Suratમાં કાપડ વેપારી સાથે 1.24 કરોડની ઠગાઈ: વિશ્વાસ જીતી કરોડોનું ગ્રે કાપડ ખરીદી ફરાર થનાર આરોપીની ધરપકડ
સુરત શહેરના સારોલી વિસ્તારમાંથી કાપડ ઉદ્યોગ સાથે જોડાયેલા વેપારીઓ સાથે આચરવામાં આવેલા મોટા આર્થિક ફ્રોડનો કિસ્સો સામે આવ્યો છે. સારોલી પોલીસ સ્ટેશન દ્વારા ગુનેગારો સામે ચલાવવામાં આવી રહેલી ડ્રાઇવના ભાગરૂપે કાપડ વેપારી સાથે રૂપિયા 1,24,56,608ની મસમોટી છેતરપિંડી આચરનાર આરોપી ફૈજુ મજીદ આમદાનીને ઝડપી પાડવામાં સરોલી પોલીસને મોટી સફળતા મળી છે. આ આરોપીની મોડસ ઓપરેન્ડી અત્યંત ચાલાક હતી, જેમાં તે શરૂઆતમાં વેપારીઓ પાસેથી નાની રકમની ખરીદી કરીને તેનું સમયસર પેમેન્ટ ચૂકવી દેતો હતો, જેના કારણે વેપારીઓનો તેના પર પૂરેપૂરો વિશ્વાસ બેસી જતો હતો.કાપડ વેપારી સાથે ફ્રોડ કરનાર આરોપી ઝડપાયોવેપારીનો વિશ્વાસ જીતી લીધા બાદ આરોપીએ તેની ચાલાકી વાપરીને વેપારી પાસેથી મોટા પ્રમાણમાં કરોડો રૂપિયાનું ગ્રે કાપડ ઉધાર અથવા વિશ્વાસ પર ખરીદી લીધું હતું. પરંતુ માલ લીધા બાદ તેણે વેપારીને માલની નિયત રકમ કે નાણાં ચૂકવ્યા ન હતા અને લાંબો સમય વીતવા છતાં હાથ અદ્ધર કરી દીધા હતા. વેપારી સાથે આ પ્રકારે રૂપિયા 1.24 કરોડથી વધુની છેતરપિંડી આચરવામાં આવતા ભારે હડકંપ મચી ગયો હતો. આ મામલે પીડિત વેપારી દ્વારા સારોલી પોલીસ સ્ટેશનમાં સત્તાવાર રીતે છેતરપિંડી અને વિશ્વાસઘાતનો ગુનો નોંધાવવામાં આવ્યો હતો.પોલીસ દ્વારા સઘન તપાસ શરૂગુનાની ગંભીરતાને ધ્યાનમાં રાખીને સારોલી પોલીસ સ્ટેશનની ટીમ દ્વારા ટેક્નિકલ સર્વેલન્સ અને બાતમીના આધારે વોટર સાઇડ ઓપરેશન પાર પાડીને આરોપી ફૈજુ મજીદ આમદાનીને સકંજામાં લીધો છે. હાલ પોલીસે આરોપીની ધરપકડ કરીને તેની સઘન પૂછપરછ શરૂ કરી છે. આ ઠગાઈના નેટવર્કમાં તેની સાથે અન્ય કોઈ શખ્સો સંડોવાયેલા છે કે કેમ અને વેપારીઓ પાસેથી ખરીદેલું ગ્રે કાપડ કઈ જગ્યાએ સગેવગે કરવામાં આવ્યું છે તે તમામ દિશામાં પોલીસે ઊંડાણપૂર્વક તપાસના ચક્રો ગતિમાન કર્યા છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
