Ahmedabadના ભાડજમાં સ્મશાનના અભાવે ગ્રામજનોનો રોષ, 'સ્મશાન નહીં તો વોટ નહીં'ના લાગ્યા પોસ્ટર
અમદાવાદ શહેરના વિકસી રહેલા ભાડજ વિસ્તારમાં ગ્રામજનોએ પાયાની સુવિધાના અભાવે આગામી ચૂંટણીનો બહિષ્કાર કરવાની જાહેરાત કરી છે. ભાડજ ગામમાં વર્ષોથી સ્મશાનની સમસ્યાનો ઉકેલ ન આવતા રોષે ભરાયેલા સ્થાનિકોએ ગામના વિવિધ વિસ્તારોમાં ચૂંટણી બહિષ્કારના પોસ્ટરો લગાવી પોતાનો વિરોધ નોંધાવ્યો છે. ગ્રામજનોનો આરોપ છે કે ગામમાં યોગ્ય સ્મશાનની સુવિધા નથી, જેના કારણે અંતિમ સંસ્કાર વખતે ભારે હાલાકી ભોગવવી પડે છે.સ્મશાનની સમસ્યા નહીં ઉકેલાતા ગ્રામજનોમાં રોષ અનેક રજૂઆતો કરવા છતાં તંત્ર કે રાજકીય નેતાઓ દ્વારા આ બાબતે કોઈ નક્કર કાર્યવાહી કરવામાં આવી નથી. આ પાયાની જરૂરિયાત સંતોષવામાં તંત્રની નિષ્ફળતા સામે હવે લોકોએ મક્કમ વલણ અપનાવ્યું છે. ગામમાં ઠેર-ઠેર લાગેલા પોસ્ટરોમાં સ્પષ્ટ લખવામાં આવ્યું છે કે જ્યાં સુધી સ્મશાનની સમસ્યાનો કાયમી ઉકેલ નહીં આવે ત્યાં સુધી કોઈ પણ પક્ષના ઉમેદવારને ગામમાં પ્રચાર કરવા દેવામાં આવશે નહીં અને ગ્રામજનો મતદાનથી દૂર રહેશે. સ્મશાનના અભાવનો ગ્રામજનોમાં ભારે વિરોધચૂંટણી ટાણે જ ગ્રામજનોએ આક્રમક મૂડ ધારણ કરતા રાજકીય પક્ષોમાં દોડધામ મચી ગઈ છે. લોકશાહીના પર્વમાં જ્યારે પાયાની સુવિધાઓ માટે બહિષ્કારની ચીમકી અપાય ત્યારે તે વહીવટી તંત્ર માટે ચિંતાનો વિષય બને છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
