Community News & Updates

Stay informed with the latest happenings, achievements, and announcements from our community.

All News

calendar_today October 20, 2026

Bhavnagar: IDBI બેંકના મ્યુલ એકાઉન્ટ થકી ₹1.41 કરોડના ફ્રોડનો પર્દાફાશ, સુનિલ કારેલીયા સામે કાયદેસર કાર્યવાહી

સાયબર ઠગાઈ અને ઓનલાઈન નાણાકીય કૌભાંડો આચરતી આંતરરાજ્ય સિન્ડિકેટ વિરુદ્ધ ભાવનગર સાયબર ક્રાઇમ પોલીસને એક ખૂબ મોટી અને મહત્વની સફળતા સાંપડી છે. સાયબર ક્રાઇમ પોલીસે બેંક ખાતાનો દુરુપયોગ કરી આચરવામાં આવેલા રૂપિયા 1.41 કરોડના નાણાકીય ફ્રોડનો પર્દાફાશ કર્યો છે. દેશના અલગ-અલગ રાજ્યોમાંથી થયેલી છેતરપિંડીના નાણાં ભાવનગર સ્થિત IDBI બેંકના એક શંકાસ્પદ ‘મ્યુલ એકાઉન્ટ’ માં જમા કરાવી, માત્ર 4 દિવસની અંદર યુપીઆઈ (UPI) મારફતે ઉપાડી લેવાનું સુનિયોજિત ષડયંત્ર બહાર આવ્યું છે. પોલીસે આ મામલે શહેરના કુંભારવાડા વિસ્તારમાં રહેતા સુનિલ કારેલીયા નામના શખ્સ સામે ગુનો નોંધી વધુ તપાસના ચક્રો ગતિમાન કર્યા છે.4 દિવસમાં ₹1.41 કરોડની હેરાફેરી: UPI મારફતે રકમ સેરવી લીધીઆરોપી સુનિલ કારેલીયાના નામે રહેલા IDBI બેંક એકાઉન્ટનો ઉપયોગ સાયબર ઠગો દ્વારા ‘મ્યુલ એકાઉન્ટ’ તરીકે કરવામાં આવ્યો હતો.10 નવેમ્બરથી 13 નવેમ્બર દરમિયાન માત્ર ચાર જ દિવસના ટૂંકા ગાળામાં આ ખાતામાં દેશના જુદા-જુદા ભાગોમાંથી ટુકડે-ટુકડે કુલ ₹1.41 (એક કરોડ એકતાળીસ લાખ રૂપિયા) જમા થયા હતા.નાણાં જમા થતાંની સાથે જ બેંક ટ્રાન્ઝેક્શન ટ્રેસ ન થાય તે માટે ગણતરીના કલાકોમાં યુપીઆઈ (UPI) તેમજ અન્ય ઓનલાઈન પેમેન્ટ ગેટવે મારફતે આ સમગ્ર જંગી રકમ અલગ-અલગ ખાતાઓમાં ટ્રાન્સફર કરી રોકડ સ્વરૂપે ઉપાડી લેવામાં આવી હતી.દેશભરમાંથી 12 અરજીઓ મળ્યા બાદ ભાવનગર પોલીસની મોટી કાર્યવાહીઆ સમગ્ર નેટવર્કનો પર્દાફાશ દેશવ્યાપી ફરિયાદોના સંકલનથી થયો છે.દેશના જુદા જુદા રાજ્યોમાં રહેતા સામાન્ય નાગરિકો સાથે શેરબજાર, ટાસ્ક ફ્રોડ કે અન્ય ઓનલાઈન માધ્યમથી થયેલી ઠગાઈ બાદ નેશનલ સાયબર ક્રાઈમ રિપોર્ટિંગ પોર્ટલ (NCRP) પર ફરિયાદો નોંધાઈ હતી. આ પૈકીની 12 જેટલી સાયબર ફ્રોડની અરજીઓ માં લૂંટાયેલા નાણાં છેવટે ભાવનગરના IDBI બેંક ખાતામાં જમા થયા હોવાનું ટેકનિકલ એનાલિસિસમાં સ્પષ્ટ થયું હતું.કેન્દ્રીય એજન્સીઓ અને અન્ય રાજ્યોની પોલીસ પાસેથી મળેલા ઇનપુટ્સના આધારે ભાવનગર સાયબર ક્રાઇમ ટીમે એકાઉન્ટ હોલ્ડર અને ટ્રાન્ઝેક્શનની કડીઓ જોડી સમગ્ર કૌભાંડ ખુલ્લું પાડ્યું હતું.કુંભારવાડાના સુનિલ કારેલીયા સામે ગુનો દાખલસાયબર ક્રાઇમ પોલીસે સત્તાવાર ફરિયાદ દાખલ કરી આગળની કાર્યવાહી હાથ ધરી છે. ભાવનગરના કુંભારવાડા વિસ્તારના રહેવાસી સુનિલ કારેલીયા વિરુદ્ધ આઈટી એક્ટ અને છેતરપિંડીની કલમો હેઠળ ગુનો દાખલ કરવામાં આવ્યો છે.પોલીસ હવે એ દિશામાં સઘન તપાસ કરી રહી છે કે સુનિલ કારેલીયાએ કમિશનની લાલચમાં પોતાનું બેંક એકાઉન્ટ ભાડે આપ્યું હતું કે પછી તે પોતે આ સાયબર સિન્ડિકેટનો સક્રિય સભ્ય છે.UPI મારફતે જે જે એકાઉન્ટ્સમાં નાણાં મોકલવામાં આવ્યા છે તેની હિસ્ટ્રી મેળવીને આંતરરાજ્ય સાયબર નેટવર્કના મુખ્ય સૂત્રધારો સુધી પહોંચવા પ્રયાસો તેજ કરવામાં આવ્યા છે.આ પણ વાંચો: Morbi: શેરબજારમાં જંગી કમાણીની લાલચે વેપારીના ₹84.80 લાખ સ્વાહા! ‘Galad Arab’ એપથી સર્જાયો ઠગાઈનો ખેલ

Read Full Story arrow_forward

calendar_today October 20, 2026

Gujarat Weather News: રાજકોટ બન્યું રાજ્યનું સૌથી ગરમ શહેર, જાણો તાપમાનનો પારો કેટલો ઊંચકાશે?

હવામાન વિભાગના પૂર્વાનુમાન અનુસાર સમગ્ર રાજ્યમાં આગામી સમયમાં મહત્તમ તાપમાનમાં સતત વધઘટ નોંધાતી રહેશે.વાતાવરણમાં થઈ રહેલા આ બદલાવ પાછળ હાલ ફૂંકાઈ રહેલા દક્ષિણ પશ્ચિમી પવનો મુખ્ય પરિબળ માનવામાં આવી રહ્યા છે. આ પવનો ફૂંકાવાને કારણે રાજ્યના વિવિધ વિસ્તારોમાં તાપમાનનો પારો એકસરખો સ્થિર રહેવાને બદલે તેમાં વધઘટની સ્થિતિ સર્જાતી રહેશે. અમદાવાદમાં મહત્તમ તાપમાન 38 ડિગ્રી જેટલું નોંધાવાનું અનુમાન વિભાગ તરફથી દર્શાવવામાં આવ્યું છે.અમદાવાદ સહિત રાજ્યભરમાં ખાસ કરીને બપોરના સમયે ગરમીની સીધી અસર વધુ પ્રમાણમાં વર્તાશે.હવામાન વિભાગના જણાવ્યા પ્રમાણે તાપમાનમાં જોવા મળતી આ વધઘટ અને દક્ષિણ પશ્ચિમી પવનોને પગલે બપોરના ગાળામાં ગરમીનું પ્રમાણ વધશે.ભેજનું પ્રમાણ વધી જતા આ વિસ્તારમાં ધુમ્મસ છવાયુંરાજકોટ ફરી રાજ્યનું સૌથી ગરમ શહેર બન્યું છે.ગરમીનો પારો 41 ડિગ્રી સુધી પહોંચી જતા શહેરીજનોએ ઉનાળા જેવો આકરો તાપનો અનુભવ કર્યો હતો. રાજકોટ ઉપરાંત દ્વારકા, પોરબંદર, સુરેન્દ્રનગર સહિતના શહેરોમાં તાપમાનમાં એકથી બે ડિગ્રીનો વધારો થયો હતો. અરબી સમુદ્રમાં સર્જાયેલ સાયક્લોનીક સરક્યુલેશનના કારણે સૌરાષ્ટ્ર-કચ્છના અનેક વિસ્તારોમાં વાદળછાયું વાતાવરણ રહેવાની શક્યતા છે અને ક્યાંક કમોસમી વરસાદની પણ વકી છે. સવારે દ્વારકા, ઓખા અને વેરાવળ વિસ્તારમાં ભેજનું પ્રમાણ વધી જતા આ વિસ્તારમાં ધુમ્મસ છવાયું હતું.રાજકોટ શહેરમાં ગરમીથી લોકો ત્રાહિમામરાજકોટ શહેરમાં સવારે હવામાં ભેજનું પ્રમાણ 49 ટકા સાથે લઘુત્તમ તાપમાનના પારો બે ડિગ્રી ઘટી 23.2 ડિગ્રીએ સ્થિર થયો હતો અને મધ્યાહન થતાની સાથે જ ગરમીનો પારો 40.8 ડિગ્રી પહોંચી જતા શહેરીજનો આકરા તાપમાં આકુળ-વ્યાકુળ થયા હતા.જ્યારે કંડલા પોર્ટમાં 39.5, સુરેન્દ્રનગરમાં 39.3, નલીયામાં 38.5, પોરબંદર-કેશોદમાં 38.4, અમરેલીમાં 37.3, ભાવનગર-મહુવામાં 36.4, દ્વારકામાં 36.2, દીવમાં 35, વેરાવળમાં 34.3 અને ઓખામાં 33 ડિગ્રી તાપમાન નોંધાયું હતું. શિયાળામાં ઠંડાનગર તરીકે જાણીતા નલીયામાં પ્રથમ વાર લઘુત્તમ તાપમાન 20.1ડિગ્રી થઈ ગયું હતું.આ ઉપરાંત ભાવનગર, પોરબંદર, સુરેન્દ્રનગર, કંડલા સહિતના શહેરોમાં પણ પારો બેથી ત્રણ ડિગ્રી ઘટી ગયો હતો.તાપમાનનો પારો ઊંચો નોંધાતાં ગરમી અને ઉકળાટનું પ્રમાણકચ્છમાં મહત્તમ તાપમાનનો પારો ઊંચો નોંધાતાં ગરમી અને ઉકળાટનું પ્રમાણ યથાવત્ રહ્યું છે.રાજકોટ બાદ કંડલા પોર્ટ રાજ્યનું બીજા નંબરનું સૌથી ગરમ મથક રહ્યું હતું.આસો માસમાં પણ લોકોને ઉનાળા જેવી ગરમીનો અનુભવ થઈ રહ્યો છે.વહેલી સવારે વાતાવરણમાં ઝાકળ જોવા મળે છે.પરંતુ સૂર્યોદય થતાં જ ગરમીનો અહેસાસ શરૂ થઈ જાય છે, જે મોડી સાંજ સુધી યથાવત્ રહે છે.દિવસ દરમિયાન આકરા તાપ અને ઉકળાટથી લોકો પરેશાન થઈ રહ્યા છે.જ્યારે રાત્રિના સમયે સામાન્ય ઠંડક અનુભવાતાં બેવડી ઋતુનો માહોલ જોવા મળી રહ્યો છે. કચ્છમાં આજે સોમવારે નોંધાયેલા મહત્તમ તાપમાનના આંકડા મુજબ કંડલા પોર્ટ વિસ્તારમાં સૌથી વધુ 39.5 ડિગ્રી તાપમાન નોંધાયું હતું.જ્યારે જિલ્લા મથક ભુજમાં 36 ડિગ્રી, નલિયામાં 38.5 ડિગ્રી અને કંડલા એરપોર્ટ વિસ્તારમાં 38.4 ડિગ્રી મહત્તમ તાપમાન નોંધાયું હતું.સામાન્ય રીતે શિયાળાની ઋતુમાં ઠંડી માટે જાણીતા નલિયામાં પણ મહત્તમ તાપમાન ઊંચું રહેતાં ગરમીનો અહેસાસ થઈ રહ્યો છે. આ પણ વાંચોઃ Ahmedabad News: શહેરમાં 10 દિવસમાં લોકોએ 2 કરોડની કિંમત સુધીની લક્ઝુરિયસ કાર ખરીદી, જાણો ટુવ્હીલર કેટલા વેચાયા?

Read Full Story arrow_forward

calendar_today October 20, 2026

Patan News: ઉત્તર ગુજરાતમાં વરસાદની અછત વચ્ચે ખેડૂતોની મુશ્કેલી વધતા પૂર્વ ધારાસભ્યની રજૂઆત

