Community News & Updates

Stay informed with the latest happenings, achievements, and announcements from our community.

All News

calendar_today October 25, 2026

Uttarakhand ના પિથોરાગઢની ધરા ધ્રુજી, 3.7ની તીવ્રતાના ભૂકંપના આંચકા અનુભવાયા

ઉત્તરાખંડના પિથોરાગઢમાં ભૂકંપના આંચકા અનુભવાયા હતા. નેશનલ સેન્ટર ફોર સિસ્મોલોજી (રાષ્ટ્રીય ભૂકંપ વિજ્ઞાન કેન્દ્ર) અનુસાર, બપોરે 12:51 વાગ્યે 3.7ની તીવ્રતાનો ભૂકંપ આવ્યો હતો. આ ઘટનાને કારણે વિસ્તારમાં ગભરાટ ફેલાઈ ગયો હતો અને આંચકા અનુભવાતા જ લોકો પોતાના ઘરોમાંથી બહાર દોડી આવ્યા હતા. અત્યાર સુધી કોઈ જાનહાનિ કે સંપત્તિને નુકસાન થયાના અહેવાલ નથી.આ પહેલાં, 14 એપ્રિલ 2026ના રોજ પણ પિથોરાગઢમાં ભૂકંપ અનુભવાયો હતો. નેશનલ સેન્ટર ફોર સિસ્મોલોજીના જણાવ્યા અનુસાર, તે ભૂકંપ સવારે 7:07 વાગ્યે આવ્યો હતો અને રિક્ટર સ્કેલ પર તેની તીવ્રતા 3.7 નોંધાઈ હતી. આ અંગે માહિતી મળતા જ જિલ્લા વહીવટીતંત્ર સતર્ક થઈ ગયું હતું અને ભૂકંપ પ્રભાવિત સ્થળની તપાસ કરી હતી. જોકે, તેમાં કોઈ નુકસાન થયાના અહેવાલ મળ્યા ન હતા.ઉત્તરકાશીમાં ભૂકંપનું કેન્દ્રબિંદુ જમીનથી લગભગ 11 કિલોમીટર ઊંડે હતુંજિલ્લા વહીવટીતંત્રના જણાવ્યા અનુસાર, ભૂકંપનું કેન્દ્રબિંદુ ઉત્તરકાશી શહેરથી લગભગ બે કિલોમીટર ઉત્તર-પશ્ચિમ દિશામાં હતું. ભૂકંપનું કેન્દ્ર જમીનથી લગભગ 11 કિલોમીટરની ઊંડાઈએ નોંધાયું હતું. આંચકા અનુભવાતાની સાથે જ વહીવટીતંત્રએ તમામ તાલુકાઓ (તહેસીલો), પોલીસ સ્ટેશનો અને ચોકીઓ પાસેથી પરિસ્થિતિ અંગે માહિતી મેળવી હતી. વહીવટીતંત્ર દ્વારા કરવામાં આવેલા પ્રાથમિક મૂલ્યાંકન મુજબ, જિલ્લામાં ક્યાંય પણ જાન-માલના નુકસાનના કોઈ અહેવાલ મળ્યા નથી. ભૂકંપ બાદ જિલ્લા વહીવટીતંત્રએ સુરક્ષાની સ્થિતિની સમીક્ષા કરી અને સંભવિત નુકસાનનું આકલન કર્યું.14 એપ્રિલે પિથોરાગઢમાં પણ ભૂકંપના આંચકા અનુભવાયા હતાઆ પહેલાં, 14 એપ્રિલ ૨૦૨૬ના રોજ પિથોરાગઢમાં પણ ભૂકંપના આંચકા અનુભવાયા હતા. નેશનલ સેન્ટર ફોર સિસ્મોલોજી (રાષ્ટ્રીય ભૂકંપ વિજ્ઞાન કેન્દ્ર) અનુસાર, આ ભૂકંપ સવારે 7:07 વાગ્યે આવ્યો હતો. રિક્ટર સ્કેલ પર તેની તીવ્રતા ૩.૪ નોંધાઈ હતી. માહિતી મળતા જ જિલ્લા વહીવટીતંત્ર સતર્ક થઈ ગયું હતું અને નિરીક્ષણ કરવા માટે ભૂકંપના કેન્દ્રબિંદુ સુધી પહોંચ્યું હતું. જોકે, તે સમયે પણ કોઈ નુકસાન થયાના અહેવાલ મળ્યા ન હતા.આ પણ વાંચો: 140KM ની ભયાનક સ્પીડ... તબાહી મચાવવા તૈયાર છે વાવાઝોડું 'અર્નબ', હવામાન વિભાગે કરી અતિશય ભારે વરસાદની આગાહી

Read Full Story arrow_forward

calendar_today October 25, 2026

world: તણાવ વચ્ચે ભારતનું એલર્ટ, સાઉદી અરેબિયામાં એક ભૂલ ભારે પડી શકે છે; જાણો શું છે ચેતવણી

