Community News & Updates

Stay informed with the latest happenings, achievements, and announcements from our community.

All News

calendar_today January 6, 2026

Palanpur News : શિક્ષક વિદાય લેતા આખું ગામ રડી પડ્યું, ગુરુ-શિષ્યના અતૂટ પ્રેમનો હૃદયસ્પર્શી વીડિયો વાયરલ

બનાસકાંઠાના પાલનપુર તાલુકાની ચેખલા જુવોલ સૂરજપુરા પ્રાથમિક શાળામાં એક અત્યંત ભાવુક કરી દેનારી ઘટના સામે આવી છે. છેલ્લા 18 વર્ષથી આ શાળામાં નિષ્ઠાપૂર્વક ફરજ બજાવતા લોકપ્રિય શિક્ષક જીવરાજભાઈ નિનામાની અન્ય સ્થળે બદલી થતા આખું ગામ હિબકે ચડ્યું હતું. શિક્ષકની વિદાય વેળાએ શાળાના માસૂમ બાળકો પોતાના ગુરુને વળગીને ચોધાર આંસુએ રડી પડ્યા હતા. માત્ર બાળકો જ નહીં, પરંતુ ગામના વાલીઓ અને વડીલો પણ પોતાના માનીતા શિક્ષકને વિદાય આપતી વખતે ભાવુક થયા હતા. આ ઘટનાના વીડિયો હાલ સોશિયલ મીડિયામાં વાયરલ થઈ રહ્યા છે, જે જોઈને કોઈ પણ વ્યક્તિની આંખમાં આંસુ આવી જાય તેમ છે.ગુરુ બિન અંધેરા સામાન્ય રીતે સરકારી નોકરીમાં બદલી એ એક પ્રક્રિયા હોય છે, પરંતુ જીવરાજભાઈએ આ 18 વર્ષ દરમિયાન માત્ર શિક્ષણ જ નથી આપ્યું, પણ દરેક બાળક અને ગ્રામજનના હૃદયમાં સ્થાન બનાવ્યું હતું. વિદાયના દિવસે બાળકોએ શિક્ષકને ઘેરી લીધા હતા અને તેમને ન જવા માટે વિનંતી કરતા જોવા મળ્યા હતા. વાલીઓએ પણ જણાવ્યું હતું કે આવા સમર્પિત શિક્ષકની વિદાયથી શાળા અને ગામને મોટી ખોટ પડશે. એક આદર્શ શિક્ષક જ્યારે સમાજમાં આવું પરિવર્તન લાવે છે, ત્યારે જ જ્ઞાન અને સંસ્કારનું સાચું મૂલ્ય સમજાય છે. આ વિદાયના દ્રશ્યોએ સાબિત કરી દીધું કે આજે પણ ગુરુ અને શિષ્યની પરંપરા જીવંત છે.. આ પણ વાંચો : Banaskantha માં રીંછની પજવણી કરનારા બે નરાધમો ઝડપાયા, વન વિભાગની લાલ આંખ

Read Full Story arrow_forward

calendar_today January 6, 2026

Kashi Express ટ્રેનમાં બોમ્બ હોવાની મળી જાણકારી, મઉમાં ટ્રેનને ખાલી કરીને પોલીસે તપાસ શરૂ કરી

મઉ રેલવે સ્ટેશનના પ્લેટફોર્મ 1 પર સવારે ભારે અફરાતફરી મચી ગઈ, જ્યાં પોલીસ કંટ્રોલ રૂમને એક અજાણ્યા ફોન દ્વારા આ સૂચના મળી કે ગોરખપુરથી મુંબઈ જઈ રહેલી કાશી એક્સપ્રેસ ટ્રેનમાં બોમ્બ મુકવામાં આવ્યો છે. ટ્રેન મઉ રેલવે સ્ટેશન પર પહોંચી, તે પહેલા જ મઉના એસપી સહિત ભારે પોલીસ દળ, જીઆરપી, આરપીએફની ટીમ દ્વારા પ્લેટફોર્મ પર હાજર મુસાફરોને બહાર કાઢવામાં આવ્યા.પ્લેટફોર્મ નંબર 1 પર જ એક લાવારિસ બેગ દેખાઈ આ સાથે જ ટ્રેન પ્લેટફોર્મ પર આવીને ઉભી રહી, ત્યારે પોલીસ દ્વારા માઈકથી જાહેરાત કરવામાં આવી કે ટ્રેનમાં બેઠેલા તમામ મુસાફરોને બહાર કાઢવામાં આવ્યા અને સમગ્ર ટ્રેનની તપાસ કરવામાં આવી. જો કે તપાસ દરમિયાન ટ્રેનમાંથી કોઈ શંકાસ્પદ વસ્તુ મળી નથી પણ પ્લેટફોર્મ નંબર 1 પર જ એક લાવારિસ બેગ દેખાઈ, જેને પોલીસે મોટી લાકડીથી પ્લેટફોર્મની બહાર કાઢી. ત્યારબાદ બોમ્બ સ્કવોર્ડે તેમની તપાસ કરી પણ તેમાં કંઈ મળ્યું થી. અજાણ્યા ફોન બાદ અફરાતફરી મચી આ સમગ્ર મામલે મઉના એસપીએ જણાવ્યું કે સવારે 9.30 વાગ્યે કંટ્રોલ રૂમને એક અજાણ્યો ફોન આવ્યો હતો. કોલ કરનારે કહ્યું કે ગોરખપુરથી મુંબઈ જનારી કાશી એક્સપ્રેસ ટ્રેનમાં બોમ્બ છે. સૂચના મળતા જ મઉ પોલીસની સમગ્ર ટીમ, જીઆરપી, આરપીએફ સહિતની ટીમને તૈયાર કરવામાં આવી, જેવી ટ્રેન સ્ટેશન પર પહોંચી ત્યાંથી પબ્લિક અને મુસાફરોને સુરક્ષિત રીતે દૂર હટાવી દેવામાં આવ્યા. તમામ ટ્રેનના ડબ્બાનું ચેકિંગ કરવામાં આવ્યું ત્યારબાદ સંયુક્ત ટીમ દ્વારા તમામ ટ્રેનના ડબ્બાનું ચેકિંગ કરવામાં આવ્યું અને ચેકિંગ દરમિયાન કોઈ શંકાસ્પદ વસ્તુ સામે આવી નથી. હાલમાં અમે તપાસ કરી રહ્યા છે અને સાથે જ જે અજાણ્યો ફોન આવ્યો હતો, તેના વિશે પણ જાણકારી મેળવી રહ્યા છીએ. એસપીએ કહ્યું કે આ ઈન્ટરનેટ કોલ લાગી રહ્યો છે, અમારી સર્વિલાન્સ ટીમ તેની પર કામ કરી રહી છે.  આ પણ વાંચો: UP Draft Voter List 2026: કપાયા 2 કરોડથી વધુ નામ, જાણો ક્યાં શહેરમાંથી કેટલા નામ

Read Full Story arrow_forward

calendar_today January 6, 2026

Stock Market Closing: સેન્સેક્સમાં 376 પોઇન્ટનો ઘટાડો, લાલ નિશાનમાં માર્કેટ બંધ

મંગળવારે શેરબજાર લાલ નિશાનમાં બંધ થયુ છે. સેન્સેક્સ અને નિફ્ટી બંને લાલ નિશાને બંધ થયુ છે. બપોરે 3.30 કલાકે સેન્સેક્સ 376 પોઇન્ટના ઘટાડા સાથે 85,063 અંકે બંધ થયો હતો. જ્યારે નિફ્ટી 74.70 પોઇન્ટના ઘટાડા સાથે 26,175 અંકે બંધ થયો. લાલ નિશાનમાં શરૂઆત30 શેરો ધરાવતો BSE સેન્સેક્સ 100 પોઈન્ટથી વધુ ઘટીને 85,331 પર ખુલ્યો. ખુલ્યા પછી તરત જ તેમાં ઘટાડો થયો. સવારે 9:30 વાગ્યે, તે 349.79 પોઈન્ટ અથવા 0.41 ટકા ઘટીને 85,089.72 પર ટ્રેડ થઈ રહ્યો હતો. તેવી જ રીતે, નેશનલ સ્ટોક એક્સચેન્જ (NSE) નિફ્ટી 50 26,189.70 પર ખુલ્યો. સવારે 9.30 વાગ્યે તે 70 પોઈન્ટ અથવા 0.21 ટકા ઘટીને 26,195 પર ટ્રેડ થઈ રહ્યો હતો. વૈશ્વિક બજારોમાં શું છે સ્થિતિ? વૈશ્વિક સ્તરે રોકાણકારો યુરોઝોનમાંથી અંતિમ HCOB સર્વિસીસ અને કમ્પોઝિટ PMI ડેટા પર નજર રાખશે. યુકેમાંથી અંતિમ S&P ગ્લોબલ સર્વિસીસ અને કમ્પોઝિટ PMI ડેટા પણ જાહેર કરવામાં આવશે. યુએસમાં ડિસેમ્બરના કુલ વાહન વેચાણ ડેટા પણ જાહેર કરવામાં આવશે. સ્થાનિક મોરચે, બજારના સહભાગીઓ અંતિમ HSBC સર્વિસીસ અને કમ્પોઝિટ PMI ડેટાની રાહ જોશે. મંગળવારે એશિયન શેરબજારો મિશ્ર રહ્યા. વૈશ્વિક બજારોમાં તાજેતરના વધારા બાદ, રોકાણકારો હવે વેનેઝુએલામાં યુએસ લશ્કરી કાર્યવાહી અને પદભ્રષ્ટ નેતા નિકોલસ માદુરોની ધરપકડ સંબંધિત વિકાસ પર નજર રાખી રહ્યા છે. જાપાનનો નિક્કી 225 ઇન્ડેક્સ 1.12 ટકા વધીને ટ્રેડ થઈ રહ્યો હતો, જ્યારે દક્ષિણ કોરિયાનો કોસ્પી 0.85 ટકા ઘટ્યો હતો. ઓસ્ટ્રેલિયાનો ASX/S&P 200 ઇન્ડેક્સ પણ 0.42 ટકા ઘટ્યો હતો. દરમિયાન, પ્રારંભિક એશિયન ટ્રેડિંગમાં યુએસ ઇક્વિટી ફ્યુચર્સ મોટાભાગે સ્થિર રહ્યા હતા. સોમવારે મુખ્ય યુએસ શેરબજારોએ મજબૂત નોંધ પર સત્રનો અંત કર્યો. વધતા ભૂરાજકીય તણાવ છતાં, રોકાણકારોએ હાલમાં મોટા વૈશ્વિક સંઘર્ષની શક્યતાને અવગણી હતી. S&P 500 0.64 ટકા વધ્યો, અને નાસ્ડેક કમ્પોઝિટ 0.69 ટકા વધ્યો. વધતા ક્રૂડ ઓઇલના ભાવે પણ બજારને ટેકો આપ્યો. દરમિયાન, ડાઉ જોન્સ ઇન્ડસ્ટ્રિયલ એવરેજ ટ્રેડિંગ દરમિયાન નવા રેકોર્ડ ઉચ્ચતમ સ્તરને સ્પર્શ્યો અને અંતે 1.23 ટકાના મજબૂત વધારા સાથે બંધ થયો.આ પણ વાંચો- Venus And Sun Yuti: 14 જાન્યુઆરીથી 3 રાશિનું ચમકશે નસીબ, શુક્રાદિત્ય રાજયોગ અપાવશે અણધારી સફળતા

Read Full Story arrow_forward