Community News & Updates

Stay informed with the latest happenings, achievements, and announcements from our community.

All News

calendar_today October 25, 2026

Banaskanthaમાં વાહનચાલકો પર મોંઘવારીનો પડ્યા પર પાટુ જેવો ફટકો, IRM કંપનીએ CNG ના ભાવમાં ઝીંક્યો સીધો રૂ. 4 નો વધારો!

બનાસકાંઠા જિલ્લાના વાહનચાલકો અને સમાન જનતા માટે વધુ એક આઘાતજનક સમાચાર સામે આવ્યા છે. જિલ્લામાં ગેસ વિતરણ કરતી IRM ગેસ કંપની દ્વારા CNG (કમ્પ્રેસ્ડ નેચરલ ગેસ) ના ભાવમાં ફરી એકવાર મોટો વધારો ઝીંકી દેવામાં આવ્યો છે. પેટ્રોલ-ડીઝલના ઊંચા ભાવ વચ્ચે સસ્તા વિકલ્પ તરીકે CNGનો ઉપયોગ કરતા ઓટોરિક્ષા ચાલકો, ટેક્સી ચાલકો અને ખાનગી વાહનમાલિકો માટે આ સતત ભાવવધારો ભારે આર્થિક બોજ સમાન બની રહ્યો છે.પ્રતિ કિલો રૂ. 4 નો સીધો વધારો, ભાવ વધીને રૂ. 98.94 પહોંચ્યોકંપની દ્વારા કરવામાં આવેલા આજના ભાવવધારા બાદ બનાસકાંઠા જિલ્લામાં CNG ના ભાવમાં પ્રતિ કિલો રૂ. 4 નો સીધો વધારો અમલી બન્યો છે. આ વધારા સાથે જ અગાઉ પ્રતિ કિલો રૂ. 94.94 ના ભાવે મળતું CNG હવે વધીને રૂ. 98.94 પ્રતિ કિલોની સપાટીએ પહોંચી ગયું છે. ગેસના ભાવો અચાનક રૂ. 100ની ઐતિહાસિક સપાટીની સાવ નજીક પહોંચી જતાં વાહનચાલકોમાં ભારે આક્રોશ અને ચિંતા જોવા મળી રહી છે.એક જ મહિનામાં બીજી વખત ભાવવધારો થતાં વાહનચાલકોમાં રોષસૌથી મહત્વની બાબત એ છે કે IRM કંપની દ્વારા છેલ્લા એક જ મહિનાના ટૂંકા ગાળામાં આ બીજી વખત CNG ના ભાવ વધારવામાં આવ્યા છે. વારંવાર થતાં ભાવવધારાના કારણે દૈનિક કમાણી કરતા રિક્ષાચાલકો અને ટ્રાન્સપોર્ટરોનું માસિક બજેટ સંપૂર્ણપણે વેરવિખેર થઈ ગયું છે. સ્થાનિક વાહનચાલકો અને વેપારીઓ દ્વારા આ મનસ્વી રીતે કરવામાં આવેલા ભાવવધારા સામે વિરોધ દર્શાવવામાં આવી રહ્યો છે અને કંપની દ્વારા વધારો પરત ખેંચવામાં આવે તેવી માંગ ઉઠી રહી છે.આ પણ વાંચો : Rajkot News : રાજ્યમાં ઓછા વરસાદ અંગે મંત્રી કુંવરજી બાવળિયાનું મોટું નિવેદન, "જરૂર પડશે ત્યાં સરકાર દુષ્કાળ જાહેર કરશે!"

Read Full Story arrow_forward

calendar_today October 25, 2026

Rajkotમાં વીજકાપથી ઉદ્યોગોને મોટો ફટકો: લક્ષ્મીનગર ફીડર વિસ્તારના 1000 કારખાનાઓમાં ઉત્પાદન ઠપ!

રાજકોટના લક્ષ્મીનગર ફીડર વિસ્તારમાં અચાનક વીજકાપ સર્જાતા નાના-મોટા અંદાજે 1,000 જેટલા કારખાનાઓ અડધો દિવસ બંધ રહ્યા હતા. એન્જિનિયરિંગ એસોસિએશનના પ્રમુખના જણાવ્યા અનુસાર, વીજ તંત્ર દ્વારા મેન્ટેનન્સના નામે આ કાપ મૂકવામાં આવ્યો હતો, જેના કારણે ઉદ્યોગકારો અને કામદારોને મુશ્કેલીનો સામનો કરવો પડ્યો હતો.ઓર્ડરનું ભારણ વધતા ઉદ્યોગકારોમાં આક્રોશતહેવારોની મોસમ અને દિવાળી ટાણે કારખાનાઓમાં વધુમાં વધુ ઓર્ડરો પૂરા કરવાનું દબાણ હોય છે. આવા મહત્ત્વના સમયે વીજકાપ રહેવાથી દૈનિક કામગીરી અને પ્રોડક્શન સંપૂર્ણપણે અટવાઈ ગયું હતું. ઉદ્યોગકારોનું કહેવું છે કે તંત્ર અગાઉથી આ મેન્ટેનન્સનું આયોજન રવિવારના બદલે અગાઉથી વિચારીને કરી શકતું હતું.બુધવારે કારખાના બંધ રાખવા સંમતિદિવાળી પહેલાના બુધવારે કામનું ભારણ વધુ હોવા છતાં અને દિવાળી બાદ રજાઓ આવતી હોવા છતાં, વર્તમાન સ્થિતિને ધ્યાનમાં રાખીને ઉદ્યોગકારોએ તંત્રના નિર્ણયને આવકાર્યો છે. આગામી સમયમાં પ્રોડક્શન જાળવી રાખવા માટે બુધવારે કારખાના બંધ રાખવાની સહમતી દર્શાવવામાં આવી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 25, 2026

