Community News & Updates

Stay informed with the latest happenings, achievements, and announcements from our community.

All News

calendar_today October 25, 2026

Dhanera: ડમ્પિંગ સાઈટની મશીનરી તંત્રના વાંકે ધુળ ખાતી હાલતમાં

સ્વચ્છ ભારત મિશન અંતર્ગત ધાનેરા નગરપાલિકા દ્વારા કરોડો રૂપિયાની ગ્રાન્ટમાંથી વસાવવામાં આવેલી કચરા નિકાલની મશીનરી હાલ ધાનેરા ડમ્પિંગ સાઈટ પર બિનઉપયોગી અને કંગાળ હાલતમાં પડી હોવાનું સામે આવ્યું છે. ડમ્પિંગ સાઈટ પર સ્થાપિત કરવામાં આવેલી આ મશીનરી અંદાજે 1 કરોડ 70 લાખ રૂપિયાની કિંમતની હોવાનું જણાઈ રહ્યું છે. જોકે, આ મશીનરી જે સ્થળે ઇન્સ્ટોલ કરવામાં આવી છે ત્યાં કોઈ જવાબદાર એન્જિનિયર દ્વારા સાઈટ વિઝિટ કરવામાં આવી ન હોવાની ચર્ચા છે. નિયમ મુજબ મશીનરી નીચે આરસીસી (RCC) સ્લેબ હોવો જરૂરી છે, પરંતુ તેના બદલે સિમેન્ટની સામાન્ય ઇંટો ગોઠવીને કામ ચલાવી લેવામાં આવ્યું છે.આશ્ચર્યની વાત તો એ છે કે આ 1.70 કરોડના પ્રોજેક્ટનું 50 ટકાથી વધુ બિલ પણ ચૂકવી દેવામાં આવ્યું છે, પરંતુ સાઈટ પરની વાસ્તવિક પરિસ્થિતિ જોતા આ સમગ્ર મામલે મોટો ભ્રષ્ટાચાર થયો હોવાની આશંકા કોંગ્રેસ અગ્રણી અને નગરપાલિકા સદસ્ય જય સોલંકી દ્વારા વ્યક્ત કરવામાં આવી રહી છે. જવાબદાર તંત્ર દ્વારા આ બાબતની ઊંડાણપૂર્વક તપાસ કરી યોગ્ય પગલાં ભરવામાં આવે તેવી લોકમાંગ ઉઠી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 25, 2026

Palanpur: બ્રહ્માકુમારીઝના નવદશકોત્સવના ઉપલક્ષ્યમાં ગ્લોબલ સમિટ યોજાઈ

બ્રહ્માકુમારીના નવદશકોત્સવના ઉપલક્ષ્યમાં આંતરરાષ્ટ્રીય મુખ્યાલય શાંતિવનમાં આયોજિત ગ્લોબલ સમિટ 2026 માં બ્રહ્માકુમારીની આંતરરાષ્ટ્રીય વક્તા બીકે શિવાની દીદીએ સકારાત્મક વિચાર, શ્રોષ્ઠ સંકલ્પો અને આંતરિક શક્તિના મહત્વ પર પ્રકાશ પાડયો હતો. તેમણે વધુમાં જણાવ્યું કે આપણી વિચારસરણી, સ્વભાવ, નિર્ણયો અને સંસ્કારો આપણા જીવનની દિશા નક્કી કરે છે તેથી પોતાનામાં સકારાત્મક પરિવર્તન લાવવાની જવાબદારી આપણી પોતાની છે. બીજાઓની નકારાત્મક વાતોને વારંવાર દોહરાવવાને બદલે તેમના પ્રત્યે પણ શુભભાવના અને શ્રોષ્ઠ સંકલ્પો રાખવા જોઈએ. તેનાથી મન શાંત, સ્થિત અને શક્તિશાળી બને છે. બીકે શિવાની દીદીએ સૌને સમાનતાની દ્દષ્ટિથી જોવાની, સંબંધોમાં વિશ્વાસ જાળવી રાખવાની, સૌને ક્ષમા કરવાની અને દરેક પરિસ્થિતિમાં ખુશ રહેવાની પ્રેરણા આપી. તેમણે શ્રોષ્ઠ સંસ્કારો અને કર્મો દ્વારા પોતાનામાં પરિવર્તન લાવીને સ્વર્ણિમ ભારતના નિર્માણ તથા વસુધૈવ કુટુમ્બકમ્ની ભાવનાને સાકાર કરવાનો સંદેશ આપ્યો. તેમણે પ્રેરણા આપી કે સકારાત્મક વિચારસણી, આત્મવિશ્વાસ, શ્રોષ્ઠ કાર્યો અને પરમાત્માની શક્તિઓના સહારે મુશ્કેલ પરિસ્થિતિઓનો સામનો કરીને અસંભવને પણ સંભવ બનાવી શકાય છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 25, 2026

Anand: નિસરાયાથી વલાસણ મેલડી માતાજીનાં મંદિરની પગપાળા યાત્રા

બોરસદ તાલુકાના નિસરાયા ગામથી આજે રવિવારે વહેલી સવારે 8 વાગ્યે માં મેલડીના ધામ વલાસણ પગપાળા સંઘ નીકળ્યો હતો. 52 ગજની ધજા સાથે ભવ્ય પગપાલા સંઘમાં બોરસદ તાલુકામાંથી ગામેગામના યુવાનો, મહિલાઓ, વડીલો, વયોવૃદ્ધો સહિત મોટીસંખ્યામાં ભાવિકો યાત્રામાં જોડાયા હતા. પદયાત્રા નિસરાયા ગામના તળાવ પાસેના ચોકથી પ્રસ્થાન થઈને બોરસદ શહેરના એસટી બસ સ્ટેન્ડથી દેદરડા-નાપા-મેઘવા-ગાના થઇને 28 કિલોમીટરનું અંતર પગપાળા કાપીને કરમસદ નગરથી વલાસણ ગામ ખાતેના સુપ્રસિધ્ધ મેલડી માતાજીના મંદિરે ડીજેના તાલ સાથે માતાજીની આરાધના અને ઉપાસના કરતા કરતા બપોરે 1.30 કલાકે મંદિરે પહોંચી હતી. હતા. મંદિરના પુજારીએ યાત્રાનું સ્વાગત કર્યુ હતું. યાત્રામાં નિસરાયા ગામના વતની અને વિદેશની ધરતી ઉપર અમેરિકા ખાતે ઉદ્યોગ સ્થાપનાર પ્રથમ ભારતીય અને દેશના પ્રથમ રાષ્ટ્રપતિ ડૉ.રાજેન્દ્ર પ્રસાદના હસ્તે ઓલ રાઉન્ડર સ્ટુડન્ટનો એવોર્ડ મેળવનાર ચરોતરના ભમાશા 86 વર્ષિય મેકદાદા પણ યાત્રામાં જોડાઇને યુવાનોને પ્રોત્સાહિત કર્યા હતા. તેઓએ પણ માતાજીની આરતી કરીને 52 ગજની ધજા ચઢાવીને ધન્યતા અનુભવી હતી. યાત્રામાં 10 હજારથી વધુ લોકો જોડાયા હતા. યાત્રામાં સ્વયંભુ મહેરામણ ઉમટતા યાત્રા ઐતિહાસિક બની છે.યાત્રા દરમિયાન નાપા ગામે ડેપ્યુટી સરપંચ વહીદ કાજીએ મેકદાદાનું ભવ્ય સ્વાગત કર્યુ હતું. યાત્રા બોરસદ શહેરમાં પહોંચતા જ ઠેર ઠેર ટ્રાફિકજામ અને અદ્ભુતપુર્વક માનવ મહેરામણ જોવા મળ્યું હતું. બોરસદ તાલુકાના ઇતિહાસમાં સૌપ્રથમવાર વિજયસિંહ રાજે એક શ્રાદ્દા, એક શક્તિ, એક જયઘોષ સાથે ભવ્ય પગપાળા યોજતા તાલુકા ઉપરાંત રૂટના અનેક ગામોના લોકો પણ પદયાત્રામાં સ્વયંભુ જોડાયા હતા. શરદપૂર્ણિમાના પાવન પર્વે માતાજીના દર્શનનો લાભ લઇને લોકોએ ધન્યતા વ્યક્ત કરી છે. યાત્રાના રૂટમાં ઠેર ઠેર ગામેગામ લોકોએ યાત્રાનું ભવ્ય સ્વાગત કરીને યાત્રાના આયોજક વિજયસિંહ રાજ અને યાત્રામાં જોડાયેલા મેકદાદાનું પુષ્પવર્ષાથી સ્વાગત કર્યુ હતું. યાત્રામાં જોડાયેલા યાત્રીકો માટે પીવાના પાણી, છાશ ની સુવિદ્યા તેમજ ઇમરજન્સી માટે એમ્બ્યુલન્સવાન અને માતાજીનાં મંદિર પર બાવન ગજની ધજા અર્પણ કર્યા બાદ યાત્રીકો માટે વલાસણ ખાતે ભોજનની પણ વ્યવસ્થા કરવામાં આવી હતી. યાત્રામાં શ્રાદ્ધાળુઓમાં માતાજીના દર્શન અને ધ્વજારોહણનો અનેરો ઉત્સાહ જોવા મળ્યો હતો. સમગ્ર માર્ગ યાત્રામય બન્યો હતો. અત્રે ઉલ્લેખનિય છે કે બોરસદ તાલુકા ભાજપના પૂર્વ પ્રમુખ વિજયસિંહ રાજ તેમજ યુવાનોની ટીમ દ્વારા આયોજિત નિસરાયા ગામથી વલાસણની ધાર્મિક પદયાત્રામાં સ્વયંભુ મોટીસંખ્યામાં 10 હજારથી વધુ લોકો યાત્રામાં જોડાતા યાત્રાનું આયોજન સફળ રહ્યુ હોવાની નોંધ માત્ર બોરસદ તાલુકામાં જ નહી પરંતુ સમગ્ર ચરોતર પ્રદેશમાં આણંદ અને ખેડા બન્ને જિલ્લામાં લેવાઇ હોવાનું જાણવા મળ્યુ છે. આ ઉપરાંત આણંદ જિલ્લાના રાજકીય ક્ષેત્રમાં યાત્રાને લઇને અનેક ચર્ચા અને અટકળો વહેતી થઇ હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward