Community News & Updates

Stay informed with the latest happenings, achievements, and announcements from our community.

All News

calendar_today October 16, 2026

Ambajiમાં નવરાત્રિ પર્વે જાણીતા સિંગર નીતિન મુકેશે કર્યા મા અંબાના દર્શન

પ્રખ્યાત યાત્રાધામ અંબાજી ખાતે નવરાત્રિના પાવન પર્વે બોલિવૂડના જાણીતા પ્લેબેક સિંગર નીતિન મુકેશે મા અંબાના દરબારમાં શીશ નવાવી ધન્યતા અનુભવી હતી. મા અંબા પ્રત્યે અતૂટ શ્રદ્ધા ધરાવતા નીતિન મુકેશ અવારનવાર માતાજીના દર્શનાર્થે અંબાજી આવે છે. આ વખતે પણ નવરાત્રિ દરમિયાન અંબાજી પહોંચી તેમણે ભક્તિભાવપૂર્વક પૂજા-અર્ચના કરી હતી અને માતાજીની ભક્તિમાં લીન થયા હતા.અંબાજી ધામમાં જાણીતા ગાયક નીતિન મુકેશની ભક્તિઅંબાજી મંદિરના પવિત્ર ચાચર ચોકમાં સિંગર નીતિન મુકેશે મા અંબાના ગરબાનું ગાન કર્યું હતું. તેમણે પોતે આ સુંદર ક્ષણોનો વીડિયો પોતાના અધિકૃત ઇન્સ્ટાગ્રામ એકાઉન્ટ પર પોસ્ટ કર્યો હતો, જે સોશિયલ મીડિયા પર ખુબ જ વાયરલ થઈ રહ્યો છે. ચાચર ચોકમાં માતાજીની ભક્તિમાં લીન થઈને ગરબા ગાતા સિંગરને જોઈને ઉપસ્થિત ખેલૈયાઓ અને માઈ ભક્તો પણ ભાવવિભોર બની ગયા હતા."ગુજરાત મારું મોસાળ છે, માતાજીની મારા પર અપાર કૃપા"– નીતિન મુકેશમા અંબા પ્રત્યે પોતાની શ્રદ્ધા વ્યક્ત કરતાં નીતિન મુકેશે જણાવ્યું હતું કે, "મારા મમ્મી ગુજરાતી હતા, એટલે ગુજરાત મારું મોસાળ કહેવાય. હું નાનપણથી જ માતાજીના દર્શને આવું છું અને 2006થી સતત 20 વર્ષ સુધી મા અંબાની મારા પર અવિરત કૃપા રહી છે." તેમણે વધુમાં ઉમેર્યું હતું કે, "હું બંને નવરાત્રિમાં મા અંબાના દર્શન કરવાની ઈચ્છા રાખું છું. માતાજી જ્યારે પણ બોલાવે ત્યારે અમે દર્શનાર્થે દોડી આવીએ છીએ, મા અંબાની મારા પર અસીમ કૃપા છે."ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 16, 2026

CJP Tiranga March Live: અભિજીત દિપકે બાદ નેહા બોરાની પણ અટકાયત, મંડી હાઉસ નજીક કરી રહી હતી પ્રદર્શન

CJPના સ્થાપક અભિજીત દીપકેને દિલ્હી પોલીસ દ્વારા એક નોટિસ આપવામાં આવી, જેમાં જણાવવામાં આવ્યું છે કે કનોટ પ્લેસ (CP)માં વિરોધ પ્રદર્શનો કરવાની મંજૂરી નથી. દરમિયાન, કેટલાક વેપારીઓએ CJP વિરુદ્ધ વિરોધ પ્રદર્શન કર્યું.નેહા બોરાની કરી અટકાયતદિલ્હી પોલીસે અભિજીત દિપકે બાદ હવે નેહા બોરાની પણ અટકાયત કરી છે. મંડી હાઉસ નજીક AISA નો વિરોધ પ્રદર્શન ચાલુ હતું. =મુસાફરોને મુશ્કેલી ન પડે તે અમારી પ્રાથમિકતા- એડિશનલ સીપી, ટ્રાફિક એડિશનલ સીપી (ટ્રાફિક) ડીકે ગુપ્તાએ કહ્યું કે અમે ટ્રાફિકનું નિયમન કરવા માટે આ ઝોનમાં અમારા કર્મચારીઓને તૈનાત કર્યા છે. જો કોઈ વિક્ષેપ આવે, તો અમે લોકોને ઓછામાં ઓછી અસુવિધાનો સામનો કરવો પડે અને ટ્રાફિક સરળતાથી વહેતો રહે તે માટે સમયસર ડાયવર્ઝન લાગુ કરીશું. અમે ચોક્કસપણે સોશિયલ મીડિયા પર પણ નજર રાખી રહ્યા છીએ. અમારો પ્રાથમિક ઉદ્દેશ્ય મુસાફરોને કોઈ મુશ્કેલી ન પડે તેની ખાતરી કરવાનો છે. અમે બધા મુસાફરોને અમારી ટ્રાફિક સલાહનું પાલન કરવા વિનંતી કરીએ છીએ.  =અભિજીત દિપકેની કરી અટકાયતતિરંગા માર્ચ પહેલા દિલ્હી પોલીસે અભિજીત દિપકેની અટકાય કરી છે. અભિજીત દિપકે કનોટ પ્લેટમાં જવાની કોશિશ કરી રહ્યા હતા.  =અનેક વિસ્તારમાં સીસીટીવી કેમેરા લગાવ્યાસેન્ટ્રલ પાર્ક ખાતે CJPના ‘લહેરા દો તિરંગા’ વિરોધ પ્રદર્શનને ધ્યાનમાં રાખીને, કનોટ પ્લેસની આસપાસના વિસ્તારમાં અનેક CCTV કેમેરા લગાવવામાં આવ્યા છે. કાયદો અને વ્યવસ્થા જાળવી રાખવા માટે આ વિસ્તારમાં અને તેની આસપાસ સુરક્ષા દળો તૈનાત કરવામાં આવ્યા છે. =કનોટ પ્લેસમાં 163 કલમ લાગુ દિલ્હીમાં CJP (સીજેપી) દ્વારા આયોજિત ‘લહેરા દો તિરંગા’ વિરોધ પ્રદર્શન પહેલાં સેન્ટ્રલ પાર્કની આસપાસ સુરક્ષા વ્યવસ્થા સઘન બનાવવામાં આવી છે. કનોટ પ્લેસમાં કલમ 163 લાગુ છે અને NDMC (એનડીએમસી) દ્વારા ‘તિરંગા યાત્રા’ માટે કોઈ પરવાનગી આપવામાં આવી નથી. =તિરંગા યાત્રા ન યોજવા વેપારીઓએ પીએમ મોદીને લખ્યો પત્ર શહેરમાં તાજેતરમાં થયેલા વિરોધ પ્રદર્શનોને કારણે થયેલા નુકસાન અંગે વિવિધ વેપાર અને વ્યવસાયિક સંગઠનોએ વડાપ્રધાન નરેન્દ્ર મોદીને પત્ર લખ્યો છે અને તેમના હિતોનું રક્ષણ કરવા માટે આ બાબતે હસ્તક્ષેપ કરવાની માંગ કરી છે. =

Read Full Story arrow_forward

calendar_today October 16, 2026

Jammu Kashmir: મહિલા અધિકારી સાથેના દુર્વ્યવહાર પર ભડક્યા ઓમર અબ્દુલ્લા, જાણો શું કહ્યું?

જમ્મુ અને કાશ્મીરના મુખ્યમંત્રી ઓમર અબ્દુલ્લાએ શુક્રવારે જમ્મુ અને કાશ્મીર વહીવટી સેવા (JKAS) ની એક મહિલા અધિકારી દ્વારા એક વરિષ્ઠ IAS અધિકારી સાથે કરવામાં આવેલા કથિત શાબ્દિક દુર્વ્યવહારનો સખત વિરોધ કર્યો હતો અને કહ્યું હતું કે પ્રથમ દ્રષ્ટિએ વરિષ્ઠ અમલદારનું વર્તન તેમની પાસેથી અપેક્ષિત ધોરણોને પૂર્ણ કરતું નથી. તેમણે કહ્યું કે તેમણે મુખ્ય સચિવ સમક્ષ આ મામલો કડક શબ્દોમાં ઉઠાવ્યો છે.'વરિષ્ઠ અધિકારીનું વર્તન અયોગ્ય હતું'CM અબ્દુલ્લાએ ટ્વિટર પર લખ્યું, "મેં સરકારી ઓનલાઈન મીટિંગનો વીડિયો જોયો છે જે સોશિયલ મીડિયા પર વાયરલ થયો છે. પ્રથમ નજરમાં, એક વરિષ્ઠ અધિકારીનું વર્તન એક વરિષ્ઠ IAS અધિકારીની અપેક્ષા મુજબનું ન હતું. ત્યારબાદ જુનિયર JKAS અધિકારીને આપવામાં આવેલી ધમકીઓએ પરિસ્થિતિને વધુ વણસી છે. મેં આ મુદ્દો મુખ્ય સચિવ સમક્ષ ખૂબ જ મજબૂતીથી ઉઠાવ્યો છે. કમનસીબે, કેન્દ્રશાસિત પ્રદેશ તરીકે, લોકભવન IAS અધિકારીઓને નિયંત્રિત કરે છે, પરંતુ મુખ્યમંત્રી તરીકે મેં મુખ્ય સચિવને નિર્દેશ આપ્યો છે કે JKAS અધિકારી સામે કોઈ બદલો લેવાની કાર્યવાહી ન થાય તેની ખાતરી કરવામાં આવે." =તેમણે આગળ લખ્યું, "જો જમ્મુ અને કાશ્મીર એક રાજ્ય હોત, તો યુવાન JKAS અધિકારી સાથે દુર્વ્યવહાર કરનાર IAS અધિકારીને તેના વર્તનની તપાસ પૂર્ણ ન થાય ત્યાં સુધી સામાન્ય વહીવટ વિભાગ સાથે જોડવામાં આવ્યો હોત. કેન્દ્રશાસિત પ્રદેશ તરીકે અમે અપેક્ષા રાખીએ છીએ કે IAS અધિકારીઓને નિયંત્રિત કરતા અધિકારીઓ એક સારું ઉદાહરણ સ્થાપિત કરશે અને ખાતરી કરશે કે દુર્વ્યવહાર અને ધમકીઓ જેવી ઘટનાઓને દબાવવામાં ન આવે."વિવાદ શું છે?મિશન યુવાની સમીક્ષા બેઠક દરમિયાન રાષ્ટ્રીય ગ્રામીણ આજીવિકા મિશનની ભૂમિકા અંગે રંજન અને સહાયક નિયામક બીનીશ વાની વચ્ચે ઉગ્ર દલીલના વીડિયો સોશિયલ મીડિયા પર સામે આવ્યા ત્યારે વિવાદ શરૂ થયો. JKAS અધિકારીઓએ વાની સાથે કથિત દુર્વ્યવહાર અને જાહેર અપમાનની નિંદા કરી છે. તેમણે ઘટનાની નિષ્પક્ષ તપાસની પણ માંગ કરી છે.આ પણ વાંચો: Delhi: કનોટ પ્લેસ જવા નીકળેલા અભિજીત દિપકેની અટકાયત, વાંચો પોલીસની નોટિસમાં શું લખેલું છે

Read Full Story arrow_forward