Power Bank Blast: મુંબઈ-હાવડા મેલના AC કોચમાં પાવર બેંક ફાટતાં અફરાતફરી, હવે રાત્રે ચાર્જિંગ પોઈન્ટ બંધ રખાશે

મુંબઈ-હાવડા મેલના AC કોચમાં એક મુસાફરની પાવર બેંક ફાટતાં આગ લાગી હતી અને ધુમાડો ફેલાયો હતો. આ ઘટનાએ રેલવેમાં મુસાફરી દરમિયાન પાવર બેંક અને અન્ય ઇલેક્ટ્રોનિક ઉપકરણોની સુરક્ષા સામે સવાલ ઊભા કર્યા છે. પાવર બેંકની બેટરીમાં ખામી, વધુ પડતી ગરમી, ઉપકરણને નુકસાન અથવા ટેકનિકલ ખામીને કારણે આગ લાગી શકે છે.ચાલતી ટ્રેનોમાં મોબાઇલ અને ઇલેક્ટ્રોનિક ઉપકરણોનો ઉપયોગ મુસાફરોની સુરક્ષા માટે પડકાર બની રહ્યો છે. શનિવારે વહેલી સવારે મુંબઈ-હાવડા મેલના AC કોચમાં એક મુસાફરની પાવર બેંક ફાટતાં આગ લાગી હતી અને કોચમાં ધુમાડો ફેલાયો હતો.કોચમાં લાગેલી ફાયર અલાર્મ સિસ્ટમ સક્રિય થતાં રેલવે કર્મચારીઓનું ધ્યાન આ ઘટના તરફ ગયું હતું. સંભવિત જોખમને ધ્યાનમાં રાખીને ટ્રેન રોકવી પડી હતી. જોકે, સ્થિતિ સામાન્ય થયા બાદ ટ્રેનને તેના ગંતવ્ય તરફ રવાના કરવામાં આવી હતી. આ ઘટના ચક્રધરપુર રેલવે વિભાગના બંડામુંડા સ્ટેશન નજીક બની હતી.મળતી માહિતી અનુસાર, એન્જિનથી 14મા ક્રમે આવેલા B-3 કોચની બર્થ નંબર 6 પર એક મુસાફરની પાવર બેંક ફાટી હતી. તેના કારણે આગ લાગી હતી અને કોચમાં ધુમાડો ફેલાવા લાગ્યો હતો. ધુમાડાને કારણે ફાયર અલાર્મ સિસ્ટમ સક્રિય થઈ ગઈ હતી.ઘટના બાદ તપાસમાં ચેઇન પુલિંગ થયું ન હોવાનું સામે આવ્યું હતું. સ્થિતિ સામાન્ય થતાં ટ્રેનને હાવડા તરફ રવાના કરવામાં આવી હતી. અસરગ્રસ્ત મુસાફરને ટિકિટ તપાસનીશ (TTI) દ્વારા બીજી બર્થ ફાળવવામાં આવી હતી.નાનું ઉપકરણ, મોટું જોખમઆ ઘટનાએ રેલવે મુસાફરી દરમિયાન પાવર બેંક અને અન્ય ઇલેક્ટ્રોનિક ઉપકરણોની સુરક્ષા અંગે સવાલ ઊભા કર્યા છે. પાવર બેંકની બેટરીમાં ખામી, વધુ પડતી ગરમી, ઉપકરણને નુકસાન અથવા ટેકનિકલ ખામીને કારણે આગ લાગી શકે છે.નિષ્ણાતોની સલાહ છે કે મુસાફરોએ સારી ગુણવત્તાની પાવર બેંકનો ઉપયોગ કરવો જોઈએ. ફૂલી ગયેલી, તૂટેલી અથવા અસામાન્ય રીતે ગરમ થતી બેટરીનો ઉપયોગ ટાળવો જોઈએ. પાવર બેંકને પથારી, ધાબળા અથવા અન્ય જ્વલનશીલ વસ્તુઓ વચ્ચે રાખીને ચાર્જ કરવાનું પણ ટાળવું જોઈએ.હવે રાત્રે કોચમાં ચાર્જિંગ પોઈન્ટ બંધ રહેશેઆ ઘટનાની પુષ્ટિ કરતાં ચક્રધરપુર રેલવે વિભાગના સિનિયર DCM આદિત્ય ચૌધરીએ જણાવ્યું હતું કે હવે રાત્રે ટ્રેનોના ચાર્જિંગ પોઈન્ટ બંધ કરી દેવામાં આવશે. મુસાફરોની સુરક્ષાને ધ્યાનમાં રાખીને આ પગલું લેવામાં આવી રહ્યું છે.સિનિયર DCMએ જણાવ્યું હતું કે મુસાફર રાત્રે પાવર બેંક ચાર્જિંગ પર મૂકીને સૂઈ ગયો હતો, જેના કારણે પાવર બેંકમાં વિસ્ફોટ થયો હતો. ઘટનાને ગંભીરતાથી લઈને રાત્રિના સમયે ટ્રેનના ચાર્જિંગ પોઈન્ટ બંધ રાખવાના નિર્દેશ આપવામાં આવ્યા છે.

Read Full Story arrow_forward