગજબની છે આખી મોડસ ઓપરેન્ડી
Read Full Story arrow_forward
