Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 26 ઓક્ટોબરના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો
Read Full Story arrow_forward
31 ઓક્ટોબરના રોજ સ્ટેચ્યૂ ઓફ યુનિટી ખાતે યોજાનારી ભવ્ય ‘રાષ્ટ્રીય એકતા દિવસ’ની પરેડ પૂર્વે નર્મદા જિલ્લાના એકતાનગરમાં ડેન્ગ્યુનો મોટો કહેર સામે આવ્યો છે. પરેડમાં ભાગ લેવા માટે આસામથી એકતાનગર આવેલી 40 જવાનોની વિશેષ ટુકડીમાંથી અડધાથી વધુ એટલે કે 21 જવાનો ડેન્ગ્યુ પોઝિટિવ મળી આવતાં સમગ્ર વહીવટી અને આરોગ્ય તંત્રમાં ભારે દોડધામ મચી ગઈ છે. એકસાથે આટલી મોટી સંખ્યામાં જવાનો મચ્છરજન્ય રોગચાળાની ઝપેટમાં આવતાં પરેડ સ્થળ અને આસપાસના કેમ્પમાં તાબડતોબ સઘન ફોગિંગ અને દવા છંટકાવની કામગીરી હાથ ધરવામાં આવી છે.40 જવાનોની ટુકડીમાંથી 21ને તાવ આવતાં તપાસ કરાઈસરદાર વલ્લભભાઈ પટેલની જન્મજયંતિ નિમિત્તે એકતાનગર ખાતે યોજાનારી રાષ્ટ્રીય કક્ષાની એકતા પરેડમાં ભાગ લેવા માટે દેશભરમાંથી વિવિધ રાજ્યોના પોલીસ દળો અને સૈન્ય ટુકડીઓ આવી પહોંચી છે. આ દરમિયાન આસામથી આવેલી 40 જવાનોની ટુકડીમાંથી એક પછી એક જવાનોને અચાનક ઊંચો તાવ, શરીરનો દુઃખાવો અને અશક્તિ જેવાં લક્ષણો જણાતાં તબીબી તપાસ હાથ ધરવામાં આવી હતી. લેબોરેટરી રિપોર્ટમાં 21 જવાનોના બ્લડ સેમ્પલ ડેન્ગ્યુ પોઝિટિવ આવતાં સુરક્ષા અધિકારીઓ અને જિલ્લા પ્રશાસનમાં ભારે ચકચાર મચી ગઈ છે.તમામ જવાનોને એકતાનગર ટ્રોમા સેન્ટરમાં ખસેડાયાડેન્ગ્યુ પોઝિટિવ આવેલા તમામ 21 જવાનોને તાત્કાલિક અસરથી એકતાનગર ટ્રોમા સેન્ટર ખાતે દાખલ કરવામાં આવ્યા છે, જ્યાં તબીબોની વિશેષ ટીમ દ્વારા તેમની સારવાર શરૂ કરવામાં આવી છે. હાલ તમામ જવાનોની તબિયત સ્થિર હોવાનું અને તેમના પ્લેટલેટ્સ તેમજ વાઇટલ પેરામીટર્સ પર સતત મોનિટરિંગ રાખવામાં આવી રહ્યું હોવાનું તબીબી સૂત્રો પાસેથી જાણવા મળ્યું છે. આ બનાવ સામે આવતાં જ નર્મદા જિલ્લા આરોગ્ય વિભાગની ટીમો હરકતમાં આવી ગઈ છે. જવાનો જ્યાં રોકાયા હતા તે રહેણાંક પરિસર, ટેન્ટ સિટી તેમજ પરેડ ગ્રાઉન્ડ આસપાસ પાણી ભરાયેલા સ્થાનો પર મચ્છરજન્ય ઉપદ્રવ ડામવા દવાઓનો છંટકાવ અને સઘન ચેકિંગ શરૂ કરી દેવાયું છે, જેથી અન્ય જવાનો કે મહાનુભાવો સુધી ચેપ ન ફેલાય.આ પણ વાંચો: Ahmedabad: બંગાળની ખાડીમાં સર્જાયું લો પ્રેશર, ગુજરાત માટે ચિંતા ટળી પણ શિયાળાની એન્ટ્રી ઝડપી બનશે
Read Full Story arrow_forward
સુરત શહેરના સારોલી વિસ્તારમાંથી કાપડ ઉદ્યોગ સાથે જોડાયેલા વેપારીઓ સાથે આચરવામાં આવેલા મોટા આર્થિક ફ્રોડનો કિસ્સો સામે આવ્યો છે. સારોલી પોલીસ સ્ટેશન દ્વારા ગુનેગારો સામે ચલાવવામાં આવી રહેલી ડ્રાઇવના ભાગરૂપે કાપડ વેપારી સાથે રૂપિયા 1,24,56,608ની મસમોટી છેતરપિંડી આચરનાર આરોપી ફૈજુ મજીદ આમદાનીને ઝડપી પાડવામાં સરોલી પોલીસને મોટી સફળતા મળી છે. આ આરોપીની મોડસ ઓપરેન્ડી અત્યંત ચાલાક હતી, જેમાં તે શરૂઆતમાં વેપારીઓ પાસેથી નાની રકમની ખરીદી કરીને તેનું સમયસર પેમેન્ટ ચૂકવી દેતો હતો, જેના કારણે વેપારીઓનો તેના પર પૂરેપૂરો વિશ્વાસ બેસી જતો હતો.કાપડ વેપારી સાથે ફ્રોડ કરનાર આરોપી ઝડપાયોવેપારીનો વિશ્વાસ જીતી લીધા બાદ આરોપીએ તેની ચાલાકી વાપરીને વેપારી પાસેથી મોટા પ્રમાણમાં કરોડો રૂપિયાનું ગ્રે કાપડ ઉધાર અથવા વિશ્વાસ પર ખરીદી લીધું હતું. પરંતુ માલ લીધા બાદ તેણે વેપારીને માલની નિયત રકમ કે નાણાં ચૂકવ્યા ન હતા અને લાંબો સમય વીતવા છતાં હાથ અદ્ધર કરી દીધા હતા. વેપારી સાથે આ પ્રકારે રૂપિયા 1.24 કરોડથી વધુની છેતરપિંડી આચરવામાં આવતા ભારે હડકંપ મચી ગયો હતો. આ મામલે પીડિત વેપારી દ્વારા સારોલી પોલીસ સ્ટેશનમાં સત્તાવાર રીતે છેતરપિંડી અને વિશ્વાસઘાતનો ગુનો નોંધાવવામાં આવ્યો હતો.પોલીસ દ્વારા સઘન તપાસ શરૂગુનાની ગંભીરતાને ધ્યાનમાં રાખીને સારોલી પોલીસ સ્ટેશનની ટીમ દ્વારા ટેક્નિકલ સર્વેલન્સ અને બાતમીના આધારે વોટર સાઇડ ઓપરેશન પાર પાડીને આરોપી ફૈજુ મજીદ આમદાનીને સકંજામાં લીધો છે. હાલ પોલીસે આરોપીની ધરપકડ કરીને તેની સઘન પૂછપરછ શરૂ કરી છે. આ ઠગાઈના નેટવર્કમાં તેની સાથે અન્ય કોઈ શખ્સો સંડોવાયેલા છે કે કેમ અને વેપારીઓ પાસેથી ખરીદેલું ગ્રે કાપડ કઈ જગ્યાએ સગેવગે કરવામાં આવ્યું છે તે તમામ દિશામાં પોલીસે ઊંડાણપૂર્વક તપાસના ચક્રો ગતિમાન કર્યા છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward