Community News & Updates

Stay informed with the latest happenings, achievements, and announcements from our community.

All News

calendar_today October 25, 2026

Mahuva: મહુવા-અંબિકા તાલુકામાં 6.28 કરોડનાં વિકાસકામોનું ખાતમુહૂર્ત

મહુવાટાઉન : મહુવા-અંબિકા તાલુકાના મજૂર થયેલા 6.28 કરોડનાં વિકાસ કામોનું ખાતમુહૂર્ત ધારાસભ્ય મોહનભાઇ ઢોડિયાના હસ્તે કરાયું હતું. જેમાં વડિયા ગામે 40.82 લાખ, દેદવાસણ ગામે 27.87 લાખ, મિયાંપુર ગામે 39.63 લાખ અને ઢુઢેસાં ગામે 22.31 લાખના ખર્ચે પૂર સંરક્ષણ દીવાલ બનાવાશે. આ ઉપરાંત વેલણપુરગામ 41.16 લાખ, નિહાલી ગામે 40.63 લાખ, નરડા ગામે 81.77 લાખ, વાછાવાડ ગામે કામ 40.72 લાખના ખર્ચે ચેકડેમ કમ કોઝવેના કામો કરાશે તથા સિંચાઇ યોજનાનાં કામોમાં બોરિયા ગામે 49.55 લાખ, કાની ગામે 32.44 લાખ, કરચેલીયા ગામે 53 લાખ, વાંક ભગવાનપુરા ખાતે 26.25 લાખ, સાંબા ખાતે 81.22 લાખ તથા વહેવલ ખાતે 50.85 લાખના ખર્ચે બોક્સ કલ્વર્ટના કામો કરાશે. ધારાસભ્યે જણાવ્યું હતું કે આકોમો થવાથી ગામનાં ખેડૂતો, પશુપાલકો, વિદ્યાથીઓ અને રાહદારીઓને વર્ષોથી પડતી મુશ્કેલીઓનો અંત આવશે અને ચોમાસામાં પૂરની સમસ્યામાંથી લોકોને કાયમી મુક્તિ મળશે. આ પ્રસંગે અંબિકા તાલુકા પંચાયત પ્રમુખ શિલ્પાબેન પટેલ, મહુવા તાલુકા પંચાયત પ્રમુખ દેવેન્દ્રભાઇ પટેલ, જિલ્લા પંચાયત સભ્ય હિનાબેન પટેલ, રમિલાબેન પટેલ, હર્ષદભાઇ પટેલ, હેમંતભાઇ પટેલ તથા ગામનાં લોકો ઉપસ્થિત રહ્યા હતા.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 25, 2026

Palanpur: માર્કેટયાર્ડમાં મગફળીના ભાવમાં ભારે ઉછાળાથી ખેડૂતોમાં ખુશી

પાલનપુર માર્કેટયાર્ડમાં આ વર્ષે મગફળીના ભાવમાં નોંધપાત્ર વધારો જોવા મળી રહ્યો છે. જેના કારણે ખેડૂતોના ચેહરા પર ખુશી જોવા મળી છે. સરકાર દ્વારા જાહેર કરાયેલા ટેકાના ભાવ કરતાં બજારમાં ઘણા સારા ભાવ મળી રહ્યા હોવાથી દિવાળીના તહેવાર ટાણે ખેડૂતોને મોટી આર્થિક રાહત મળી છે.ચાલુ વર્ષે અનિયમિત વરસાદ અને અછત વચ્ચે પણ પાલનપુર માર્કેટયાર્ડમાં મગફળીના ઉત્પાદન અને બજાર ભાવને લઈને રાહતના સમાચાર સામે આવ્યા છે. પાલનપુર એપીએમસી ખાતે મગફળીની આવક જોરશોરથી ચાલી રહી છે અને ખેડૂતોને તેમની ઉપજના ઉત્તમ ભાવ મળી રહ્યા છે. એપીએમસીના આસિસ્ટન્ટ સેક્રેટરી વિનોદભાઈ ચૌધરી અને સ્થાનિક ખેડૂતોના જણાવ્યા અનુસાર પાલનપુર માર્કેટ યાર્ડમાં જુદી જુદી જાતની મગફળીના ભાવ 37 નંબર મગફળીના પ્રતિ મણના રૂા. 1450થી 1650, મીનાક્ષી મગફળી રૂા.1500 થી 1900 અને 24 નંબર મગફળી રૂા.1600 થી 2000 સુધી ભાવ છે. ગયા વર્ષે મગફળીના ભાવ 1300 થી 1400 રૂપિયાની આસપાસ હતા જે આ વર્ષે વધીને 1500 થી 2000 સુધી પહોંચી ગયા છે. આ વર્ષે વરસાદ ઓછો થવાને કારણે મગફળીનું કુલ વાવેતર અને ઉત્પાદન મર્યાદિત રહ્યું છે પરંતુ જે પણ ઉત્પાદન આવ્યું છે તેની ગુણવત્તા ખુબ જ સારી છે અને બજારમાં તેની નિકાસ તેમજ માંગ પણ ઉત્તમ છે. અત્યાર સુધીમાં પાલનપુર માર્કેટયાર્ડમાં કુલ 5.15 લાખ બોરી મગફળીની આવક થઈ ચુકી છે જ્યારે દેનિક આવક અંદાજે 45 હજાર બોરીની છે. સરકારના 1533 રૂપિયાના ટેકાના ભાવ સામે ખુલ્લા બજારમાં ઉંચા ભાવ મળતા ખેડૂતોમાં ભારે ઉત્સાહ જોવા મળી રહ્યો છે. એપીએમસી દ્વારા હરાજીની પ્રક્રિયા પારદર્શક રીતે ચલાવવામાં આવી રહી છે. જેથી ખેડૂતોને તેમના પાકના યોગ્ય અને વ્યાજબી નાણાં મળી રહે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 25, 2026

Vyara: કુકરમુંડાના પીઆઇની બદલી થતા વિદાય સમારંભ યોજાયો

વ્યારા : કુકરમુંડાના પી.આઇ. આઇ.ડી.દેસાઇની વડોદરા ખાતે બદલી થતા વિદાય કાર્યક્રમ યોજાયો હતો, જેમાં નિઝર-કુકરમુંડા તાલુકાના નવયુવાનો તથા સમાજના અગ્રણીઓ, સરપંચો, વેપારીઓ વગેરેએ જેઓનું પુષ્પગુચ્છ સાથે સન્માન કરી તેમના કાર્યને બિરદાવ્યું હતું. વિદાય વેળાએ પી.આઇ.દેસાઇએ જણાવ્યું હતું કે, સમાજમાં ભાઇચારો, એકતા અને અખંડતાના સંબંધો ખૂબ મોટા છે, તેથી દરેક સમાજ સાથે હળીમળી રહેવું જરૂરી છે, દ્વેષ રાખ્યા વિના જીવન જીવશો એવી આશા વ્યક્ત કરી હતી. નવયુવાનોને કુટેવોથી દૂર રહેવા તેમજ ભાઇચારા સાથે રહેવા આહવાન કરતા ગામ સાથે દેશના વિકાસમાં સહભાગી થવા અપીલ કરી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward