Palanpur: આઈસીડીએસ પાલનપુર ઘટક-1 દ્વારા કિશોરીઓ માટે પતંગ ઉત્સવ કાર્યક્રમ યોજાયો
આઈસીડીએસ કચેરી પાલનપુર ઘટક-1 દ્વારા જામપુરા પ્રાથમિક શાળા પાલનપુર ખાતે કિશોરીઓ માટે પતંગ ઉત્સવ કાર્યક્રમનું આયોજન કરાયું હતું. આ કાર્યક્રમ દરમિયાન કિશોરીઓને પૂર્ણા યોજના વિશે માહિતી અપાઈ હતી. આયર્નની ગોળીનું મહત્વ, પુર્ણા શક્તિ પેકેટના ઉપયોગ અને તેના ફાયદા, તેમજ અંગત સ્વચ્છતા અને મેન્સ્ટુઅલ હાઈજીન વિષયક જરૂરી માર્ગદર્શન અપાયું હતું. આ પ્રસંગે વિવિધ પ્રવૃત્તિઓનું આયોજન કરવામાં આવ્યું હતું. કિશોરીઓનું બીએમઆઈ, વજન, ઉંચાઈ તેમજ હિમોગ્લોબિન ચેક કરવામાં આવ્યું હતું. આ કાર્યક્રમમાં ભાગ લેનાર તમામ કિશોરીઓને પ્રોત્સાહક ઈનામ આપવામાં આવ્યા હતા. તેમજ ઉત્તમ હિમોગ્લોબિન ધરાવતી અને સુંદર પતંગ સુશોભન કરનાર કિશોરીઓને પ્રથમ, દ્ધિતીય અને તૃતીય ઈનામ આપી સન્માનિત કરાયા હતા. આ કાર્યક્રમમાં સીડીપીઓ ડિમ્પલ પંચાલ, આઈસીડીએસના સુપરવાઈઝરો, પીએસઈ સ્ટાફ, એફએચડબલ્યુ, આરોગ્ય વિભાગના સુપરવાઈઝર, આઈસીડીએસ સ્ટાફ, આંગણવાડી કાર્યકરો તેમજ મોટી સંખ્યામાં કિશોરીઓ ઉપસ્થિત રહ્યા હતા.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