સાઉદી અરેબિયામાં વધતા તણાવ વચ્ચે ભારતે ત્યાં રહેતા પોતાના નાગરિકોને કડક ચેતવણી આપી છે. ભારતીય દૂતાવાસે જણાવ્યું છે કે લોકો મિસાઇલ અને ડ્રોનને હવામાં જ નષ્ટ કરવાની (ઇન્ટરસેપ્શન) કોઈ પણ ઘટના અંગેના વીડિયો ન બનાવે અને આવી માહિતી સોશિયલ મીડિયા પર શેર પણ ન કરે. આમ કરવાથી કાયદાકીય કાર્યવાહી થઈ શકે છે.સાઉદી અરેબિયામાં ભારતીયો માટે ચેતવણીભારતે સાઉદી અરેબિયામાં રહેતા પોતાના નાગરિકોને સ્પષ્ટ સૂચના આપી છે કે વિસ્તારમાં વધતા તણાવ વચ્ચે મિસાઇલ અને ડ્રોન ઇન્ટરસેપ્શનના વીડિયો ન બનાવે કે આવી કોઈ માહિતી સોશિયલ મીડિયા પર શેર ન કરે. સૂત્રો અનુસાર, ભારતીય દૂતાવાસે લોકોને સ્થાનિક કાયદા અને નિયમોનું કડક પાલન કરવા જણાવ્યું છે. આ એડવાઇઝરી યમનના હૂતી બળવાખોરો દ્વારા તાજેતરમાં કરવામાં આવેલા અનેક ડ્રોન અને મિસાઇલ હુમલાઓ બાદ જાહેર કરવામાં આવી છે. હૂતી બળવાખોરોએ સાઉદી અરેબિયામાં નાગરિક માળખાંને નિશાન બનાવ્યાં છે. તેના કારણે સમગ્ર વિસ્તારમાં તણાવ વધ્યો છે.ભારતીય દૂતાવાસે સોશિયલ મીડિયા પર સાઉદી સિવિલ ડિફેન્સ ડિરેક્ટોરેટની સત્તાવાર સૂચનાને ફરીથી પોસ્ટ કરી હતી. તેમાં સ્પષ્ટ જણાવાયું છે કે મિસાઇલ, ડ્રોન તેમજ તેમના પડવા અથવા અસરગ્રસ્ત સ્થળો સંબંધિત કોઈ પણ માહિતીનો વીડિયો ઉતારવો, પ્રકાશિત કરવો કે શેર કરવો કાયદાકીય જવાબદારી ઊભી કરી શકે છે. ભારતીય દૂતાવાસે ભારતીય સમુદાયને અપીલ કરી છે કે સાઉદી અરેબિયામાં રહેતા તમામ ભારતીયો સ્થાનિક કાયદા અને નિયમોનું પાલન કરે. જેદ્દાહમાં આવેલા ભારતના કોન્સ્યુલેટ જનરલે પણ આવી જ સલાહ જાહેર કરી છે.ફ્લાઇટ્સ અસ્થાયી રીતે બંધવધતા તણાવ અને સુરક્ષાની સ્થિતિને ધ્યાનમાં રાખીને ભારતીય મિશને કેટલીક ફ્લાઇટ્સ પણ અસ્થાયી રીતે બંધ કરી છે. એર ઇન્ડિયા અને એર ઇન્ડિયા એક્સપ્રેસની રિયાધ અને દમ્મામ જતી ફ્લાઇટ્સ 7 નવેમ્બર 2026 સુધી સ્થગિત રહેશે. જ્યારે જેદ્દાહ જતી અને જેદ્દાહથી આવતી ફ્લાઇટ્સ 31 ઓક્ટોબર 2026 સુધી બંધ રહેશે.કોન્સ્યુલેટ જનરલે શનિવારે જણાવ્યું હતું કે જેદ્દાહ અને મક્કામાં તેના 24 કલાક કાર્યરત કંટ્રોલ રૂમ સક્રિય છે. આ કંટ્રોલ રૂમ સ્થાનિક સમુદાયનાં સંગઠનો અને સ્વયંસેવકોની મદદથી અસરગ્રસ્ત ભારતીયોને સહાય પૂરી પાડી રહ્યા છે. આ સહાયમાં ભોજન, જરૂરી દવાઓ અને અન્ય તાત્કાલિક જરૂરિયાતોની વસ્તુઓનો સમાવેશ થાય છે. જ્યાં જરૂર છે અને શક્ય છે, ત્યાં મદદ પહોંચાડવામાં આવી રહી છે.સાઉદી અધિકારીઓ સાથે સતત સંપર્કભારતીય મિશને જણાવ્યું છે કે તે સાઉદી અરેબિયાના હજ અને ઉમરાહ મંત્રાલય તેમજ વિદેશ મંત્રાલય સાથે સતત સંપર્કમાં છે. તેનો હેતુ ફ્લાઇટ્સ રદ થવાને કારણે ઊભી થયેલી મુશ્કેલીઓનો વહેલી તકે ઉકેલ લાવવાનો છે. ખાસ કરીને વિઝાની માન્યતા અને ફ્લાઇટ્સ મોડી થવાને કારણે પ્રભાવિત થયેલા લોકોની સમસ્યાઓ ઉકેલવા પ્રયાસ કરવામાં આવી રહ્યા છે. સાથે જ, ફ્લાઇટ્સ સ્થગિત થવા અને મુસાફરીમાં મુશ્કેલીનો સામનો કરી રહેલા લોકોને મદદ કરવામાં આવી રહી છે. મિશને જણાવ્યું કે પરિસ્થિતિ પર સતત નજર રાખવામાં આવી રહી છે અને જરૂર પડ્યે વધુ માહિતી આપવામાં આવશે. ભારતીય નાગરિકોને કોઈ પણ શંકાસ્પદ પ્રવૃત્તિ અથવા સંબંધિત માહિતીના વીડિયો ઉતારવા કે તેને સોશિયલ મીડિયા પર શેર કરવાથી દૂર રહેવાની સલાહ આપવામાં આવી છે, જેથી કાયદાકીય મુશ્કેલી ઊભી ન થાય.વધુ સમાચાર વાંચવા ડાઉનલોડ કરો સંદેશ ન્યૂઝ એપ : https://sandesh.com/d

