Community News & Updates

Stay informed with the latest happenings, achievements, and announcements from our community.

All News

calendar_today October 21, 2026

CM ભગવંત માનને 50 હજારનો દંડ, ખાદ્ય તેલ મોંઘાં થવાના સંકેત, ટેક જગતમાં હડકંપ સહિતના મોટા સમાચાર

સંદેશ ન્યૂઝ ડિજિટલ પર વાંચો દિવસભરના તમામ મહત્વના અને મોટા સમાચાર1. Bangladesh જેવી હાલત ભારતમાં... સત્તા પરિવર્તનની વાત પર CM સુવેન્દુ અધિકારીએ શું કહ્યું?2. Daler Mehndiનું જાહેરમાં અપમાન, અનુપમ ખેરના આકરા પ્રહાર, મંત્રી જી..આમ કરવું જરૂરી હતું3. Tiger Shroff Firing Case : ફાયરિંગની ઘટના બાદ ટાઇગર શ્રોફની ટીમનું પહેલું નિવેદન! આપી કાનૂની કાર્યવાહીની ચેતવણી4. Ahmedabad News: ગુજરાતના એકમાત્ર વાઘને મળશે બે જીવનસાથી, બે વાઘણનું આગમન થશે5. Punjab: સીએમ ભગવંત માનને 3 કલાક દિલ્હી એરપોર્ટ પર રોક્યા! ફટકાર્યો 50 હજારનો દંડ6. Gandhinagar News: વીજ સંકટ વચ્ચે રાજ્ય સરકાર લાવશે સોલાર રૂફટોપની નવી યોજના, જાણો કોને મળશે લાભ?7. Qualcomm Layoff: ક્વોલકોમ કંપનીએ એકસાથે 52,000 કર્મચારીઓને ધડાધડ મોકલ્યા મેમો, ટેક જગતમાં હડકંપ8. Petrol Diesel Price Today: પેટ્રોલ-ડીઝલના આજના લેટેસ્ટ ભાવ જાહેર, તમારા શહેરમાં આજે મોંઘું થયું કે સસ્તું?9. Edible Oil Price Hike: તહેવારો પહેલાં મોંઘવારીનો મોટો ઝટકો! ખાદ્ય તેલ મોંઘાં થવાના સંકેત10. Stock Market Opening: યુએસ-ઇન્ડિયા ટ્રેડ ડીલની આશા અને જિયો IPO વચ્ચે બજાર તેજી સાથે ખૂલ્યુ, રોકાણકારોની બલ્લે..બલ્લે

Read Full Story arrow_forward

calendar_today October 21, 2026

Bharuch News: અંકલેશ્વરના NH 48 પર હીટ એન્ડ રનની ઘટના, યુવતીનું મોત, 2 ઈજાગ્રસ્ત

ભરૂચ જિલ્લાના અંકલેશ્વર નજીકથી પસાર થતા નેશનલ હાઈવે નંબર 48 પર એક ગમખ્વાર અકસ્માતની ઘટના સામે આવી છે. જ્યાં એક પૂર ઝડપે જઈ રહેલા અજાણ્યા વાહન ચાલકે મોપેડ સવાર લોકોને જોરદાર ટક્કર મારી હતી. આ ભીષણ ટક્કરને કારણે મોપેડ પર સવાર 3 લોકો રસ્તા પર ફંગોળાયા હતા, જેમાં એક 20 વર્ષીય યુવતીનું ઘટના સ્થળે જ મોત નીપજ્યું હતું.શ્રમજીવી પરિવાર પર આભ તૂટ્યુંઘટનાની મળતી માહિતી અનુસાર, અકસ્માતનો ભોગ બનેલા આ શ્રમજીવી લોકો મૂળ મધ્ય પ્રદેશના વતની છે. તેઓ રોજિંદા કામ અર્થે અંકલેશ્વરના પાનોલી વિસ્તારમાં આવેલા કામધેનુ એસ્ટેટ તરફ જઈ રહ્યા હતા. રસ્તામાં NH 48 પર અજાણ્યા વાહને તેમની મોપેડને ટક્કર મારી હતી. આ અકસ્માતમાં યુવતીના મોત ઉપરાંત અન્ય બે લોકોને શરીરના ભાગો પર નાની-મોટી ઇજાઓ પહોંચી છે, જેને પગલે ઈજાગ્રસ્તોને તાત્કાલિક સારવાર અર્થ ખસેડવામાં આવ્યા છે.પોલીસે અજાણ્યા વાહન ચાલકની શોધખોળ હાથ ધરીઘટનાની જાણ થતા જ સ્થાનિક ગ્રામ્ય પોલીસનો કાફલો તાત્કાલિક ઘટના સ્થળે દોડી આવ્યો હતો. પોલીસે મૃતદેહને કબ્જે કરી પોસ્ટ મોર્ટમ અર્થે મોકલી આપ્યો છે અને ઈજાગ્રસ્તોના નિવેદન નોંધવાની તજવીજ હાથ ધરી છે. અકસ્માત સર્જીને નાસી છૂટેલા અજાણ્યા વાહન ચાલક વિરુદ્ધ ગુનો નોંધીને પોલીસે આસપાસના સીસીટીવી ફૂટેજ મેળવવાની અને વધુ તપાસ કરવાની કવાયત તેજ કરી છે.આ પણ વાંચો: Bharuch: દક્ષિણ ગુજરાતની સહકારીતાને કોનું ગ્રહણ લાગ્યું? વાલિયાની 186.48 કરોડની ગણેશ સુગર ફેક્ટરી હરાજીમાં મુકાઈ

Read Full Story arrow_forward

calendar_today October 21, 2026

Ahmedabad: 23 ઓક્ટોબરથી પ્રથમ વખત ‘કોમનવેલ્થ કબડ્ડી ચેમ્પિયનશિપ 2026’, 13 દેશોના 400થી વધુ ખેલાડીઓ વચ્ચે મહામુકાબલો!

વિશ્વસ્તરીય સ્પોર્ટ્સ ઇન્ફ્રાસ્ટ્રક્ચર સાથે વૈશ્વિક રમતગમત હબ તરીકે ઊભરી રહેલા અમદાવાદ શહેરના નામે વધુ એક ઐતિહાસિક સિદ્ધિ નોંધાવા જઈ રહી છે. અમદાવાદ શહેરમાં સૌપ્રથમ વખત આંતરરાષ્ટ્રીય કક્ષાની ‘કોમનવેલ્થ કબડ્ડી ચેમ્પિયનશિપ 2026 નું ભવ્ય આયોજન થવા જઈ રહ્યું છે. આ મેગા સ્પોર્ટ્સ ઇવેન્ટ આગામી 23 ઓક્ટોબરથી 31 ઓક્ટોબર દરમિયાન યોજાશે. આ ટુર્નામેન્ટનું આયોજન ખાસ પ્રેરણાદાયી થીમ ‘વન બ્રેથ, વન રેડ, વન ચેમ્પિયનશિપ’  હેઠળ કરવામાં આવી રહ્યું છે. દેશ-વિદેશના રમતપ્રેમીઓ માટે અમદાવાદ આ દિવસોમાં કબડ્ડીના રોમાંચનું કેન્દ્રબિંદુ બનશે.13 દેશોના 400થી વધુ ખેલાડીઓ અને 62 રોમાંચક મુકાબલામોટી સંખ્યામાં સહભાગિતા: આ ચેમ્પિયનશિપમાં 13 દેશોના 400થી વધુ દિગ્ગજ ખેલાડીઓ પોતાની રમત કૌશલ્યનું પ્રદર્શન કરશે.પુરુષ અને મહિલા વર્ગ: સ્પર્ધામાં પુરુષ અને મહિલા વર્ગની મળીને કુલ 23 ટીમો ભાગ લેશે. 23 થી 31 ઓક્ટોબર સુધીના 9 દિવસો દરમિયાન કુલ 62 હાઈ-વોલ્ટેજ મેચો રમાશે. પ્રથમ કોમનવેલ્થ કબડ્ડી ચેમ્પિયનશિપના ઇતિહાસમાં પુરુષ તેમજ મહિલા બંને વર્ગની ચેમ્પિયન ટીમોને વિશેષ ટ્રોફી એનાયત કરવામાં આવશે.વિશ્વભરના દિગ્ગજ દેશો મેદાનમાંઆ ટુર્નામેન્ટમાં વિશ્વના વિવિધ ખંડોમાંથી આવતા કોમનવેલ્થ દેશો ભાગ લઈ રહ્યા છે. એશિયા અને અમેરિકા: યજમાન ભારત ઉપરાંત શ્રીલંકા, બાંગ્લાદેશ, મલેશિયા અને કેનેડાની ટીમો મેદાનમાં ઉતરશે.આફ્રિકન રાષ્ટ્રો: નાઇજીરીયા, કેન્યા અને યુગાન્ડાના શક્તિશાળી ખેલાડીઓ પોતાની તાકાત બતાવશે. યુરોપ: યુનાઈટેડ કિંગડમમાંથી ઈંગ્લેન્ડ અને સ્કોટલેન્ડની રાષ્ટ્રીય ટીમો પણ અમદાવાદની ધરતી પર કબડ્ડી રમવા પહોંચશે.ખેલ જગતમાં અમદાવાદનું વધતું કદઅમદાવાદમાં ઓલિમ્પિક સ્તરની સુવિધાઓ અને સ્ટેડિયમ ઉપલબ્ધ હોવાથી આંતરરાષ્ટ્રીય રમત પરિષદો અને ફેડરેશન દ્વારા મહત્વપૂર્ણ આયોજનો માટે અમદાવાદની પસંદગી થઈ રહી છે.આ ચેમ્પિયનશિપ દ્વારા કબડ્ડીની ભારતીય દેશી રમતને કોમનવેલ્થ દેશોમાં વધુ લોકપ્રિય બનાવવાનો અને વૈશ્વિક માન્યતા અપાવવાનો માર્ગ મોકળો બનશે.આયોજકો દ્વારા આંતરરાષ્ટ્રીય ટીમોના આગમન, સુરક્ષા અને પ્રેક્ષકોના પ્રવેશ માટે અત્યારથી જ પૂરજોશમાં તૈયારીઓ શરૂ કરી દેવામાં આવી છે.આ પણ વાંચો: Ahmedabad: શહેરમાં પીક અવર્સમાં ભારે વાહનોની ખુલ્લેઆમ અવરજવર, ટ્રાફિક પોલીસ કેમ આવા ડમ્પર ચાલક સામે ઘૂંટણિયે?

Read Full Story arrow_forward