Community News & Updates

Stay informed with the latest happenings, achievements, and announcements from our community.

All News

calendar_today January 11, 2026

Anand: આણંદ NDDB ખાતેથી રાજ્યપાલ આચાર્ય દેવવ્રતે હોમિયોપેથી ક્રાંતિનું શંખનાદ ફૂંક્યું

ગુજરાતના રાજ્યપાલ આચાર્ય દેવવ્રતે આણંદ સ્થિત નેશનલ ડેરી ડેવલપમેન્ટ બોર્ડ (NDDB) ખાતેથી એક ઐતિહાસિક પહેલનો પ્રારંભ કરાવ્યો છે.તેમણે ડૉ. હેનિમેન એપ્લાઇડ હોમિયોપેથી ઓનલાઈન અભ્યાસક્રમ અને ઓર્ગોનન ઓફ્ મેડિસિન ડિજિટલ ડેવલપમેન્ટ પ્રોજેક્ટને ખુલ્લો મૂકતા સ્પષ્ટપણે જણાવ્યું હતું કે, હોમિયોપેથી એ માત્ર ચિકિત્સા પદ્ધતિ નથી, પરંતુ માનવીના મન, આત્મા અને ચિત્તને યોગ્ય દિશા આપતી ભારતની પ્રાચીન ઋષિ પરંપરાનો અનિવાર્ય ભાગ છે. રાજ્યપાલે ઉમેર્યું કે, વડાપ્રધાન નરેન્દ્ર મોદીના હોલિસ્ટિક હેલ્થકેરના વિઝનને સાકાર કરવા માટે તમામ ચિકિત્સા પદ્ધતિઓના નિષ્ણાતોએ સાથે મળીને કાર્ય કરવું પડશે. NDDB ખાતે આયોજિત આ કાર્યક્રમમાં સરદાર પટેલ યુનિવર્સિટી દ્વારા હોમિયોપેથીના વ્યાપ માટે કરાયેલા સમજૂતી કરાર (MoU) ચિકિત્સા ક્ષેત્રે નવી દિશા કંડારશે. આ પ્રસંગે દેશભરમાંથી આવેલા 45 જેટલા શ્રોષ્ઠ તબીબોનું રાજ્યપાલના હસ્તે સન્માન કર્યું હતું. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 11, 2026

Kadiમાં નીતિન પટેલના આક્રમક તેવર: મહમૂદ ગઝનવીની સરખામણી કુતરા સાથે કરી

બોતેર ચુંવાળ કડવા પાટીદાર પ્રગતિ મંડળ દ્વારા આયોજિત સ્નેહમિલન કાર્યક્રમમાં પૂર્વ નાયબ મુખ્યમંત્રી નીતિન પટેલે હાજરી આપી હતી. આ મંચ પરથી તેમણે ભારત પર આક્રમણ કરનાર વિદેશી આક્રમણખોર મહમૂદ ગઝનવી પર આકરા પ્રહાર કરતા વિવાદાસ્પદ પણ સૂચક નિવેદન આપ્યું હતું.ગઝનવીના લક્ષણો પર પ્રહાર નીતિન પટેલે ગઝનવીની સરખામણી કુતરાના લક્ષણ સાથે કરતા જણાવ્યું હતું કે, "કુતરો જ્યાં જાય ત્યાં પેશાબ કરે તેવા ગઝનવીના લક્ષણ હતા. તેનું એકમાત્ર લક્ષણ લૂંટ કરવાનું અને હિન્દુઓના મંદિરો તોડવાનું હતું." તેમણે ઉમેર્યું હતું કે આવા આક્રમણખોરોએ ભારતની અસ્મિતાને હાનિ પહોંચાડવાનો પ્રયાસ કર્યો હતો, પરંતુ સનાતન ધર્મની તાકાત સામે તેઓ ક્યારેય ટકી શક્યા નથી. સોમનાથ અને ઇતિહાસનું મહત્વ સોમનાથ મંદિરના ઇતિહાસને યાદ કરતા તેમણે સરદાર વલ્લભભાઈ પટેલના જીર્ણોદ્ધારના કાર્યોને બિરદાવ્યા હતા. તેમણે સમાજને ટકોર કરતા કહ્યું કે, જો આપણે આપણો સાચો ઇતિહાસ ભૂલી જઈશું, તો આવનારો સમય આપણને ક્યારેય માફ નહીં કરે. સનાતન ધર્મ અને હિન્દુઓની એકતાને તેમણે અતૂટ તાકાત ગણાવી હતી. નીતિન પટેલનું આ નિવેદન સોશિયલ મીડિયા પર વાયુવેગે પ્રસર્યું છે અને રાજકીય તેમજ સામાજિક ગલિયારામાં ચર્ચાનો વિષય બન્યું છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 11, 2026

Surendranagar: ધ્રાંગધ્રા ડિવીઝનના 6 પોલીસ મથકમાં કબજે લેવાયેલ 148 વાહનો 19.27 લાખમાં વેચાયા

ધ્રાંગધ્રા ડિવીઝન હેઠળ આવતા 6 પોલીસ મથકમાં વર્ષ 2024-25માં વિવિધ ગુનાના કામે કબજે કરાયેલ વાહનોની જાહેર હરરાજી યોજાઈ હતી. સુરેન્દ્રનગર એસપી પ્રેમસુખ ડેલુના માર્ગદર્શનથી ડીવાયએસપી જે.ડી.પુરોહીતની અધ્યક્ષતામાં આ હરાજી કરાઈ હતી. આ તકે એસપી કચેરી અધીક્ષક એસ.એમ.જાડેજા, ધ્રાંગધ્રા સીટી પીઆઈ એમ.યુ.મસી, ધ્રાંગધ્રા તાલુકા ઈન્ચાર્જ પીઆઈ એમ.બી.વીરજા, બજાણા પીઆઈ એમ.બી.બામ્બા, દસાડા પીઆઈ વાય.જી.ઉપાધ્યાય, પાટડી ઈન્ચાર્જ પીઆઈ એચ.એસ.ગોહીલ સહિતનાઓ ઉપસ્થી રહ્યા હતા. ધ્રાંગધ્રાના પોલીસ પરેડ ગ્રાઉન્ડમાં યોજાયેલ આ જાહેર હરાજીમાં રાજયભરમાંથી જુના વાહનો ખરીદનાર ઉપસ્થીત રહ્યા હતા. આ હરાજીમાં 8 કાર, 10 રિક્ષા, 130 બાઈક મળી કુલ 148 વાહનોની હરાજી રાખવામાં આવી હતી. જેમાં ધ્રાંગધ્રા સીટી પોલીસ મથકના 63 વાહનો 5,06,000માં, ધ્રાંગધ્રા તાલુકા પોલીસ મથકના 37 વાહનો 2.78 લાખમાં, પાટડી પોલીસ મથકના 19 વાહનો 6.30 લાખમાં, દસાડા પોલીસ સ્ટેશનના 16 વાહનો 3.71 લાખમાં, ઝીંઝુવાડા પોલીસ મથકના 7 વાહનો 71 હજાર રૂપીયા અને બજાણા પોલીસ મથકના 6 વાહનો 71 હજારમાં હરાજીમાં ગયા હતા. કુલ 148 વાહનોના 19.27 લાખ રૂપીયા સરકાર ખાલસા કરવાની કાર્યવાહી હાથ ધરાઈ છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward