Vadodara News: પતંગની દોરીથી 8 પક્ષીઓના મોત
આભમાં ઉડતા રંગબેરંગી પતંગો અને 'કાપ્યો છે' ના ગુંજતા નારાઓ વચ્ચે પાદરામાં પક્ષીઓ માટે ઉત્તરાયણનો તહેવાર કાળ સાબિત થયો છે. પાદરા શહેર અને આસપાસના વિસ્તારોમાં પતંગની જીવલેણ દોરીના કારણે અનેક નિર્દોષ પક્ષીઓ લોહીલુહાણ થયા હોવાની ઘટનાઓ સામે આવી છે.પક્ષીઓના મોત મળતી માહિતી અનુસાર, ઉત્તરાયણના પર્વ દરમિયાન આકાશમાં પતંગબાજીની મજા માણતા લોકોની દોરી પક્ષીઓ માટે ફાંસો બની ગઈ હતી. પાદરામાં પતંગની ધારદાર દોરીની લપેટમાં આવવાથી અત્યાર સુધીમાં અંદાજે 8 જેટલા નિર્દોષ પક્ષીઓના કરુણ મોત નીપજ્યા છે. આ પક્ષીઓ દોરીથી કપાઈને જમીન પર પટકાયા હતા, જેમના જીવ બચાવી શકાયા ન હતા. જીવરક્ષક સંસ્થા દ્વારા રેસ્ક્યુ ઓપરેશન ઘાયલ પક્ષીઓની વહારે સ્થાનિક પ્રાણી જીવરક્ષક સંસ્થા આવી પહોંચી હતી. સંસ્થાના સ્વયંસેવકોએ દિવસભર દોડીને અંદાજે 10 જેટલા નાના-મોટા પક્ષીઓને રેસ્ક્યુ કર્યા હતા. આ પક્ષીઓને તાત્કાલિક પ્રાથમિક સારવાર આપવામાં આવી હતી. જીવરક્ષક સંસ્થાની સતર્કતાને કારણે અનેક પક્ષીઓને નવજીવન મળ્યું છે. સેવાની અપીલ જીવદયા પ્રેમીઓએ નાગરિકોને અપીલ કરી છે કે, પક્ષીઓ જ્યારે સવારે માળામાંથી નીકળે અને સાંજે પરત ફરે તે સમયે પતંગ ન ચગાવવા જોઈએ. પાદરામાં બનેલી આ ઘટનાને પગલે પ્રકૃતિ પ્રેમીઓમાં રોષ અને દુઃખની લાગણી જોવા મળી રહી છે. ધારદાર ચાઇનીઝ દોરીનો ઉપયોગ પક્ષીઓ માટે કેટલો જોખમી છે તે આ આંકડાઓ પરથી સ્પષ્ટ દેખાય છે. આ પણ વાંચો - Makar Sankranti 2026: ગુજરાતમાં આભે પતંગની જંગ અને બજારમાં ઊંધિયા-જલેબી માટે પડાપડી! જુઓ Photos
Read Full Story arrow_forward
