Community News & Updates

Stay informed with the latest happenings, achievements, and announcements from our community.

All News

calendar_today October 27, 2026

Ahmedabadમાં શિપિંગ ધંધામાં રૂ. 3 કરોડની મસમોટી ઠગાઈ અને નિવૃત્ત બેંક મેનેજર સાથે રૂ. 37.80 લાખની છેતરપિંડી!

અમદાવાદ શહેરમાં રોકાણ અને ઊંચા વળતરની લાલચ આપીને નિર્દોષ નાગરિકો તથા વેપારીઓ સાથે લાખો-કરોડો રૂપિયાની ઠગાઈ આચરવાના કિસ્સાઓ અટવાનું નામ નથી ਲੈ રહ્યા. તાજેતરમાં શહેરના અલગ-અલગ વિસ્તારોમાંથી છેતરપિંડીની બે મોટી ઘટનાઓ સામે આવી છે. પ્રથમ ઘટનામાં શિપિંગ બિઝનેસના નામે કરોડોની ઠગાઈ થઈ છે, તો બીજી ઘટનામાં એક નિવૃત્ત બેંક મેનેજરને શેરબજારના ખોટા ટ્રેડિંગમાં ફસાવીને લાખો રૂપિયા પડાવી લેવામાં આવ્યા છે.શિપિંગ ઈમ્પોર્ટ-એક્સપોર્ટના નામે કોન્ટ્રાક્ટર સાથે રૂ. 3 કરોડની ઠગાઈ, EOW માં ફરિયાદપ્રથમ કેસમાં, કોન્ટ્રાક્ટનું કામ કરતા અમદાવાદના વેપારી રોહિત પટેલ ને શિપિંગ અને ઈમ્પોર્ટ-એક્સપોર્ટના ધંધામાં મોટો નફો અપાવવાની લાલચ આપવામાં આવી હતી. જામનગરના સમીર શાહ નામના શખ્સે તેમની પાસેથી જુદા-જુદા પ્રોજેક્ટના નામે કુલ રૂ. 3 કરોડ રૂપિયા ટ્રાન્સફર કરાવી લીધા હતા. સમય મર્યાદા પૂરી થવા છતાં નાણાં કે નફો પરત ન મળતા આખરે પીડિતે અમદાવાદ પોલીસના આર્થિક ગુના નિવારણ સેલ (EOW) માં સમીર શાહ વિરુદ્ધ સંગીન ગુનો દાખલ કરાવ્યો છે.નિવૃત્ત બેંક મેનેજર સાથે રૂ. 37.80 લાખની છેતરપિંડીબીજી ઘટનામાં, ચાંદખેડા વિસ્તારમાં રહેતા અને બેંકના નિવૃત્ત મેનેજર સાથે ગંભીર ફ્રોડ થયું છે. આરોપી સતીશ શાહ દ્વારા નિવૃત્ત મેનેજરને શેરબજારમાં રોકાણ કરાવીને માતબર નફો અપાવવાની લોભામણી વાતો કરવામાં આવી હતી. શરૂઆતમાં કુલ રૂ. 46 લાખનું રોકાણ કરાવીને તેમાંથી માત્ર રૂ. 8.25 લાખ પરત આપવામાં આવ્યા હતા અને બાકી રહેલા રૂ. 37.80 લાખ પરત ન આપી આરોપીએ તે નાણાંનો અંગત ઉપયોગ કરી લીધો હતો. આ મામલે ભોગ બનનારે ચાંદખેડા પોલીસ સ્ટેશનમાં સતીશ શાહ વિરુદ્ધ વિશ્વાસઘાત અને ઠગાઈની સત્તાવાર ફરિયાદ નોંધાવી છે.આ પણ વાંચો : Ahmedabadના પોશ આનંદનગર વિસ્તારમાં તસ્કરોનો આંતક, ફ્લેટનું તાળું તોડી 8.50 લાખ રોકડ અને દાગીના ચોરાયા!

Read Full Story arrow_forward

calendar_today October 27, 2026

Ahmedabadની 3 શાળાઓને DEOની કારણદર્શક નોટિસ; કોઈ મંજૂરી વગર શાળાનું સ્થળ બદલવું પડ્યું ભારે!

અમદાવાદ શહેરમાં વિદ્યાર્થીઓના ભવિષ્ય અને નિયમો સાથે ચેડા કરતી શાળાઓ સામે જિલ્લા શિક્ષણ અધિકારી (DEO) દ્વારા સખત પગલાં લેવામાં આવ્યા છે.વહીવટી તંત્રની કોઈપણ પ્રકારની પૂર્વ મંજૂરી મેળવ્યા વગર શાળાનું સ્થળ બદલનાર ત્રણ ખાનગી શાળાઓ સામે જિલ્લા શિક્ષણ અધિકારીએ લાલ આંખ કરી છે અને તેમને કારણદર્શક નોટિસ ફટકારવામાં આવી છે.સરખેજ, રખિયાલ અને દાણીલીમડાની શાળાઓને નોટિસશિક્ષણ વિભાગ દ્વારા કરવામાં આવેલી આ કડક કાર્યવાહી અંતર્ગત સરખેજ વિસ્તારમાં આવેલી 'અલ હુદા સ્કૂલ', રખિયાલની 'અલ ફલાહ સ્કૂલ' તેમજ દાણીલીમડા વિસ્તારની 'શુફા સ્કૂલ' સામે નોટિસ આપવામાં આવી છે. આ શાળાઓ દ્વારા કોઈ સત્તાવાર મંજૂરી વિના જ અન્ય જગ્યાએ શાળાઓનું સંચાલન શરૂ કરી દેવામાં આવ્યું હતું જે નિયમો વિરુદ્ધ છે.મંજૂર થયેલા સ્થળે જ શાળા ચલાવવા સ્પષ્ટ આદેશજિલ્લા શિક્ષણ અધિકારી દ્વારા આ ત્રણેય શાળાઓના સંચાલકો પાસેથી તાત્કાલિક લેખિત ખુલાસો માંગવામાં આવ્યો છે. સાથે જ તંત્ર દ્વારા કડક સૂચના આપવામાં આવી છે કે શાળાઓએ સરકાર દ્વારા માન્ય કે મંજૂર કરાયેલા મૂળ સ્થળ પર જ શૈક્ષણિક કાર્ય ચલાવવું પડશે, અન્યથા આગામી દિવસોમાં વધુ કાનૂની અને વહીવટી પગલાં લેવામાં આવશે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 27, 2026

Surat: કતારગામ પરથી ઊડતા વિમાનમાંથી ગંદકી ફેંકાતી હોવાની PGO પોર્ટલ પર વિચિત્ર ફરિયાદ

સુરતમાં સરકારી ઓનલાઇન ફરિયાદ પોર્ટલ પર એક અત્યંત અજીબોગરીબ અને હાસ્યાસ્પદ કિસ્સો સામે આવ્યો છે, જેને જોઈને એરપોર્ટ ઓથોરિટી અને વહીવટી તંત્રના અધિકારીઓ પણ આશ્ચર્યમાં મુકાઈ ગયા છે. સુરતના કતારગામ વિસ્તારના એક જાગૃત નાગરિકે સત્તાવાર ‘પબ્લિક ગ્રીવન્સ ઓનલાઇન’ (PGO) પોર્ટલ પર એવી ગંભીર ફરિયાદ નોંધાવી હતી કે આકાશમાં કતારગામ પરથી પસાર થતી ફ્લાઇટ્સમાંથી નીચે કચરો ફેંકવામાં આવે છે! આ ફરિયાદ વાંચીને પહેલા તો અધિકારીઓ સ્તબ્ધ થઈ ગયા હતા, પરંતુ બાદમાં તંત્ર દ્વારા અરજદારને આપવામાં આવેલો રોકડિયો જવાબ હાલ સમગ્ર શહેરમાં ભારે ચર્ચા અને રમૂજનો વિષય બન્યો છે.શું હતી નાગરિકની વિચિત્ર ફરિયાદ?કતારગામ વિસ્તારના રહીશે PGO પોર્ટલ પર ફરિયાદ નોંધાવતાં જણાવ્યું હતું કે તેમના ઘર અને વિસ્તાર પરથી જ્યારે પેસેન્જર વિમાનો પસાર થાય છે, ત્યારે વિમાનમાંથી કચરો નીચે જમીન પર પડે છે.આ કચરાના કારણે સ્થાનિક વિસ્તારમાં ગંદકી ફેલાતી હોવાનો આરોપ મૂકીને નાગરિકે સમગ્ર ઘટનાની ઉચ્ચ સ્તરીય તપાસ કરવાની અને વિમાન કંપનીઓ સામે પગલાં ભરવાની માંગ કરી હતી.જાહેર ફરિયાદ નિવારણ પોર્ટલ પર આ પ્રકારની અરજી સીધી સુરત એરપોર્ટ ઓથોરિટી સમક્ષ પહોંચતાં સમગ્ર કચેરીમાં સોપો પડી ગયો હતો.તંત્રનો સણસણતો જવાબ: ‘આ વિમાન છે, ખટારો નહીં!’વિમાન સંચાલનના નિયમો સમજાવતો તંત્રનો ખુલાસો. સામાન્ય રીતે સરકારી પોર્ટલ પર રોડ, ગટર, પાણી કે લાઈટની ફરિયાદો આવતી હોય છે, પરંતુ આ આકાશી ફરિયાદ સામે એરપોર્ટ તંત્રએ ખૂબ જ સ્પષ્ટ અને સણસણતો પ્રત્યુત્તર આપ્યો હતો.તંત્રએ અરજદારને સ્પષ્ટતા કરતાં જણાવ્યું કે, "આ વિમાન છે, કોઈ કચરાનો ખટારો (ડમ્પર) નથી કે ચાલુ મુસાફરીએ બારી કે દરવાજો ખોલીને નીચે કચરો ફેંકી શકાય!"ઉડ્ડયન ક્ષેત્રના પ્રોટોકોલ મુજબ, કોઈપણ પેસેન્જર કે કોમર્શિયલ ફ્લાઇટ હજારો ફૂટની ઊંચાઈએ હવામાં હોય ત્યારે તેની બારીઓ કે દરવાજા સંપૂર્ણપણે ‘પ્રેશરાઇઝ્ડ’ અને એર-ટાઇટ પેક હોય છે. તેને હવામાં ખોલવા અસંભવ છે.વિમાનની અંદરનો તમામ કચરો અને માનવ કચરો (વેસ્ટ) સ્પેશિયલ સીલબંધ વેક્યુમ ટેન્કમાં સંગ્રહિત થાય છે, જે ફ્લાઇટ એરપોર્ટ પર લેન્ડ થયા બાદ ગ્રાઉન્ડ સ્ટાફ દ્વારા વિશેષ સક્શન મશીનોથી ખાલી કરવામાં આવે છે. તેથી હવામાંથી કચરો ફેંકવાનો સવાલ જ પેદા થતો નથી.સોશિયલ મીડિયા પર ચર્ચા અને વાયરલ મીમ્સઆ વિચિત્ર ઘટના સામે આવ્યા બાદ એરપોર્ટ વર્તુળો અને સોશિયલ મીડિયા પર તેની ખૂબ મજાક ઊડી રહી છે. લોકો તંત્રના હાજરજવાબી વલણની પ્રશંસા કરી રહ્યા છે, તો બીજી તરફ કોઈ નાગરિક આટલી સામાન્ય વિજ્ઞાનની બાબત સમજ્યા વિના પોર્ટલ પર ફરિયાદ કેવી રીતે કરી શકે તે મુદ્દો પણ ટોક ઓફ ધ ટાઉન બન્યો છે.આ પણ વાંચો: Gandhinagar: બરડા અભયારણ્યના માલધારીઓના સ્વૈચ્છિક સ્થળાંતર માટે પરિવારદીઠ 15 લાખની સહાય સરકાર આપશે

Read Full Story arrow_forward