ઉત્તર ગુજરાતના પાટણ અને બનાસકાંઠા જિલ્લામાં ચાલુ ચોમાસાની ઋતુ દરમિયાન વરસાદ ખૂબ ઓછો પડ્યો છે.પૂરતો વરસાદ ન થવાના કારણે ખેડૂતોની સ્થિતિ અત્યંત કફોડી બની ગઈ છે.બંને જિલ્લાઓમાં વરસાદના અભાવે ખરીફ પાક સંપૂર્ણ નિષ્ફળ સાબિત થયો છે.વાવણી બાદ ખેતી માટે જરૂરી પૂરતી વીજળી પણ ખેડૂતોને મળી શકી ન હતી.વીજળીના અભાવે ખેતરોમાં ઉભેલો મોંઘો ખરીફ પાક પાણી વિના બળીને ખાખ થઈ ગયો હતો.આ કુદરતી આપદાના કારણે ધરતીપુત્રોને લાખો રૂપિયાનું મોટું આર્થિક નુકસાન વેઠવું પડ્યું છે.ખરીફ સીઝન નિષ્ફળ ગયા પછી હવે શિયાળુ પાકના વાવેતરનો સમય શરૂ થયો છે.પરંતુ ખેતરોમાં સિંચાઈ માટે પૂરતું પાણી ઉપલબ્ધ ન હોવાથી વાવેતર માટે ભારે તંગી સર્જાઈ છે. ખાલી તળાવો તાકીદે ભરવા માટે રજૂઆતપૂર્વ ધારાસભ્ય ચંદનજી ઠાકોરે સમગ્ર પરિસ્થિતિ અંગે મુખ્યમંત્રી ભૂપેન્દ્ર પટેલને એક પત્ર લખીને રજૂઆત કરી છે.પત્રમાં તેમણે જણાવ્યું છે કે ઉત્તર ગુજરાતના દાંતીવાડા જળાશયમાં હાલ પૂરતું પાણી ઉપલબ્ધ નથી.દાંતીવાડા ડેમમાં પાણીનો સંગ્રહ ન હોવાથી તેના કમાન્ડ વિસ્તારના ખેડૂતો ભારે મુશ્કેલીમાં મુકાયા છે.કમાન્ડ વિસ્તાર હેઠળ આવતી જમીનોને સિંચાઈનું પાણી મળવું હવે સાવ અશક્ય બની ગયું છે.તેથી પાટણ જિલ્લામાંથી પસાર થતી સુજલામ-સુફલામ કેનાલમાં તાત્કાલિક પાણી છોડવું ખૂબ જરૂરી બન્યું છે.સુજલામ-સુફલામ કેનાલમાં પાણી છોડવાથી આસપાસના ગ્રામીણ વિસ્તારોના ખેડૂતોને ખેતી માટે ઘણો મોટો ટેકો મળી શકશે.આ સાથે નર્મદા પાઈપલાઈન મારફતે ગામોના તમામ ખાલી તળાવો તાકીદે ભરવા માટે રજૂઆત કરવામાં આવી છે. કૂવા અને બોરવેલના પાણીના તળ ઊંચા આવશેનર્મદા પાઈપલાઈન દ્વારા તળાવો ભરાશે તો સમગ્ર વિસ્તારના કૂવા અને બોરવેલના પાણીના તળ ઊંચા આવશે.પરિણામે ધરતીપુત્રો રવિ સીઝન દરમિયાન પોતાના પાકને જરૂરી પાણી આપી શકશે.સિંચાઈ વ્યવસ્થા સુનિશ્ચિત કરવા માટે આ પગલાં લેવા અત્યંત અનિવાર્ય હોવાનું જણાવાયું છે.ગામડાંના ખાલી તળાવો ભરવાથી માત્ર ખેતીના રવિ પાકને જ સિંચાઈ મળશે એવું નથી. આ નિર્ણયથી ઉત્તર ગુજરાતના હજારો પશુપાલકો માટે પણ મોટી રાહત સર્જાશે. હાલના સમયે ગામડાંઓમાં ઢોરઢાંખર માટે પીવાના પાણીનો અતિ ગંભીર પ્રશ્ન ઉપસ્થિત થયો છે. અબોલ પશુઓને પીવાનું શુદ્ધ પાણી સરળતાથી મળી રહેશેતળાવો પાણીથી છલકાશે તો અબોલ પશુઓને પીવાનું શુદ્ધ પાણી સરળતાથી મળી રહેશે. આથી પશુપાલન અને દૂધ વ્યવસાય સાથે જોડાયેલા ગ્રામીણ પરિવારોને પણ મોટું આર્થિક રક્ષણ મળશે. પૂર્વ ધારાસભ્યએ સરકારને સ્પષ્ટ શબ્દોમાં ખેડૂતોની વહારે આવવા આહવાન કર્યું છે. જો કેનાલ અને પાઈપલાઈન દ્વારા તાત્કાલિક પાણી નહીં છોડાય તો સ્થિતિ વધુ વણસશે. પત્રના અંતે ખેડૂતોના હિત માટે ગાંધી ચિંધ્યા માર્ગે ઉગ્ર આંદોલન કરવાની ખુલ્લી ચીમકી અપાઈ છે. અન્નદાતાઓના અધિકાર માટે ધરતીપુત્રો આંદોલનના માર્ગે આગળ વધશે તેમ તેમણે જણાવ્યું છે. શાસક પક્ષે આ રજૂઆતને ગંભીરતાથી લઈ ત્વરિત યોગ્ય નિર્ણય લેવો પડશે. ખેડૂતો અને પશુપાલકોના આ અતિ ગંભીર પ્રશ્ને સરકારે તુરંત હકારાત્મક પગલાં ભરવા જોઈએ તેવી પ્રબળ માંગ છે.આ પણ વાંચોઃ Gujarat Weather News: રાજકોટ બન્યું રાજ્યનું સૌથી ગરમ શહેર, જાણો તાપમાનનો પારો કેટલો ઊંચકાશે?

Read Full Story arrow_forward