Community News & Updates

Stay informed with the latest happenings, achievements, and announcements from our community.

All News

calendar_today October 24, 2026

Ahmedabadના બોપલમાં બિલ્ડરની દાદાગીરી, દારૂના નશામાં કર્મચારીને ઢોર માર મારનાર ઉપેન્દ્રસિંહ ચાવડાની ધરપકડ

અમદાવાદ શહેરના બોપલ વિસ્તારમાંથી બિલ્ડરની દાદાગીરી અને આતંકનો એક ચોંકાવનારો કિસ્સો સામે આવ્યો છે. બોપલના જાણીતા બિલ્ડર ઉપેન્દ્રસિંહ ચાવડા સામે દારૂના નશામાં ધૂત થઈને પોતાની જ કંપનીના કર્મચારી પર હુમલો કરવાનો અને તેને ઢોર માર મારવાનો ગંભીર આક્ષેપ થયો છે. આ મામલે ફરિયાદ નોંધાતા જ બોપલ પોલીસે ત્વરિત કાર્યવાહી કરીને બિલ્ડર ઉપેન્દ્રસિંહ ચાવડાની સત્તાવાર ધરપકડ કરી લીધી છે.મહાદેવ ગ્લોરીના RMC પ્લાન્ટમાં હુમલોમળતી વિગતો અનુસાર, આ સમગ્ર ઘટના બોપલમાં આવેલા મહાદેવ ગ્લોરીના RMC (રેડી મિક્સ કોંક્રીટ) પ્લાન્ટ ખાતે બની હતી. આક્ષેપ છે કે બિલ્ડરે શરબત કે અન્ય નશાકારક પ્રવાહીના નશામાં પ્લાન્ટ પર પહોંચીને ત્યાં કામ કરતા કર્મચારીઓ સાથે ગાળાગાળી કરી હતી. પોતાનો ગુનો પુરાવા તરીકે કેદ ન થાય તે માટે બિલ્ડર અને તેના માણસોએ પ્લાન્ટમાં લાગેલા CCTV કેમેરા ઢાંકી દીધા હતા અને ત્યારબાદ કર્મચારી પર હિંસક હુમલો કર્યો હતો.બોપલ પોલીસે હાથ ધરી કડક તપાસમારપીટ દરમિયાન બિલ્ડર દ્વારા પ્લાન્ટ પર હાજર અન્ય કર્મચારીઓને પણ ગંભીર પરિણામો ભોગવવાની અને જાનથી મારી નાખવાની ખુલ્લી ધમકીઓ આપવામાં આવી હોવાનું સામે આવ્યું છે. આ ઘટના બાદ પીડિત કર્મચારીઓએ પોલીસનો સંપર્ક સાધ્યો હતો. બોપલ પોલીસે બિલ્ડર સામે મારામારી, ધાકધમકી અને પ્રોહિબિશન (દારૂબંધી ભંગ) ની વિવિધ કલમો હેઠળ ગુનો નોંધીને વધુ તપાસ ચલાવી રહી છે.આ પણ વાંચો : Surendranagarના વસ્તડી ગામે ગેરકાયદે ફ્યુઅલ પંપ પર દરોડા, તંત્રએ 1,240 લીટર HVO ફ્યુઅલનો જથ્થો કર્યો સીઝ

Read Full Story arrow_forward

calendar_today October 24, 2026

Aravalli News: સીઆરપીએફની રાષ્ટ્રીય બાઇક રેલીનું શામળાજી બોર્ડર પર સ્વાગત, 300થી વધુ બાઇકર્સ કેવડિયા પહોંચશે.

દેશની આંતરિક સુરક્ષા અને રાષ્ટ્રીય એકતાના પ્રતીક સમાન સેન્ટ્રલ રિઝર્વ પોલીસ ફોર્સની રાષ્ટ્રીય બાઇક રેલીએ સત્તાવાર રીતે ગુજરાતમાં પ્રવેશ કર્યો છે. લદ્દાખથી શરૂ થઈને કેવડિયા ખાતે યોજાનારી એકતા પરેડ તરફ આગળ વધી રહેલી આ રેલી જ્યારે શામળાજી રાજસ્થાન બોર્ડર પર પહોંચી, ત્યારે અરવલ્લી જિલ્લા પોલીસ દ્વારા તેનું અત્યંત ભવ્ય અને ઉષ્માભર્યું સ્વાગત કરવામાં આવ્યું હતું.300થી વધુ બાઇકર્સ અને પોલીસ જવાનોનું શામળાજી મંદિરે સન્માનઆ રાષ્ટ્રીય બાઇક રેલીમાં ઉત્તર ઝોનના 10 જેટલા રાજ્યોના ઉત્સાહી પોલીસ અધિકારીઓ અને 300થી વધુ બાઇકર્સ પોલીસ જવાનો જોડાયા છે. શામળાજી ખાતે પહોંચતા જ તમામ બાઇકર્સનું જિલ્લા પોલીસ વડા સહિતના ઉચ્ચ પોલીસ અધિકારીઓ દ્વારા સ્વાગત કરવામાં આવ્યું હતું. આ પ્રસંગે સુરક્ષાકર્મીઓમાં ભારે ઉત્સાહ જોવા મળ્યો હતો અને શામળાજી મંદિર પરિસરમાં ભવ્ય સ્વાગત સમારોહ યોજાયો હતો.'નશામુક્ત અને સુરક્ષિત ભારત'ના સંકલ્પ સાથે કેવડિયા પહોંચશે રેલીઆ રેલી માત્ર એક પરેડ નથી પરંતુ દેશના યુવાનો અને નાગરિકોમાં જાગૃતિ લાવવા માટેનો એક મહત્ત્વપૂર્ણ સંદેશ છે. 'નશામુક્ત અને સુરક્ષિત ભારત' ના દ્રઢ સંકલ્પ સાથે આ બાઇક રેલી વિવિધ રાજ્યોમાંથી પસાર થઈ રહી છે.31 ઓક્ટોબરના રોજ સ્ટેચ્યુ ઓફ યુનિટી ખાતે યોજાશે એકતા પરેડઅરવલ્લી સરહદથી પ્રયાણ કરનાર આ રાષ્ટ્રીય બાઇક રેલી આગામી 31 ઓક્ટોબરના રોજ દેશના લોખંડી પુરુષ સરદાર વલ્લભભાઈ પટેલની જન્મજયંતિ નિમિત્તે કેવડિયા ખાતે આવેલા 'સ્ટેચ્યુ ઓફ યુનિટી' પહોંચશે. જ્યાં આ બાઇક રેલીના સમાપન સાથે એકતા પરેડનું આયોજન કરવામાં આવશે, જેમાં દેશભરમાંથી સુરક્ષા દળો ભાગ લેશે.આ પણ વાંચો: Aravalli News : મેઘરજની નારણપુર મંડળીમાં ઘટ છુપાવવા ઘઉંની ગુણોમાં ખાતર ભરી દેવાતાં ભારે આક્રોશ

Read Full Story arrow_forward

calendar_today October 24, 2026

Chotilaના વેલાળા ગામે વહીવટી તંત્રના વહેલી સવારે આકસ્મિક દરોડા, ગેરકાયદેસર કોલસાના 4 કુવા ઝડપાયા!

સુરેન્દ્રનગર જિલ્લાના ચોટીલા તાલુકાના વેલાળા (સા) ગામે વહીવટી તંત્ર દ્વારા ગેરકાયદેસર ખનન સામે લાલ આંખ કરવામાં આવી છે. નાયબ કલેક્ટરની સઘન ટીમ દ્વારા વહેલી સવારે કરવામાં આવેલી આકસ્મિક તપાસમાં સરકારી જમીન પર ધમધમતા ગેરકાયદેસર કોલસાના 4 કુવાઓ પકડી પાડવામાં આવ્યા છે. આ કાર્યવાહીથી ખનન પ્રવૃત્તિ સાથે સંકળાયેલા તત્વોમાં ભારે નાસભાગ અને ફફડાટ ફેલાઈ ગયો છે.નાયબ કલેક્ટરની આગેવાનીમાં દરોડાચોટીલાના નાયબ કલેક્ટર એસ.વી. કલસરીયા અને તેમની ટીમે આજે સવારે ૬ વાગ્યે વીડવાળી સરકારી જમીન પર અચાનક દરોડો પાડ્યો હતો. આ આકસ્મિક તપાસ દરમિયાન ગેરકાયદેસર રીતે ખોદકામ કરીને ચલાવવામાં આવતા ચાર કોલસાના કુવાઓ મળી આવ્યા હતા. તંત્રની આ કડક અને સાહસિક પગલાંવાળી કામગીરીથી ગેરકાયદેસર ખનન કરતા માફિયાઓમાં દોડધામ મચી ગઈ હતી અને અધિકારીઓએ તાત્કાલિક સ્થળ પર જ આગળની કાર્યવાહી હાથ ધરી હતી.લાખો રૂપિયાનો મુદ્દામાલ કર્યો જપ્ત આ દરોડા દરમિયાન સ્થળ પરથી 3 ટ્રેક્ટર, 4 ચરખી, 4 બકેટ અને 2 કમ્પ્રેશન મશીન સહિત કુલ રૂ.27,00,000નો મોટો મુદ્દામાલ જપ્ત કરવામાં આવ્યો છે. જપ્ત કરાયેલા તમામ સાધનોને થાનગઢ મામલતદાર કચેરી ખાતે ખસેડવાની પ્રક્રિયા ચાલુ છે. હાલ આ ગેરકાયદેસર ખનન કયા ઇસમો દ્વારા કરવામાં આવતું હતું તેની ઓળખ મેળવવા માટે ઊંડાણપૂર્વક તપાસ શરૂ કરવામાં આવી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward