Community News & Updates

Stay informed with the latest happenings, achievements, and announcements from our community.

All News

calendar_today October 25, 2026

Price Hike : દિવાળી પર્વ પહેલાં જ પ્રજા પર મોંઘવારીનો વધુ એક પ્રહાર, ફટાકડાના ભાવમાં થયો 25 ટકા સુધીનો અધધ વધારો!

દિવાળીના પવિત્ર તહેવારો નજીક આવી રહ્યા છે ત્યારે જ સામાન્ય જનતા પર મોંઘવારીનો વધુ એક આકરો ફટકો પડ્યો છે. આ વર્ષે તહેવારો ટાણે ફટાકડાના ભાવમાં 25 ટકા સુધીનો સીધો વધારો નોંધાયો છે. એક તરફ લોકો પહેલાથી જ વિવિધ ચીજવસ્તુઓના ભાવવધારા અને આર્થિક મંદીનો સામનો કરી રહ્યા છે, તેવામાં ફટાકડાના ભાવ આસમાને પહોંચતા સામાન્ય અને મધ્યમ વર્ગના પરિવારોનું તહેવારનું બજેટ સંપૂર્ણપણે ખોરવાઈ ગયું છે.5 થી 16 હજાર રૂપિયા સુધીના ફટાકડા મોંઘા થયાબજારના વેપારીઓ પાસેથી મળતી વિગતો અનુસાર, નાના બાળકોના ફટાકડાથી લઈને મોટા ફેન્સી આઈટમો અને આતશબાજીના બોક્સ કે જે અગાઉ 5 થી 16 હજાર રૂપિયા ના બજેટમાં મળી રહેતા હતા, તેના ભાવમાં ભારે ઉછાળો આવ્યો છે. ફટાકડાના ઉત્પાદનમાં વપરાતા કાચા માલ (રો મટીરીયલ) ના ભાવવધારા અને પરિવહન ખર્ચમાં થયેલા વધારાના કારણે ઉત્પાદકો દ્વારા ભાવ વધારવામાં આવ્યા છે, જેના લીધે રિટેલ બજારમાં ફટાકડા ખૂબ જ મોંઘા બન્યા છે.ભાવવધારા અને મંદી વચ્ચે બજારોમાંથી ઘરાકી ગાયબફટાકડાના ભાવમાં થયેલા આ અધધ વધારાના કારણે બજારોમાં તહેવારો જેવો માહોલ જોવા મળી રહ્યો નથી. ફટાકડાના શોરૂમ્સ અને સ્ટોલ પરથી ઘરાકી સાવ ગાયબ થઈ ગઈ છે. ગ્રાહકો મોંઘવારીના કારણે ખરીદી મર્યાદિત કરી રહ્યા છે અથવા ફટાકડા ખરીદવાનું ટાળી રહ્યા છે. મંદી અને ભાવોના ભડકા વચ્ચે ઘરાકી ન નીકળતા ફટાકડાના વેપારીઓ પણ ચિંતામાં મુકાઈ ગયા છે અને તહેવારો ટાણે મોટો આર્થિક ફટકો પડવાની ભીતિ સેવાઈ રહી છે.આ પણ વાંચો : Suratના ઉધના સ્ટેશન પર દિવાળી-છઠ્ઠ પૂજાનો મહાસૈલાબ, 15 હજારથી વધુ મુસાફરો ઉમટતાં તંત્ર હાઇએલર્ટ પર!

Read Full Story arrow_forward

calendar_today October 25, 2026

Ahmedabad News : 'સે નો ટુ ડ્રગ્સ' ના નારા સાથે રાષ્ટ્રવ્યાપી બાઇક રેલીનું ભવ્ય સ્વાગત, સ્ટેચ્યુ ઓફ યુનિટી તરફ કરાયું ફ્લેગ ઓફ!

સરદાર વલ્લભભાઈ પટેલની જન્મજયંતી એટલે કે 'રાષ્ટ્રીય એકતા દિવસ' ની ઉજવણી પૂર્વે સમગ્ર દેશમાં દેશભક્તિ અને સામાજિક જાગૃતિનો માહોલ સર્જાયો છે. આ અંતર્ગત અમદાવાદ શહેર પોલીસ દ્વારા 'નશામુક્ત ભારત' ના બુલંદ સંદેશ સાથે નીકળેલી એક અનોખી અને ભવ્ય રાષ્ટ્રીય બાઇક રેલીનું વિશેષ સ્વાગત કરવામાં આવ્યું હતું. દેશના યુવાધનને નશાની લતથી દૂર રાખવા અને સ્વસ્થ સમાજના નિર્માણ માટે આ રાષ્ટ્રવ્યાપી રેલીનું સુંદર આયોજન કરવામાં આવ્યું છે.દેશના 4 પ્રદેશના CAPF જવાનો સામેલઆ રાષ્ટ્રીય બાઇક રેલીમાં દેશના 4 જુદા જુદા પ્રદેશોમાંથી આવેલા વિવિધ સેન્ટ્રલ આર્મ્ડ પોલીસ ફોર્સ (CAPF) ના શૂરવીર જવાનો ઉત્સાહભેર જોડાયા છે. અમદાવાદ ખાતે આયોજિત ખાસ કાર્યક્રમ દરમિયાન રેલીના તમામ સહભાગીઓ અને ઉપસ્થિત અધિકારીઓએ 'સે નો ટુ ડ્રગ્સ' (Say No to Drugs) ની ગંભીર પ્રતિજ્ઞા લીધી હતી. જવાનોએ બાઇક રેલી થકી દેશના ખૂણે-ખૂણે સમાજમાં નશાબંધી અને સશક્ત ભારતનો સંદેશ પહોંચાડવાનો સંકલ્પ વ્યક્ત કર્યો હતો.અમદાવાદથી સ્ટેચ્યુ ઓફ યુનિટી તરફ ફ્લેગ ઓફઅમદાવાદ ખાતેથી આ ભવ્ય બાઇક રેલીને સરદાર વલ્લભભાઈ પટેલની વિશ્વની સૌથી ઊંચી પ્રતિમા 'સ્ટેચ્યુ ઓફ યુનિટી' (એકતા નગર) તરફ સત્તાવાર રીતે ફ્લેગ ઓફ કરીને રવાના કરવામાં આવી હતી. આ તમામ બાઈકર્સ આગામી ૩૧ ઓક્ટોબર (31 ઓક્ટોબર) ના રોજ કેવડિયા ખાતે આયોજિત થનારી ભવ્ય 'રાષ્ટ્રીય એકતા દિવસ' પરેડમાં ભાગ લેશે. અમદાવાદ પોલીસના ઉચ્ચ અધિકારીઓએ જવાનોના આ રાષ્ટ્રસેવાના પ્રયાણ માટે તેમને શુભકામનાઓ પાઠવી હતી.આ પણ વાંચો : Price Hike : દિવાળી પર્વ પહેલાં જ પ્રજા પર મોંઘવારીનો વધુ એક પ્રહાર, ફટાકડાના ભાવમાં થયો 25 ટકા સુધીનો અધધ વધારો!

Read Full Story arrow_forward

calendar_today October 25, 2026

Gandhinagar News: તાલાલામાં બે દિવસમાં ભૂકંપના 6 આંચકા અનુભવાયા, આજે વહેલી સવારે પણ ધરતી ધ્રુજી

સૌરાષ્ટ્ર વિસ્તારમાં વહેલી સવારે 3.22 વાગ્યે 2.8 મેગ્નિટ્યુડની તીવ્રતાનો ભૂકંપનો આંચકો અનુભવાયો છે.ભૂકંપ વિજ્ઞાન કેન્દ્રના જણાવ્યા અનુસાર,આ ભૂકંપનું કેન્દ્રબિંદુ તાલાલાથી 10 કિલોમીટર દૂર નોંધાયું હતું અને તેની ઊંડાઈ જમીનથી 6 કિલોમીટરની હતી.વહેલી સવારે અચાનક અનુભવાયેલા આ આંચકાને કારણે સ્થાનિક લોકોમાં થોડા સમય માટે ભયનો માહોલ જોવા મળ્યો હતો.ફરી હળવા આંચકાનો સિલસિલો શરૂ થયોતાલાલા પાસેની ભૂકંપની ફોલ્ટ લાઇન સક્રિય થઈ હોય તેમ ફરી હળવા આંચકાનો સિલસિલો શરૂ થયો છે.શુક્રવારની રાત્રે હળવા ભૂકંપના બે અને શનિવારની બપોરે 10 મિનીટમાં 3 અને આજે વહેલી સવારે એક ભૂકંપનો આંચકો આવ્યો તે સહિત ભૂકંપના પાંચ આંચકાથી તાલાલા સહિત આસપાસનો ગ્રામ્ય વિસ્તાર ધણધણી ઉઠ્યો હતો. શનિવારે બપોરે આવેલા 2.9ની તીવ્રતાના આંચકાની અસર સૌથી વધુ વર્તાઈ હતી. તેના કારણે ઘરના બારી-દરવાજા ખખડી ઉઠ્યા હતા.ગાંધીનગર સ્થિત સિસ્મોગ્રાફી સેન્ટરના જણાવ્યા વિગત પ્રમાણે, તાલાલા પંથકમાં શુક્રવારે રાત્રે 9.57 કલાકે 2.2ની તીવ્રતાનો આંચકો નોંધાયો હતો.બીજો આંચકો 10.18 કલાકે નોંધાયો હતો જેની તીવ્રતા 1.8 હતી.બંને આંચકાનું કેન્દ્રબિંદુ તાલાલા ગીરથી 9 થી 12 કિ.મી દૂર નોર્થ-નોર્થ-ઇસ્ટ દિશામાં નોંધાયું હતું.ચાર દિવસ દરમિયાન ભૂકંપના અડધો ડઝન આંચકાબંને આંચકા ભુગર્ભમાંથી માત્ર છ થી 8.9 કિ.મી જમીનની ઊંડાઈએથી આવ્યા હતા ત્યારબાદ શનિવારે બપોરે દશ મીનીટનાં સમયગાળામાં ત્રણ આંચકા આવતા ધરતી ધણધણી ઊઠી હતી. પ્રથમ આંચકો બપોરે 1.59 કલાકે આવ્યો હતો. જેની તીવ્રતા 2.4 હતી.બીજો આંચકો 2.2 કલાકે આવ્યો હતો જેની તીવ્રતા 2.9 હતી.ત્રીજો આંચકો 2.10 કલાકે નોંધાયો હતો જેની તીવ્રતા 1.7ની હતી.તમામ ધરતીકંપના આંચકાનું એ.પી.સેન્ટર તાલાલા ગીરથી 11 કિ.મી દૂર નોર્થ-નોર્થ-ઇસ્ટ દિશામાં નોંધાયું હતું.આંચકાની અસર ચિત્રોડ,સાંગોદ્રા,ભોજદે,હિરપુર, ચિત્રાવડ,હિરણવેલ સહિતના ઉત્તર અને પૂર્વ દિશામાં આવેલા અનેક ગામોમાં થઈ હતી.તાલાલામાં છેલ્લા ચાર દિવસ દરમિયાન ભૂકંપના અડધો ડઝન આંચકા નોંધાયા છે.ફોલ્ટ લાઈન એટલે શું? સક્રિય ફોલ્ટ લાઇન એ પૃથ્વીની સપાટી પર આવેલી એવી તિરાડ કે સાંધો છે.જ્યાં પૃથ્વીની અંદર ટેક્ટોનિક પ્લેટોની હલનચલનને કારણે ભૂતકાળમાં ભૂકંપ આવ્યા હોય અને ભવિષ્યમાં પણ ભૂકંપ આવવાની પૂરેપૂરી શક્યતા હોય.ભૂસ્તરશાસ્ત્ર મુજબ જો કોઈ ફોલ્ટ લાઇન પર છેલ્લા 10 હજાર વર્ષોમાં ઓછામાં ઓછી એક વાર હિલચાલ નોંધાઈ હોય તો તેને સક્રિય ગણવામાં આવે છે.ગુજરાતના સંદર્ભમાંખાસ કરીને કચ્છ વિસ્તાર ભૂકંપના ઝોન-5 (સૌથી વધુ જોખમી ઝોન)માં આવે છે કારણ કે ત્યાં આવી અનેક સક્રિય ફોલ્ટ લાઇનો આવેલી છે.તાજેતરમાં જ કચ્છના ખાવડા નજીક એક નવી ફોલ્ટ લાઇન સક્રિય થઈ હોવાના અહેવાલો પણ સામે આવ્યા છે, જેના કારણે સ્થાનિક સ્તરે નાના-મોટા આંચકાઓ સતત અનુભવાતા રહે છે. ગુજરાતમાં સક્રિય ફોલ્ટ લાઈનની વાત કરીએ તો, કચ્છ મેઇન લેન્ડ ફોલ્ટ, કાત્રોલ હિલ ફોલ્ટ,વાગડ ફોલ્ટ અને તાપ્તી ફોલ્ટ લાઇનનો સમાવેશ થાય છે. આ પણ વાંચોઃ Mahesana : પાંચોટ પ્રાથમિક કન્યા શાળાના મુખ્ય શિક્ષકનો વિદાય સમારંભ યોજાયો

Read Full Story arrow_forward