Patan : સમી પોલીસે સગીરા અને તેના અપહરણકર્તાને કચ્છમાંથી શોધી કાઢયા
સમી પંથકમાં એક ગ્રામ્ય વિસ્તારમાંથી એક સગીરા ગુમ થઈ જતાં તેના પરિવાર દ્વારા ભારે શોધખોળ હાથ ધરવામાં આવી હતી. તેમ છતાં પણ સગીરાની કોઈ ભાળ ન મળતાં આખરે સમી પોલીસ સ્ટેશનમાં ગુમ થઈ જવા અંગેની ફરીયાદ નોંધાવતા પોલીસે તપાસ હાથ ધરી હતી. જે દરમિયાન ટેકનિકલ એનાલીસીસ અને હ્યુમન સોર્સના આધારે સગીરા અને તેના અપહરણકર્તાને કચ્છમાંથી શોધી કાઢી સમી પોલીસ સ્ટેશનમાં લવાયા હતા. જ્યાં સગીરાએ પરિવાર સાથે જવાનો ઇન્કાર કરતાં તેનું મેડિકલ ચેકઅપ કરાવીને સખી વન સ્ટોપ સેન્ટરમાં મોકલી આપી હતી. જ્યારે શખ્સ સામે પોક્સો એક્ટ સહિતની કલમો હેઠળ ગુનો નોંધી વધુ તપાસ હાથ ધરી છે.સમી તાલુકાના એક ગામમાંથી 17 વર્ષીય સગીરા તેના ઘરેથી ગત 23 ઓગસ્ટના રાત્રે ગુમ થઈ જતાં પરિવાર દ્વારા સમી પોલીસ સ્ટેશનમાં ગુનો નોંધાવતા સમી ઈનચાર્જ પીઆઈ એ.પી. જાડેજાની ટીમ દ્વારા ટેકનિકલ એનાલીસીસ અને હ્યુમન સોર્સના આધારે કચ્છના ભચાઉ તાલુકાના કરમડીયા ગામેથી આરોપી 20 વર્ષીય પ્રેમજીભાઈ મનસુખભાઈ દેવીપુજક સાથે શોધી કાઢી બંનેને સમી પોલીસ સ્ટેશનમાં લવાયા હતા. જ્યાં સગીરાનું મેડિકલ એકઅપ કરાવવા સહિતની પ્રક્રિયા બાદ સગીરાએ તેના પરિવાર સાથે જવાનો ઇન્કાર કરી દેતા તેને સખી વન સ્ટોપ સેન્ટરમાં મોકલી આપી હતી. જ્યારે આરોપી શખ્સ સામે પોક્સો એક્ટ સહિતની કલમો હેઠળ કાર્યવાહીહાથ ધરી હોવાનું પીઆઈએ જણાવ્યું હતું.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