Read Full Story arrow_forward

calendar_today October 25, 2026

Ahmedabadના મોટેરામાં વૃદ્ધ દંપતીનો રૂ. 60 લાખનો ફ્લેટ પચાવી પાડ્યો, 4 ભાડૂઆતો સામે લેન્ડ ગ્રેબિંગ હેઠળ ગુનો દાખલ!

અમદાવાદ શહેરના મોટેરા વિસ્તારમાંથી સિનિયર સિટીઝન (વૃદ્ધ દંપતી) ની લાચારીનો ગેરલાભ ઉઠાવી તેમનો કિંમતી ફ્લેટ હડપ કરી લેવાનો એક અત્યંત ચોંકાવનારો કિસ્સો સામે આવ્યો છે. મોટેરા ખાતે આવેલો અંદાજે રૂ. 60 લાખ ની કિંમતનો ફ્લેટ ભાડે આપ્યા બાદ ભાડૂઆતોએ દાદાગીરી કરી મિલકત પચાવી પાડી હોવાનો સંગીન આક્ષેપ થયો છે. આ મામલે કલેક્ટર કચેરીની કમિટી સમક્ષ રજૂઆત બાદ 4 ભાડૂઆતો સામે કડક લેન્ડ ગ્રેબિંગ એક્ટ હેઠળ ગુનો નોંધવામાં આવ્યો છે.રૂ. 5.85 લાખનું ભાડું બાકી અને રૂ. 4.68 લાખના ફર્નિચરનું કર્યું નુકસાનપ્રાપ્ત વિગતો અનુસાર, વૃદ્ધ દંપતી દ્વારા પોતાનો ફ્લેટ ભાડે આપવામાં આવ્યો હતો. ભાડા કરારની મુદત પૂરી થઈ ગઈ હોવા છતાં ભાડૂઆતોએ ફ્લેટ ખાલી કરવાનો સ્પષ્ટ ઇનકાર કરી દીધો હતો. આ ઉપરાંત, ભાડૂઆતો પાસે અંદાજે રૂ. 5.85 લાખનું ભાડું બાકી નીકળતું હોવાનો અને ફ્લેટમાં રહેલા મોંઘા ફર્નિચરને રૂ. 4.68 લાખનું ભારે નુકસાન પહોંચાડવામાં આવ્યું હોવાનો આરોપ પણ ફરિયાદમાં કરાયો છે. જ્યારે દંપતી પોતાનો મકાનનો કબ્જો માંગવા ગયું ત્યારે ભાડૂઆતોએ ગાળો આપી જાનથી મારી નાખવાની ધમકી આપી હતી.કલેક્ટરના આદેશ બાદ ચાંદખેડા પોલીસની કાર્યવાહી, તપાસ તેજવૃદ્ધ દંપતીએ આ બાબતે અમદાવાદ જિલ્લા કલેક્ટર કચેરી ખાતે લેન્ડ ગ્રેબિંગ સમિતિ સમક્ષ સત્તાવાર અરજી કરી હતી. કલેક્ટર દ્વારા સમગ્ર મામલાની ગંભીરતાથી તપાસ કરી કાયદાકીય કાર્યવાહીના સ્પષ્ટ આદેશો આપવામાં આવ્યા હતા. કલેક્ટરના હુકમ બાદ ચાંદખેડા પોલીસે ચારેય ભાડૂઆતો વિરુદ્ધ ગુનો નોંધીને તેમની અટકાયત અને આગળની તપાસના ચક્રો ગતિમાન કર્યા છે.આ પણ વાંચો : Gujarat Weather Forecast : ગુજરાતમાં બેવડી ઋતુનો અનુભવ, રાજ્યમાં મિશ્ર હવામાન વચ્ચે સવારે ગુલાબી ઠંડી અને બપોરે શેકાતો તાપ!

Read Full Story arrow_forward