Surendranagar: પોલીસ બની કુરિયર ડિલીવરી બોય
સુરેન્દ્રનગર એલઆઈસી કચેરીમાં ભાવનગરના બે શખ્સોએ બોગસ ડોકયુમેન્ટ રજૂ કરી હાલ પુના રહેતા વ્યકિતની વીમા પોલીસીના રૂ. 4.91 લાખની છેતરપિંડી આચરી હોવાની સુરેન્દ્રનગર બી ડીવીઝન પોલીસ મથકે ફરિયાદ નોંધાઈ હતી. ત્યારે પોલીસે ભાવનગરમાં ધામા નાંખી કુરીયર ડીલીવરી બોયનો વેશ ધારણ કરી આ કેસના ત્રણ આરોપીઓને આરોપીઓને દબોચી લીધા છે.સુરેન્દ્રનગર એલઆઈસી શાખામાં મુળ ઝાલાવાડના વતની અને હાલ પુના રહેતા દિવ્યાંગભાઈ જનાર્દનભાઈ ઉપાધ્યાયે વર્ષ 1993માં બે વીમા પોલીસી લીધી હતી. બંને પોલીસી તા. 28-3-18ના રોજ પુર્ણ થઈ ગઈ હતી. જેમાં પાકતી મુદતે તેઓને રૂપીયા 4,91,996 મળનાર હતા. પરંતુ પોલીસીની અવધી પુર્ણ થઈ જવા છતાં અને પોલીસી ધારકનો સંપર્ક ન થતા એલઆઈસી દ્વારા બન્ને પોલીસીની રકમ અનકલેઈમ એકાઉન્ટમાં ટ્રાન્સફર કરાઈ હતી. જયારે તા. 6-4-26ના રોજ દિવ્યાંગભાઈએ કચેરીમાં મેઈલ કરી પોતાની પોલીસીના પેમેન્ટની માંગ કરી સાથે આધારકાર્ડ અને પાન કાર્ડ મોકલ્યુ હતુ. કચેરી દ્વારા તપાસ કરાતા આ બન્ને પોલીસીની રકમ તા. 31-પ-24ના રોજ ચુકવાઈ હોવાનું સામે આવ્યુ હતુ. જેની ઉંડાણપુર્વકની તપાસ બાદ આ રકમ વીમા એજન્ટ અને ભાવનગરના ઘોઘા રોડ પર આવેલ ચંદ્રમૌલી સોસાયટીમાં રહેતા નીલેશ ભોથાભાઈ ચુડાસમા અને વીમા સેવક ભાવનગરના સીદસર વિસ્તારમાં આવેલ લીલા સર્કલ પાસે રહેતા વિપુલ રસીકભાઈ રાઠોડે દિવ્યાંગભાઈના તમામ બોગસ ડોકયુમેન્ટ રજુ કરી તથા ડાક વિભાગમાં દિવ્યાંગભાઈનું ખાતુ ખોલાવી તેમાં જમા કરાવી ઉપાડી લીધા હતા. આથી ગત તા. 28-8ના રોજ સુરેન્દ્રનગર એલઆઈસીના સીનીયર બ્રાંચ મેનેજર દીપેન્દ્રકુમાર શ્રીવાસ્તવે ભાવનગરના બન્ને ઠગ છેતરપિંડીની ફરિયાદ નોંધાવી હતી. આ બન્ને આરોપીઓને ઝડપી લેવા પીઆઈ એચ.એચ.જાડેજાના માર્ગદર્શનથી સ્ટાફના પીએસઆઈ એમ.બી.જેબલીયા, દીલીપભાઈ સહિતનાઓએ ભાવનગરમાં ધામા નાંખ્યા હતા. રક્ષાબંધનનો તહેવાર હોઈ આરોપીઓને ફોન કરી તમારૂ કુરીયર આવ્યુ છે તેમ કહી બન્નેને દબોચી લીધા હતા. ઝડપાયેલા બન્ને સામે ભાવનગર અને જયપુરમાં આ જ મોડેસ ઓપરેન્ડીથી ગુના આચરાયાનું પણ ખુલ્યુ છે. આ બન્નેની પુછપરછમાં બોગસ આધાર કાર્ડ સહિતના દસ્તાવેજો બનાવનાર ઈરફાન નામના શખ્સનું નામ ખુલતા પોલીસે તેને પણ ઝડપી પાડયો છે. જયારે એલઆઈસીના અધીકારીઓ જ ઠગોને અનકલેઈમ પોલીસીનું લીસ્ટ આપતા હોવાનું પણ સામે આવ્યુ છે. પોલીસે અનકલેઈમ વીમા પોલીસી બાબતે છેતરપિંડીનો ભોગ બનેલા લોકોને બી ડીવીઝન પોલીસનો સંપર્ક કરવા પણ અપીલ કરી છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
