Community News & Updates

Stay informed with the latest happenings, achievements, and announcements from our community.

All News

calendar_today October 19, 2026

Mandal : માંડલ-રખીયાણા ચોકડી વચ્ચે આઈસર અને છોટા હાથી વચ્ચે અકસ્માત સર્જાયો

અમદાવાદ જિલ્લાના માંડલ ગ્રામ્યના વિસ્તારમાં રખીયાણા ચોકડી વચ્ચે આઈસર ટ્રક અને છોટાહાથી વાહન વચ્ચે અકસ્માત સર્જાયો હતો. આઈસર ચાલકે છોટાહાથીને ટક્કર મારતાં અકસ્માતની ઘટના બની હતી. અકસ્માતને પગલે ઘટનાસ્થળે લોકો એકત્ર થયાં હતાં અને ઈજાગ્રસ્તોને મદદરૂપ બની નજીકની હોસ્પિટલે સારવાર પહોંચાડાયાં હતાં. પ્રાપ્ત વિગતો અનુસાર, માંડલ અને રખીયાણા ચોકડી ઉપર આઈસર વાહન પસાર થઈ રહ્યું હતુ, તે દરમ્યાન આઈસરના ચાલકે છોટા હાથીને ટક્કર મારી દેતાં અકસ્માત સર્જાઈ ગયો હતો. આ અકસ્માતમાં ઈજાગ્રસ્ત મુસાફરોને નજીકની હોસ્પિટલમાં સારવાર અર્થે ખસેડવામાં આવ્યાં હતાં. ઘટનાની જાણ માંડલ પોલીસ થતાં પોલીસે આ મામલે વધુ તપાસ સાથેની કાર્યવાહી હાથ ધરી છે. અકસ્માત કયાં સંજોગોમાં સર્જાયો અને તેમાં કોઈ અન્યને ઈજાઓ પહોંચી છે કેમ તે સહિતની પોલીસે તપાસ હાથ ધરી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 19, 2026

Surendranagar : ધ્રાંગધ્રાના સોલડી બાયોમેડિકલ વેસ્ટ પ્લાન્ટના વિરોધમાં ગ્રામજનો અનશનમાં ઉતર્યા

ધ્રાંગધ્રાના સોલડીની ફળદ્રુપ જમીનમાં દેવયોગી હેલ્થ કેર કંપની દ્વારા બાયોમેડીકલ વેસ્ટ ટ્રીટમેન્ટ પ્લાન્ટ સ્થાપવા માટે હાજરો લોકોના વિરોધ વચ્ચે મંજૂરી મેળવી લીધી છે.આજુબાજુના 20 ગામના ગ્રામજનોનો ખુલ્લો વિરોધ છતાય કંપની પ્લાન્ટ શરૂ કરવા મક્કમ હોય એવુ લાગી રહયુ છે સામે કોઇ પણ ભોગે અહી આ પ્લાન્ટ શરૂ નહી થવા દેવા માટે ગ્રામજનો ખેડૂતોએ પણ મક્કમ અને એકજૂટ થઇને સોલડી ગામમાં અનશન ઉપર બેસીને ગાંધીચીંધ્યા માર્ગે વિરોધ શરૂ કર્યો છે.આ પ્લાન્ટના કારણે ફળદ્રુપ જમીન, જમીનના પાણીના તળ, આરોગ્ય પર્યાવરણ અને સ્કૂલના બાળકો ઉપર જોખમ તોળાઇ રહયુ હોવાથી ગ્રામજનોની આ લડતમાં ધ્રાંગધ્રા સંસ્કારધામ ગુરૂકુળ અને ભગવતધામ ગુરૂકુળના સંતોએ પણ અનશનમાં હાજરી આપી ખેડૂતો અને ગ્રામજનોને સમર્થન આપ્યુ છે.આ લડતમાં ગ્રામજનો, ખેડૂતો સાથે મહિલાઓ અને બાળકો પણ જોડાઇ રહયા છે અને કંપનીનો ખુલ્લો વિરોધ કરી સોલડીમાં આ પ્લાન્ટ શરૂ નહી થવા દેવા માટે ઉંચ કક્ષા સુધી રજૂઆતો પણ કરી ચુકયા છે. હવે સરકાર અને આ કંપની શું નિર્ણય લે છે એની સામે સૌની નજર મંડાયેલીછે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 19, 2026

Khambhat : ના 650 વર્ષ જૂના મહાલક્ષ્મી માતાજી મંદિરનો અનોખો મહિમા

ઐતિહાસિક ત્રંબાવટી નગરી ખંભાતની ધાર્મિક અને સાંસ્કૃતિક વિરાસતનું ગૌરવ એટલે આશરે 650 વર્ષ જૂનું શ્રી મહાલક્ષ્મી માતાજી મંદિર! સદીઓથી શ્રદ્ધાળુઓની આસ્થાનું કેન્દ્ર રહેલા આ મંદિરનો ઇતિહાસ જેટલો પ્રાચીન છે, એટલી જ અનોખી તેની સ્થાપનાની ગાથા છે. મંદિરના હાલના પુજારી ભયલુ મહારાજના જણાવ્યા મુજબ, તેમના પરિવારની ચાર પેઢીઓથી માતાજીની સેવા-પૂજાની પરંપરા અવિરત ચાલી રહી છે. મંદિરના ઇતિહાસ અંગે મળતી માહિતી મુજબ, પ્રાચીન સમયમાં અહીં વિશાળ સમુદ્ર હતો અને દરિયાના બેટ જેવી જગ્યાએ ખારવા તથા માછી સમાજના લોકોને સૌપ્રથમ માતાજીની મૂર્તિનાં દર્શન થયાં હતાં. ત્યારબાદ સંવત 1526 માં નાની દેરીની સ્થાપના થઈ અને સંવત 1622 માં ત્રંબાવટી નગરીના વિદ્વાન પંડિત શિવાનંદ સ્વામીએ વિશાળ મંદિરની રચના કરી માતાજીની પ્રાણપ્રતિષ્ઠા કરી હતી. આ મંદિરની વિશેષતા માત્ર તેના પ્રાચીન ઇતિહાસ પૂરતી સીમિત નથી, પરંતુ અહીં બિરાજમાન માતાજીની અલૌકિક મૂર્તિ પણ ભક્તો માટે આસ્થાનું વિશિષ્ટ કેન્દ્ર છે. માતાજીના ચાર હાથમાં શંખ, ચક્ર, ગદા અને પદ્મ છે, જ્યારે મસ્તક પર શિવલિંગ (માથુલિંગ) તથા સમગ્ર શરીર પર સાત ફેણવાળા શેષનાગનું સ્વરૂપ જોવા મળે છે. મંદિરની આસપાસ દસ મહાવિદ્યાઓનાં સ્વરૂપ પણ દ્રશ્યમાન થાય છે. પંડિત શિવાનંદ સ્વામી દ્વારા માતાજીની આરતીની રચના કરવામાં આવી હોવાનું જણાવાય છે અને આજે પણ મંદિરમાં પૌરાણિક ગરબા ગાવાની પરંપરા જળવાઈ રહી છે. માતાજીના સાનિધ્યમાં ફ્ળ અર્પણ કરવાથી સંતાનપ્રાપ્તિ થાય છે તેવી ભક્તોની અતૂટ શ્રદ્ધા છે. નવ ન્યાતનાં કુળદેવી તરીકે પૂજાતાં મહાલક્ષ્મી માતાજીનું મંદિર ખંભાતની ધાર્મિક ઓળખ અને પેઢી દર પેઢી જળવાયેલી આસ્થાનું પ્રતીક બન્યું છે. માતાજીનો જન્મોત્સવ ભાદરવા વદ સાતમના રોજ રાત્રે 12 વાગ્યે કેસર સ્નાન સાથે ઉજવાય છે, જ્યારે ભાદરવા વદ આઠમના દિવસે યજ્ઞનું આયોજન કરવામાં આવે છે. આ પ્રસંગે ધાર્મિક પરંપરાઓ અને માતાજી પ્રત્યેની શ્રદ્ધાનો અનોખો માહોલ સર્જાય છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward