Community News & Updates

Stay informed with the latest happenings, achievements, and announcements from our community.

All News

calendar_today October 26, 2026

Gandhinagar : ના 95 તબીબ સંશોધનમાં AI(એઆઈ) ઉપયોગના પાઠ ભણ્યા

જીએમઇઆરએસ મેડિકલ કોલેજ ગાંધીનગરની ઇન્સ્ટિટયૂશનલ રિસર્ચ એન્ડ ઇનોવેશન કમિટી (IRIC) દ્વારા AI ઈન મેડિકલ રિસચ્ર વિષય પર કન્ટિન્યુઈંગ મેડિકલ એજ્યુકેશન (CME)નુંઆયોજન કરવામાં આવ્યું હતું. મેડિકલ કોલેજના ડીન અને IRIC ના અધ્યક્ષડૉ. અંકુર ઝાલાવાડિયાના માર્ગદર્શન હેઠળ યોજાયેલા આ કાર્યક્રમમાં મુખ્ય વક્તા તરીકે નરેન્દ્ર મોદી મેડિકલ કોલેજ અમદાવાદના ડૉ. ભાર્ગવ દવેએ તબીબી સંશોધનમાં આર્ટિફિશિયલ ઇન્ટેલિજન્સ (AI) ના ઉપયોગ અંગે માર્ગદર્શનઆપ્યું હતું. તેમણે સંશોધન પ્રશ્નોની રચના, સાહિત્ય સમીક્ષા, સંશોધન પ્રસ્તાવ તૈયાર કરવા, સેમ્પલ સાઇઝની ગણતરી, ડેટા વિશ્લેષણ અને સંશોધન લેખન સહિતના વિવિધ તબક્કાઓમાં AI આધારિત સાધનોની ઉપયોગિતા સમજાવી હતી.સાથે જ સંશોધનમાં વૈજ્ઞાનિક ચોકસાઈ, નૈતિકતા અને માહિતીની વિશ્વસનીયતા જાળવવાના મહત્ત્વ પર ભાર મૂક્યો હતો.CME માં વિભાગના વડાઓ, ફેકલ્ટી સભ્યો અને અનુસ્નાતક વિદ્યાર્થીઓ સહિત કુલ 95 સહભાગીઓએ ભાગ લીધો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 26, 2026

Gandhinagar : શોપિંગ ફેસ્ટિવલમાં પ્રથમ દિવસે 20 હજાર લોકો ઉમટયાં

કુડાસણ સરદાર ચોક ખાતે આયોજીત શોપિંગ ફેસ્ટિવલનો રવિવારે રંગારંગ પ્રારંભ થયો હતો. જેમાં પ્રથમ દિવસે જ અંદાજિત 20 હજાર જેટલા લોકોએ મુલાકાત લીધી હોવાનો અંદાજ છે. દિવાળીના તહેવારને ધ્યાને લેતા ફેસ્ટિવલ 6 નવેમ્બર સુધી ચાલશે. શોપિંગ ફેસ્ટિવલમાં હેન્ડીક્રાફ્ટ, ઘર સુશોભનની વસ્તુઓ તેમજ અન્ય જીવનજરૂરી ચીજવસ્તુઓના સ્ટોલ્સ ઉભા કરવામાં આવ્યા હતા. જેમાં ખરીદી કરવા સાથે નાગરિકોએ અવનવી વાનગીઓનો સ્વાદ પણ માણ્યો હતો. ખરીદીના ઉત્સવમાં સંગીતમય માહોલ ઉમેરવા પ્રથમ દિવસે મ્યુઝિકલ બેન્ડ સ્ટોન કીઝનું લાઈવ પરફોર્મન્સનું આયોજન કરવામાં આવ્યું હતું બેન્ડના કલાકારોએ ગુજરાતી અને બોલિવૂડના ગીતોની રજૂઆત કરીને ઉપસ્થિત શ્રોતાઓને મંત્રમુગ્ધ કરી દીધા હતા. શોપિંગ ફેસ્ટિવલનો પ્રારંભ ધારાસભ્ય રીટાબેન પટેલ, કલેક્ટર રવિન્દ્ર ખતાલે તથા શહેર ભાજપ પ્રમુખ આશિષ દવેની ઉપસ્થિતિમાં થયો હતો. 6 નવેમ્બર સુધી ચાલનારા ફેસ્ટિવલમાં શહેરીજનોના મનોરંજન માટે દરરોજ સાંજે વિવિધ કલાકારો દ્વારા લાઈવ પરફોર્મન્સ રજૂ કરવામાં આવશે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 26, 2026

Mahesana : જિલ્લામાં લેન્ડ રેકોર્ડ્ઝ કર્મચારીઓની હડતાળની અસર; 46,120 અરજીઓ પેન્ડિંગ

મહેસાણા જિલ્લામાં લેન્ડ રેકોર્ડ્ઝ વર્ગ-3 કર્મચારી મંડળની હડતાળ બાદ 1,421 અરજીઓનો જ નિકાલ કરવામાં આવ્યો છે. જયારે 46,120 અરજીઓ હજુ પેન્ડીંગ છે. સૌથી વધુ કડી તાલુકામાં 10,165 અરજીઓ પેન્ડીંગ છે. ઊંઝામાં 6,150, ખેરાલુમાં 2,254, બેચરાજીમાં 3,068, મહેસાણામાં 7,284, વડનગરમાં 2,286, વિજાપુરમાં 6,722, વિસનગરમાં 6,349,સતલાસણામાં 1,842 અરજીઓનો હજુ નિકાલ કરવાનો બાકી છે. જયારે જોટાણા તાલુકામાં એક પણ અરજી પેન્ડીંગ નથી. સર્વેયરો દ્વારા બાકી રહેતી જમીન માપણી અને અરજી દફતરે કરવાની કામગીરી કરાઈ રહી છે. તેમ છતાં જમીન રી-સર્વેની કામગીરીમાં ખૂબ જ વિલંબ થતો હોવાની વ્યાપક ફરિયાદો ખેડૂત વર્ગમાંથી ઉઠી છે. હડતાલ બાદ તમામ કર્મચારીઓ પેન્ડીંગ કામગીરી ઝડપથી પૂર્ણ કરવા સક્રિય બન્યા છે. મહેસાણા જિલ્લામાં જમીન રી-સર્વેના પ્રમોલગેશનમાં અનેક ખામીઓ સામે આવ્યા બાદ રી-સર્વે માટે જિલ્લાની લેન્ડ રેકર્ડ કચેરીમાં અરજીઓનો મારો થયો છે. હડતાળ બાદ મહેસાણા તાલુકામાં સૌથી વધુ 356 અરજીઓનો નિકાલ કરાયો છે. જયારે સૌથી ઓછી ઊંઝા તાલુકામાં 36 જ અરજીઓનો નિકાલ કરાયો છે. જિલ્લામાં કુલ 22,182 અરજીઓની માપણી કરવાની હજુ બાકી છે. જયારે 23189 અરજીઓ એમટીઆર પાસે બાકી છે. ઊંઝામાં 4,959, કડીમાં 2,101, ખેરાલુમાં 2,229, બેચરાજીમાં 3,065, મહેસાણામાં 2,179, વડનગરમાં 232 , વિજાપુરમાં 3,570, વિસનગરમાં 3,264 અને સતલાસણામાં 583 અરજીઓની હજુ માપણી બાકી છે. છેલ્લા દસ દિવસમાં માત્ર 449 અરજીઓનો જ નિકાલ કરાયો છે. મહેસાણા જિલ્લામાં 11 નવી કચેરીઓ શરૂ કરવામાં આવી હોવા છતાં કામગીરીમાં વિલંબ થતાં ખેડૂતોને જમીન માપણી, રી-સર્વે માટે કચેરીઓમાં ધક્કા ખાવા પડી રહ્યા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward