Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 02 સપ્ટેમ્બર ના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો
Read Full Story arrow_forward
વડોદરા સ્પેશિયલ ઓપરેશન ગ્રુપ (SOG) દ્વારા રૂ.10 લાખની ગેરકાયદેસર ઈ-સિગરેટના રેકેટમાં કાર્યવાહી કરીને બે મુખ્ય આરોપીઓની ધરપકડ કરવામાં આવી છે. ગત 21 ઓગસ્ટના રોજ SOGની ટીમે દરોડો પાડીને ભારે માત્રામાં ઈ-સિગરેટનો જથ્થો જપ્ત કર્યો હતો. દરોડા સમયે મુખ્ય સૂત્રધાર સેફાન મેમણ અને આવેશ પટેલ સ્થળ પરથી ફરાર થઈ ગયા હતા, જેમને શોધવા પોલીસે ચક્ર ગતિમાન કર્યા હતા અને આખરે બંનેને ઝડપી પાડ્યા છે.રૂ.5 હજારના માસિક પગારે નોકર રાખી ચલાવતા હતા નેટવર્કપોલીસ તપાસમાં આરોપીઓની ચોંકાવનારી મોડસ ઓપરેન્ડી સામે આવી છે. સેફાન અને આવેશ પોતે પડદા પાછળ રહીને આખું નેટવર્ક સંભાળતા હતા અને કાનૂની કાર્યવાહીથી બચવા માટે માત્ર રૂ.5,000 ના માસિક પગારે નોકરો રાખ્યા હતા. આ નોકરો મારફતે જ શહેરમાં ગેરકાયદેસર ઈ-સિગરેટનું છૂટક વેચાણ અને વિતરણ કરવામાં આવતું હતું, જેથી મુખ્ય આરોપીઓ સુધી પોલીસ સરળતાથી પહોંચી ન શકે.ફરાર આરોપીઓ જેલભેગા: સપ્લાય ચેઈન શોધવા તપાસ તેજદરોડા પછી બંને આરોપીઓ સતત પોલીસથી બચવા નાસતા ફરતા હતા, પરંતુ SOG ની ટીમે ટેકનિકલ સર્વેલન્સ અને ચોક્કસ બાતમીના આધારે સેફાન મેમણ અને આવેશ પટેલને દબોચી લીધા છે. બંને આરોપીઓની ધરપકડ બાદ હવે SOG દ્વારા આ ઈ-સિગરેટનો જથ્થો ક્યાંથી લાવવામાં આવતો હતો અને વડોદરામાં આ કાળાબજારીમાં અન્ય કેટલા લોકો સામેલ છે તે દિશામાં ઊંડાણપૂર્વક પૂછપરછ હાથ ધરવામાં આવી રહી છે.આ પણ વાંચો : Ahmedabad News : તંત્રની લોલમલોલથી જીવ ગુમાવતાં બચ્યા અમદાવાદીઓ! ગુપ્તા નગર પાસે ધડામ દઈએને પડ્યો સિગ્નલનો થાંભલો...
Read Full Story arrow_forward
અમદાવાદના નવરંગપુરા વિસ્તારમાં આવેલી જાણીતી મની એક્સચેન્જ કંપની 'EbixCash World Money Limited' સાથે રૂ. 40.08 લાખની મોટી છેતરપિંડીનો સનસનાટીભર્યો કિસ્સો પ્રકાશમાં આવ્યો છે. કંપનીમાં સેલ્સ મેનેજર તરીકે ફરજ બજાવતા કર્મચારી દેવેન્દ્રસિંહ ગોહિલ સામે કંપની સાથે વિશ્વાસઘાત અને ઠગાઈ આચરવા બદલ પોલીસ ફરિયાદ નોંધાવવામાં આવી છે. આરોપી કર્મચારીએ વિવિધ કોર્પોરેટ કંપનીઓના નામે ખોટી રીતે વિદેશી કરન્સી મેળવીને પોતાની જ કંપનીને મોટો આર્થિક ફટકો માર્યો છે.બોગસ KYC અને 16 ફેક ઈનવોઈસથી આચરાઈ ઠગાઈઆ સમગ્ર કૌભાંડ ઓક્ટોબર 2025થી ફેબ્રુઆરી 2026 દરમિયાન આચરવામાં આવ્યું હતું. આરોપી દેવેન્દ્રસિંહ ગોહિલે એવી વ્યક્તિઓના નામે KYC દસ્તાવેજો રજૂ કર્યા હતા, જેઓ વાસ્તવમાં સંબંધિત કોર્પોરેટ કંપનીઓમાં નોકરી કરતા જ નહોતા. આ બોગસ દસ્તાવેજોના આધારે તેણે અલગ-અલગ કંપનીઓના નામે 16 જેટલા ઈનવોઈસ પ્રોસેસ કરાવીને રૂ. 40,08,941 ની કિંમતની વિદેશી કરન્સી મેળવી લીધી હતી.પેમેન્ટ ન આવતાં ભોપાળું બહાર આવ્યું: પોલીસ તપાસ શરૂઈનવોઈસ પ્રોસેસ થયા બાદ લાંબા સમય સુધી રકમનું પેમેન્ટ ન આવતાં કંપની શંકાના આધારે તપાસ શરૂ કરી હતી. EbixCash કંપનીના પ્રતિનિધિઓએ જ્યારે સંબંધિત કોર્પોરેટ કંપનીઓનો સંપર્ક કર્યો, ત્યારે તે કંપનીઓએ આવા કોઈ ઈનવોઈસ કે વિદેશી કરન્સીની ખરીદી અંગે અજાણ હોવાનું જણાવ્યું હતું. કર્મચારી ગોહિલે આચરેલી છેતરપિંડી ખુલ્લી પડતાં નવરંગપુરા પોલીસ સ્ટેશનમાં ફરિયાદ નોંધાવવામાં આવી છે, જેના આધારે પોલીસે આરોપી સામે ગુનો નોંધી વધુ તપાસ હાથ ધરી છે.આ પણ વાંચો : Vadodara News : ઈ-સિગરેટના રૂ.10 લાખના રેકેટનો પર્દાફાશ, બે મુખ્ય સૂત્રધાર SOGના સકંજામાં
Read Full Story arrow_forward