Gandhinagar : દશેલા ગામના યુવકના મૃતદેહ માટે 10 દિવસથી ટળવળતો પરીવાર
ગાંધીનગરના દશેલા ગામના 29 વર્ષીય યુવક હિરેન આસોઢીયાનું કેનેડામાં રોડ અકસ્માતમાં મોત નિપજ્યા બાદ પરીવારની સ્થિતિ કફોડી બની છે. યુવકના મોતના સમાચારથી ભાગી પડેલા પરિવારને હવે મૃતદેહ માટે રાહ જોવી પડી રહી છે. જેને પગલે એક-એક દિવસ પરીવાર માટે ભારે સદમા સમાન નિવડી રહ્યો છે. યુવકની માતાની સ્થિતી કફોડી બની ગઇ હોવાની વિગતો છે. પિતા બાબુભાઇએ પુત્રની લાશને તાત્કાલિક પરત લાવવા માટે ભારત સરકારની મદદ માંગી છે. કેનેડાની સરકાર દ્વારા હજી સુધી યુવક સહિતના મૃતકોની લાશ દસ દિવસે પણ સોંપી નથી. તપાસના નામે લાશ ન સોંપાતા મૃતકોના પરીવારજનોની ધીરજ ખુટવા લાગી છે.મૃતક યુવકના પિતાએ કહ્યું હતું કે, કેનેડાની સરકારે લાશ ક્યારે આપશે તે સ્પષ્ટ નથી કર્યું, તપાસ હજી ચાલી રહી છે તેવા જ જવાબ મળી રહ્યાં છે. યુવકના પરિવારમાં દસ દિવસથી ભારે શોક છવાયો છે, જેમાં ખાસ કરીને યુવકના માતા-પિતા અને પરીવારજનોને દીકરાની લાશ ના મળે ત્યાં સુધી અન્નજળ ગળે ઉતારવા કઠિન થયા છે. પુત્રના મોતના સમાચાર જાણ્યા બાદ માતા પિતાની આંખો હવે પુત્રના અંતિમ દર્શનની રાહ જોવાઇ રહી છે. હિરેનનો નાનો ભાઇ પિયુષ પોતાના ભાઇની લાશની કાયદાકીય પ્રકીયા પુરી કરવા માટે હાલમાં કેનેડામાં જ ઉપસ્થિત છે અને કેનેડા પોલીસના સતત સંપર્કમાં છે. કેનેડામાં અકસ્માતમાં ચાર-ચાર ભારતીયોના મોતની ઘટના ઘટી છે. પરંતુ ઇન્વિસ્ટીગેશનના નામે દસ દિવસે પણ કેનેડાની સરકાર લાશોનો કબજો સોંપ્યો ના હોવાથી મૃતકનો પરીવારજનો આકુળ વ્યાકુળ બની ગયા છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
