Gandhinagar : કલેક્ટર કચેરી બિલ્ડિંગના ગ્રાઉન્ડ ફ્લોર સહિતના ભાગો સુમસામ બન્યા
ગાંધીનગર તાલુકા સેવા સદનના નવા બિલ્ડિંગમાં પ્રાંત, મામલતદાર, ઈ-ધરા કેન્દ્ર, જનસેવા કેન્દ્ર, આધારા કેન્દ્ર સહિતની કચેરીઓ સંપૂર્ણ રીતે કાર્યરત થઈ ગઈ છે. જેને પગલે કલેક્ટર કચેરી બિલ્ડિંગના ગ્રાઉન્ડ ફ્લોર સહિતની ભાગો હવે સુમસામ થઈ ગયો છે. કચેરીઓ નવી બિલ્ડિંગમાં ખસેડી લેવાઈ હોવાથી અનેક અરજદારો હજુ જુની બિલ્ડિંગમાં જ પહોંચી રહ્યાં છે. જેને પગલે તંત્ર દ્વારા અહીં કચેરીઓ ખસેડી લેવાઈ હોવાની જરૂરી સુચનાઓ પણ લગાવી દેવાઈ છે. સેક્ટર-11માં કલેક્ટર કચેરીની પાછળ 42 કરોડના ખર્ચે ગાંધીનગર તાલુકા સેવા સદનનું ગ્રાઉન્ડ પ્લસ ત્રણ માળનું બિલ્ડિંગમાં તમામ વિભાગ ધમધમતા થઈ ગયા છે. જેમાં જનસેવા કેન્દ્ર, આધારકેન્દ્ર, ઈ-ધરા સહિતની જનસંપર્ક હેઠળની તમામ સુવિધાઓ ગ્રાઉન્ડ ફ્લોર ઉપર જ રાખવામાં આવી છે. મામલતદાર કચેરી પ્રથમ માળે જ્યારે પ્રાંત કચેરી બીજા માળે કાર્યરત કરવામાં આવી હતી. નવી બિલ્ડિંગમાં અધિકારી-કર્મચારીઓ સાથે અરજદારોને પણ અનેકવિધ સુવિધાઓ મળી રહી છે. ખાસ કરીને પાર્કિંગ માટે જગ્યા શોધવી પડે તેવી સ્થિતિનો અંત આવ્યો છે. આ બધા વચ્ચે ઘણા અરજદારો હજુ જુની બિલ્ડિંગમાં જ પહોંચી રહ્યાં છે. જેઓ ત્યાં પહોંચીને લાગેલી સૂચનાઓ વાંચ્યા પછી નવી બિલ્ડિંગ અંગે જાણ થઈ રહી છે. કલેક્ટર કચેરી ખાતે પ્રાંત, મામલતદાર, ઈ-ધરા, જનસેવા કેન્દ્ર, આધાર કેન્દ્ર સહિત કચેરીઓ ખસેડી લેવાતા બિલ્ડિંગના ઘણા ભાગ સુમસાન થઈ ગયા છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
