Community News & Updates

Stay informed with the latest happenings, achievements, and announcements from our community.

All News

calendar_today January 22, 2026

Vadodara News: ન્યૂ એરા સહિત 3 નામાંકિત શાળાઓને 201 કરોડની નોટિસ

વડોદરા મહાનગરપાલિકા દ્વારા શહેરની ત્રણ જાણીતી શાળાઓ - ન્યૂ એરા, મહારાણી અને તેજસ વિદ્યાલયને અંદાજે 201 કરોડ રૂપિયાના બાકી ભાડા અંગે નોટિસ ફટકારવામાં આવતા શિક્ષણ જગતમાં ખળભળાટ મચી ગયો છે. આ ગંભીર મુદ્દે ડેપ્યુટી મ્યુનિસિપલ કમિશનર સુરેશ તુવેરે સ્પષ્ટતા કરી છે કે, આ જમીનો પ્રથમવાર 30 વર્ષ માટે ભાડે આપવામાં આવી હતી અને વર્ષ 2008માં આ કોન્ટ્રાક્ટને રીન્યુ કરવામાં આવ્યો હતો. લાંબા સમયથી ભાડાની રકમ બાકી હોવાથી તંત્ર દ્વારા આ આકરું પગલું ભરવામાં આવ્યું છે.ન્યુ એરા, મહારાણી અને તેજસ વિદ્યાલયને નોટિસ સુરેશ તુવેરે મીડિયા સમક્ષ નિવેદન આપતા જણાવ્યું હતું કે, પાલિકાની તપાસમાં શાળાઓને ફટકારવામાં આવેલી નોટિસ અને ભાડાની ગણતરી સંપૂર્ણપણે યોગ્ય સાબિત થઈ છે. જોકે, શાળાઓનું એવું કહેવું છે કે તેઓ વિદ્યાર્થીઓ પાસેથી ઓછી ફી વસૂલતા હોવાથી આટલી મોટી રકમ ભરવી મુશ્કેલ છે, પરંતુ તંત્ર આ દલીલ માનવા તૈયાર નથી. અધિકારીએ કડક શબ્દોમાં ચીમકી આપી છે કે જો શાળાઓ જલદી નાણાં નહીં ભરે તો કાયદેસરની કાર્યવાહી કરવામાં આવશે. ડેપ્યુટી મ્યુનિસિપલ કમિશનર સુરેશ તુવેરનું નિવેદન મહત્વની વાત એ છે કે, વિદ્યાર્થીઓના અભ્યાસને કોઈ અસર ન થાય તે માટે પાલિકા શાળાના વર્ગખંડોને સીલ નહીં કરે. સુરેશ તુવેરે સ્પષ્ટ કર્યું છે કે વસૂલાત માટે શાળાઓની અન્ય મિલકતો અથવા વહીવટી ઓફિસો સીલ કરવાની પ્રક્રિયા હાથ ધરવામાં આવશે. પાલિકાના આ કડક વલણને જોતા એવું લાગે છે કે શાળાઓએ હવે કરોડોની આ રકમ ભરવી પડશે અથવા કાયદાકીય લડાઈનો સામનો કરવો પડશે. આ નોટિસ બાદ શહેરની અન્ય ગ્રાન્ટેડ અને ખાનગી શાળાઓમાં પણ ફફડાટ વ્યાપી ગયો છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 22, 2026

EDએ બેન્ક કૌભાંડ મામલે રિચા ઈન્ડસ્ટ્રીઝ પર કસ્યો સકંજો, પૂર્વ MDની કરી ધરપકડ

રિચા ઈન્ડસ્ટ્રીઝ લિમિટેડ (RIL) સાથે સંકળાયેલા રૂપિયા 236 કરોડના બેન્ક છેતરપિંડીના કેસમાં એન્ફોર્સમેન્ટ ડિરેક્ટોરેટ (ED)એ મોટી કાર્યવાહી કરી છે. EDની ગુરુગ્રામ ઝોનલ ઓફિસે 20 જાન્યુઆરીએ કંપનીના ભૂતપૂર્વ પ્રમોટર અને સસ્પેન્ડ કરાયેલા મેનેજિંગ ડિરેક્ટર સંદીપ ગુપ્તાની પ્રિવેન્શન ઓફ મની લોન્ડરિંગ એક્ટ (PMLA) હેઠળ ધરપકડ કરી છે. ત્યારબાદ તેમને ગુરુગ્રામની એક ખાસ કોર્ટમાં રજૂ કરવામાં આવ્યા, જ્યાં કોર્ટે તેમને 8 દિવસ માટે ED કસ્ટડીમાં મોકલ્યા છે.કરોડોની છેતરપિંડી બેન્ક સાથે કરાઈ EDએ CBIની FIRના આધારે આ તપાસ શરૂ કરી હતી. CBIએ સંદીપ ગુપ્તા અને અન્ય લોકો પર ગુનાહિત કાવતરું, છેતરપિંડી અને ભ્રષ્ટાચારનો આરોપ લગાવ્યો હતો. એવો આરોપ છે કે 2015થી 2018ની વચ્ચે જાહેર ક્ષેત્રની બેન્કો સાથે આશરે રૂપિયા 236 કરોડની છેતરપિંડી કરવામાં આવી હતી. તપાસમાં બહાર આવ્યું છે કે રિચા ઈન્ડસ્ટ્રીઝે ખરેખર કોઈ માલ સપ્લાય કર્યા વિના છેતરપિંડીભર્યું વેચાણ દર્શાવ્યું હતું. આમાં રૂપિયા 7.42 કરોડના કોટન ફેબ્રિકનું બનાવટી વેચાણ અને રૂપિયા 8.50 કરોડના સોલાર પ્રોજેક્ટ વેચાણનો સમાવેશ થાય છે. આ બધા વ્યવહારો શેલ કંપનીઓ દ્વારા કરવામાં આવ્યા હતા. ખાતાઓમાં હેરાફેરીથી ટર્નઓવર વધ્યું EDના જણાવ્યા મુજબ બેન્કોને ગેરમાર્ગે દોરવા માટે બિલ, ખાતાવહી અને ખાતાઓમાં હેરાફેરી કરીને કંપનીનું ટર્નઓવર વધારી દેવામાં આવ્યું હતું. વધુમાં, કંપનીએ રૂપિયા 9.23 કરોડની ZLD મશીનો પણ છેતરપિંડીથી ખરીદી હતી, જોકે જે કંપની પાસેથી ખરીદી કરવામાં આવી હતી તે કંપની આવા વ્યવસાયોમાં કોઈ સંડોવણી ધરાવતી ન હતી. ED તપાસમાં એ પણ બહાર આવ્યું છે કે 2015-16 અને 2017-18 વચ્ચે, લોન ચુકવણીના નામે આશરે રૂપિયા 16.40 કરોડ ગ્રુપ કંપનીઓને ટ્રાન્સફર કરવામાં આવ્યા હતા. 2018-19માં કંપનીના ભંડોળનો ઉપયોગ કરીને બીજી કંપનીનું નિયંત્રણ હસ્તગત કરવામાં આવ્યું હતું. ખૂબ જ ઓછી કિંમતે કેટલાક શેર ટ્રાન્સફર કરીને કંપનીને પણ નુકસાન થયું હતું. નાદારી પ્રક્રિયામાં પણ અનિયમિતતાઓ સામે આવી રિચા ઈન્ડસ્ટ્રીઝની નાદારીની કાર્યવાહી ડિસેમ્બર 2018માં શરૂ થઈ હતી, પરંતુ કોઈ ઉકેલ આવ્યો ન હતો. અંતે, 11 જૂન, 2025ના રોજ NCLTએ કંપનીને ફડચામાં મૂકી દીધી. ઓક્ટોબર 2025માં કંપનીની હરાજી રૂપિયા 96 કરોડમાં કરવામાં આવી હતી, જ્યારે બેન્કો પાસે રૂપિયા 696 કરોડના દાવા હતા. આનો અર્થ એ થયો કે બેન્કોને લગભગ 94 ટકાનો નુકસાન સહન કરવું પડ્યું. એન્ફોર્સમેન્ટ ડિરેક્ટોરેટ (ED) મુજબ સંદીપ ગુપ્તાએ CIRP શરૂ થાય તે પહેલાં જ કંપનીની મૂલ્યવાન સંપત્તિઓને ફડચામાં લઈ લીધી હતી. 6 કંપનીઓને રૂપિયા 232 કરોડની કોર્પોરેટ ગેરંટી આપવામાં આવી હતી. આ કંપનીઓએ CoC (કમિટી ઓફ ક્રેડિટર્સ)માં નોંધપાત્ર મતદાન અધિકારો મેળવ્યા હતા, જેના કારણે મોટી બેન્કો નિર્ણયો લઈ શકતી ન હતી. બેનામી કંપની અને પરિવારનું કાવતરું તપાસમાં એ પણ બહાર આવ્યું છે કે સંદીપ ગુપ્તાએ એક શેલ કંપની બનાવી હતી અને તેના ભૂતપૂર્વ કર્મચારીને બેનામીદાર બનાવ્યો હતો. આનો ઉપયોગ નાદારી પ્રક્રિયાને પ્રભાવિત કરવા માટે કરવામાં આવ્યો હતો. વધુમાં, એવો આરોપ છે કે CIRP દરમિયાન પણ સંદીપ ગુપ્તા અને તેમના પરિવારે કંપની પર પરોક્ષ નિયંત્રણ જાળવી રાખ્યું હતું અને નિયમોનું ઉલ્લંઘન કરીને ભંડોળ ઉપાડવાનું ચાલુ રાખ્યું હતું.આ પણ વાંચો: Union Budget 2026 : બજેટ સત્ર પહેલા કેન્દ્ર સરકારે 27 જાન્યુઆરીએ બોલાવી સર્વપક્ષીય બેઠક

Read Full Story arrow_forward

calendar_today January 22, 2026

Indigo Crisis Update News: ઇન્ડિગો ફ્લાઇટથી સર્જાયેલા અફરા-તફરીના માહોલ સામે કંપનીએ ભોગવ્યુ મોટા પ્રમાણમાં નુકસાન, જાણો શુ કહે છે આંકડા?

ઇન્ડિગો કંપનીનો ફાયદો 78 ટકાથી ઘટીને માત્ર 550 કરોડ રૂપિયા રહ્યો છે. ફ્લાઇટ રદ્દ અને નવા નિયમોના કારણે કંપનીને મોટા પ્રમાણમાં નુકસાન થયુ છે. કંપનીને મોટા પ્રમાણમાં નુકસાન થોડા મહિના પહેલા હવાઇ મુસાફરી કરનારાઓ માટે ખરાબ સમાચાર સામે આવ્યા હતા. ઇન્ડિગોના યાત્રીઓ પૈસા ચુકવીને હાલાકી ભોગવી હતી. એરપોર્ટ પર કલાકો લાઇનમાં ઉભા રહીને ફ્લાઇટ માટે રાહ જોઇ હતી. અને અફરા-તફરીનો માહોલ પણ સર્જાયો હતો. આ હાલાકીની અસર માત્ર યાત્રીઓ પર જ નહી પણ સૌથી મોટી કંપની ઇન્ડિગો પરની તિજોરામાં પણ જોવા મળી હતી. ડિસેમ્બર મહિનાના આંકડા બતાવે છે કે, કંપનીને મોટા પ્રમાણમાં નુકસાન થયુ છે. ત્રણ મુખ્ય કારણો જવાબદાર ઇન્ડિગોની પેરેન્ટ કંપની ઇન્ટરગ્લોબ એવિએશને જે આંકડા રજૂ કર્યા છે. તે ચોંકાવનારા છે. ગયા વર્ષના સમાન ક્વાર્ટરમાં, કંપનીએ ₹2,449 કરોડનો મોટો નફો કર્યો હતો. જે આ વખતે ઘટીને માત્ર ₹550 કરોડ થયો છે. આ નફામાં સીધો 78% ઘટાડો દર્શાવે છે. કંપનીના મતે, આ પાછળ ત્રણ મુખ્ય કારણો છે. પ્રથમ, નવા શ્રમ કાયદાના અમલીકરણથી કંપની પર આશરે ₹969 કરોડનો બોજ પડ્યો. બીજું, ડિસેમ્બરની શરૂઆતમાં ઓપરેશનલ કટોકટી અને ફ્લાઇટ રદ થવાથી ₹577 કરોડનું નુકસાન થયું. અને ત્રીજું, ડોલર સામે રૂપિયામાં વધઘટનો પણ કંપની પર ભારે બોજ પડ્યો હતો. કેવો રહ્યો હિસાબ-કિતાબ ? નફામાં ઘટાડો થયો હોવા છતાં, એરલાઇનની આવકમાં વધારો થયો છે. ગયા વર્ષની સરખામણીમાં કંપનીની આવકમાં 6%નો વધારો થયો છે. જો કંપની પર શ્રમ કાયદા અને ઓપરેશનલ મુશ્કેલીઓનો બોજ ન પડ્યો હોત, તો તેનો નફો 3,000 કરોડને વટાવી ગયો હોત. અસંખ્ય ફરિયાદો અને રદ થવા છતાં, ઇન્ડિગોના મુસાફરો ક્વાર્ટર દરમિયાન આશરે 2.8 ટકાનો વધારો થયો હતો. આ સમયગાળા દરમિયાન કુલ 31.9 મિલિયન લોકોએ ઇન્ડિગોમાં મુસાફરી કરી હતી. જોકે, પ્રતિ સીટ આવકમાં થોડો ઘટાડો થયો હતો. આ પણ વાંચોઃ Bangladesh Election 2026 News: ચૂંટણી પહેલા જ Sheikh Hasinaએ Muhammad Yunusને ફેંક્યો પડકાર, જાણો શું કહ્યુ?

Read Full Story arrow_forward