Community News & Updates

Stay informed with the latest happenings, achievements, and announcements from our community.

All News

calendar_today October 25, 2026

Palanpur: બ્રહ્માકુમારીઝના નવદશકોત્સવના ઉપલક્ષ્યમાં ગ્લોબલ સમિટ યોજાઈ

બ્રહ્માકુમારીના નવદશકોત્સવના ઉપલક્ષ્યમાં આંતરરાષ્ટ્રીય મુખ્યાલય શાંતિવનમાં આયોજિત ગ્લોબલ સમિટ 2026 માં બ્રહ્માકુમારીની આંતરરાષ્ટ્રીય વક્તા બીકે શિવાની દીદીએ સકારાત્મક વિચાર, શ્રોષ્ઠ સંકલ્પો અને આંતરિક શક્તિના મહત્વ પર પ્રકાશ પાડયો હતો. તેમણે વધુમાં જણાવ્યું કે આપણી વિચારસરણી, સ્વભાવ, નિર્ણયો અને સંસ્કારો આપણા જીવનની દિશા નક્કી કરે છે તેથી પોતાનામાં સકારાત્મક પરિવર્તન લાવવાની જવાબદારી આપણી પોતાની છે. બીજાઓની નકારાત્મક વાતોને વારંવાર દોહરાવવાને બદલે તેમના પ્રત્યે પણ શુભભાવના અને શ્રોષ્ઠ સંકલ્પો રાખવા જોઈએ. તેનાથી મન શાંત, સ્થિત અને શક્તિશાળી બને છે. બીકે શિવાની દીદીએ સૌને સમાનતાની દ્દષ્ટિથી જોવાની, સંબંધોમાં વિશ્વાસ જાળવી રાખવાની, સૌને ક્ષમા કરવાની અને દરેક પરિસ્થિતિમાં ખુશ રહેવાની પ્રેરણા આપી. તેમણે શ્રોષ્ઠ સંસ્કારો અને કર્મો દ્વારા પોતાનામાં પરિવર્તન લાવીને સ્વર્ણિમ ભારતના નિર્માણ તથા વસુધૈવ કુટુમ્બકમ્ની ભાવનાને સાકાર કરવાનો સંદેશ આપ્યો. તેમણે પ્રેરણા આપી કે સકારાત્મક વિચારસણી, આત્મવિશ્વાસ, શ્રોષ્ઠ કાર્યો અને પરમાત્માની શક્તિઓના સહારે મુશ્કેલ પરિસ્થિતિઓનો સામનો કરીને અસંભવને પણ સંભવ બનાવી શકાય છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 25, 2026

Anand: નિસરાયાથી વલાસણ મેલડી માતાજીનાં મંદિરની પગપાળા યાત્રા

બોરસદ તાલુકાના નિસરાયા ગામથી આજે રવિવારે વહેલી સવારે 8 વાગ્યે માં મેલડીના ધામ વલાસણ પગપાળા સંઘ નીકળ્યો હતો. 52 ગજની ધજા સાથે ભવ્ય પગપાલા સંઘમાં બોરસદ તાલુકામાંથી ગામેગામના યુવાનો, મહિલાઓ, વડીલો, વયોવૃદ્ધો સહિત મોટીસંખ્યામાં ભાવિકો યાત્રામાં જોડાયા હતા. પદયાત્રા નિસરાયા ગામના તળાવ પાસેના ચોકથી પ્રસ્થાન થઈને બોરસદ શહેરના એસટી બસ સ્ટેન્ડથી દેદરડા-નાપા-મેઘવા-ગાના થઇને 28 કિલોમીટરનું અંતર પગપાળા કાપીને કરમસદ નગરથી વલાસણ ગામ ખાતેના સુપ્રસિધ્ધ મેલડી માતાજીના મંદિરે ડીજેના તાલ સાથે માતાજીની આરાધના અને ઉપાસના કરતા કરતા બપોરે 1.30 કલાકે મંદિરે પહોંચી હતી. હતા. મંદિરના પુજારીએ યાત્રાનું સ્વાગત કર્યુ હતું. યાત્રામાં નિસરાયા ગામના વતની અને વિદેશની ધરતી ઉપર અમેરિકા ખાતે ઉદ્યોગ સ્થાપનાર પ્રથમ ભારતીય અને દેશના પ્રથમ રાષ્ટ્રપતિ ડૉ.રાજેન્દ્ર પ્રસાદના હસ્તે ઓલ રાઉન્ડર સ્ટુડન્ટનો એવોર્ડ મેળવનાર ચરોતરના ભમાશા 86 વર્ષિય મેકદાદા પણ યાત્રામાં જોડાઇને યુવાનોને પ્રોત્સાહિત કર્યા હતા. તેઓએ પણ માતાજીની આરતી કરીને 52 ગજની ધજા ચઢાવીને ધન્યતા અનુભવી હતી. યાત્રામાં 10 હજારથી વધુ લોકો જોડાયા હતા. યાત્રામાં સ્વયંભુ મહેરામણ ઉમટતા યાત્રા ઐતિહાસિક બની છે.યાત્રા દરમિયાન નાપા ગામે ડેપ્યુટી સરપંચ વહીદ કાજીએ મેકદાદાનું ભવ્ય સ્વાગત કર્યુ હતું. યાત્રા બોરસદ શહેરમાં પહોંચતા જ ઠેર ઠેર ટ્રાફિકજામ અને અદ્ભુતપુર્વક માનવ મહેરામણ જોવા મળ્યું હતું. બોરસદ તાલુકાના ઇતિહાસમાં સૌપ્રથમવાર વિજયસિંહ રાજે એક શ્રાદ્દા, એક શક્તિ, એક જયઘોષ સાથે ભવ્ય પગપાળા યોજતા તાલુકા ઉપરાંત રૂટના અનેક ગામોના લોકો પણ પદયાત્રામાં સ્વયંભુ જોડાયા હતા. શરદપૂર્ણિમાના પાવન પર્વે માતાજીના દર્શનનો લાભ લઇને લોકોએ ધન્યતા વ્યક્ત કરી છે. યાત્રાના રૂટમાં ઠેર ઠેર ગામેગામ લોકોએ યાત્રાનું ભવ્ય સ્વાગત કરીને યાત્રાના આયોજક વિજયસિંહ રાજ અને યાત્રામાં જોડાયેલા મેકદાદાનું પુષ્પવર્ષાથી સ્વાગત કર્યુ હતું. યાત્રામાં જોડાયેલા યાત્રીકો માટે પીવાના પાણી, છાશ ની સુવિદ્યા તેમજ ઇમરજન્સી માટે એમ્બ્યુલન્સવાન અને માતાજીનાં મંદિર પર બાવન ગજની ધજા અર્પણ કર્યા બાદ યાત્રીકો માટે વલાસણ ખાતે ભોજનની પણ વ્યવસ્થા કરવામાં આવી હતી. યાત્રામાં શ્રાદ્ધાળુઓમાં માતાજીના દર્શન અને ધ્વજારોહણનો અનેરો ઉત્સાહ જોવા મળ્યો હતો. સમગ્ર માર્ગ યાત્રામય બન્યો હતો. અત્રે ઉલ્લેખનિય છે કે બોરસદ તાલુકા ભાજપના પૂર્વ પ્રમુખ વિજયસિંહ રાજ તેમજ યુવાનોની ટીમ દ્વારા આયોજિત નિસરાયા ગામથી વલાસણની ધાર્મિક પદયાત્રામાં સ્વયંભુ મોટીસંખ્યામાં 10 હજારથી વધુ લોકો યાત્રામાં જોડાતા યાત્રાનું આયોજન સફળ રહ્યુ હોવાની નોંધ માત્ર બોરસદ તાલુકામાં જ નહી પરંતુ સમગ્ર ચરોતર પ્રદેશમાં આણંદ અને ખેડા બન્ને જિલ્લામાં લેવાઇ હોવાનું જાણવા મળ્યુ છે. આ ઉપરાંત આણંદ જિલ્લાના રાજકીય ક્ષેત્રમાં યાત્રાને લઇને અનેક ચર્ચા અને અટકળો વહેતી થઇ હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 25, 2026

Nadiad: ડભાણ SOG ખાતે નેશનલ બાઈક રેલીનું પુષ્પવર્ષા સાથે સ્વાગત

વડાપ્રધાન નરેન્દ્રભાઈ મોદીના વર્ષ 2029 સુધીમાં ભારતમાંથી નશાને નાબુદ કરી દેવાના સંકલ્પને સાકાર કરવા માટે નશામુક્ત ભારત અભિયાન અંતર્ગત નેશનલ બાઈક રેલીનું આયોજન કરાયું હતું. આ રેલીમાં સીઆરપીએફ, બીએસએફ, એનએસજી, એનઆઈએ, આઈટીબીપી, એનસીબી, વિવિધ એજન્સીઓ તથા વિવિધ રાજ્ય પોલીસ દળના જવાનોને સમાવિષ્ટ કરતાં 200 બાઈક રાઈડર્સે ભારતના લેહ લદાખથી રેલીનું પ્રસ્થાન કર્યું હતું. જે રેલી ભારતના વિવિધ રાજ્યોમાંથી પસાર થઈને ગુજરાતના અલગ અલગ જિલ્લાઓમાંથી પસાર થઈ ખેડા જિલ્લામાં પણ આગમન થવાનું હોઈ ખેડા જિલ્લાના પોલીસ વડા વિજય પટેલ દ્વારા રેલીનું ઉષ્માભર્યું સ્વાગત કરવાની સુચના આપી હતી. જેને લઈને ખેડા જિલ્લા પોલીસ દ્વારા નડિયાદ ડભાણ રોડ પર આવેલ એસઓજી ખાતે રેલીનું પુષ્પવર્ષા અને પોલીસ બેંડ દ્વારા ભવ્ય સ્વાગત કર્યું હતું. આ દરમિયાન ખેડા જિલ્લા પોલીસ ઉપરાંત વિદ્યાર્થીઓ, નગરજનો પણ ઉપસ્થિત રહ્યા હતા. ઉચ્ચ પોલીસ અધિકારીઓ દ્વારા ઉપસ્થિત સૌને નશામુક્ત ભારત અભિયાનના સંકલ્પ વિશે સમજ અને સહકાર આપવા અપિલ કરી હતી. કાર્યક્રમ બાદ ખેડા જિલ્લાના પોલીસ અધિકારીઓએ નેશનલ બાઈક રેલીને એકતાનગર કેવડીયા તરફ જવા માટે લીલી ઝંડી બતાવી પ્રસ્થાન કરાવ્યું હતું.ગુજરાતના વધુ સમાચાર વાંચવા માટે ક્લિક કરો 

Read Full Story arrow_forward